التأجير مع الوعد بالتشليح ... لاتتورط إقرأ

اتفق معاك تماما اخوي

لكن تقدر تقول هالكلام للعسكري .. اذا لا قدر الله سار عليك حادث او بلاش ... انت واقف على الاشارة وجاك واحد مطير وشمع فيك !!
للأسف الان صار الي عنده تأمين مو سائل عن شيء يقللك حتى ارواح الناس مؤمن عليها

يعني لاقدر الله لو دعس له واحد ومات .. التأمين بيسدد !!!!

حسبنا الله ونعم الوكيل .

يقال ان شركات التأجير هي المشكلة .. وإذا شريتها عن طريق بنك زي الأهلي أو الراجحي فما عندك تلك المشاكل !!!

التامين الشامل حلال ولا حرام؟
حسب اغلب الشيوخ انه مايجوز
اقصد انك تروح تامن سيارتك بنفسك
افضل تامين وانت راكب (سبحان الذي سخر لنا هذا وماكنا له مقرنين وانا الى ربنا لمنقلبون) واية الكرسي والمعوذات
وبلا تعاونية وخرابيط

حسبي الله ونعم الوكيل

اخواني انا بأشارككم في حكايتي

من حوالي شهرين طلعت لي سيارة اكورد بنظام الاجار على البنك الاهلي

المهم السيارة ماكملت الف كيلو وكنت موقفها في منتزه الودعه ( الموفنبيك ) على كورنيش جده داخل

مواقف السيارات ويوم جيت لقيت السيارة ماكلة صدمة من ناحية الصدام الخلفي .

المهم جبت الدورية وسوينا تقرير اولي والطرف الثاني مجهول .. رحت اجيب ورقة اصلاح من المرور

قال جيب السيارة ويكشف عليها المهندس ويشوف اذا السيارة تحتاج تصليح

قلت له : الشغلة بتطول .. قال هووووووووه لسه بعدين تروح التأمين ويرسلوا اوراقك للشركة الرئيسية

واذا جات الموافقة ساعتها تدخل سيارتك وبيأخذوا 500 ريال !!!

قمت اخذت نفسي ورحت سويت السيارة برا .. والله ماكلفت شي يذكر بس انه مارشيت الصدام

بقي حكوك سودا واما الصدمة فراحت ..

لي تجربة ثانية مع التأمين لكنها لم تنتهي بعد ( لسه شغاله )وان شاء الله سأحكيها لكم لكن عندما تكتمل

القصة وحسبنا الله ونعم الوكيل ..

تعرفوا يا شباب ان المفروض الي يتعرض لحادث وسيارته مؤمنه ( تأمين شامل زي مايضحكوا علينا )

المفروض ان شركة النصب والتأمين توفر له سيارة بديلة لحين تصليح سايرته .

بالله عليكم احد قد اخذ دباب حتى او سيكل مو سيارة ؟؟

الاخ الفهراني قعد شهرين رايح جاي بالتكاسي ومين عوضه ولا سأل بحاله ؟؟؟

حسبي الله ونعم الوكيل ... حسبي الله ونعم الوكيل .

حسبي الله ونعم الوكيل

والله ناس ماتخاف الله

^^^^^^^^
بعد السلام عليكم ورحمة الله ....أشكر كل من رد علي
أخ إبراهيم عافاك الله من كل شر قيمة السيارة بما أنها متضررة من الطرف الثاني ( سائق الوانيت السكران ) ستعود كاملة للشركة على تأمينه .... وبالتالي دخل بجعبة الشركة حوالي 110 ألف + 60 ألف من المشتري يرجع له منها 17 ألف أما لو أخذ سيارة ثانية .... وهذا الكلام بعد شهر من المباحثات والروحات والجيات... فراح يحسبونها كالتالي
1- بما أن قانون الشركة أن السيارة بعد استخدامها أربع سنوات =صفر والسيارة إستخدمت ربع هذه المده .
2- أن عداد الكيلو كلما زاد قلت قيمة السيارة تناسبا عكسيا
فإن المبلغ المتبقي بعد هذه الحسبة هو 90 ألف فبالتالي تمكنك الشركة كخيار ثاني أن توءجر سيارة بقيمة 90 ألف وتدفع عليها نفس قيمة التاهو أي المحصلة بالنسبة لك خسرت 43 ألف وإنت ماعليك غلط غير إنك طلعت من بيتك ووقفت بإشارة معترضا طريق أخونا السكران

بينما لو السيارة ملكك وبنفس الموقف ...سيدفع لك السكران 110 ألف وإذا كانت تقسيط أو تمويل بترجع القروش للبنك أو الوكالة وكفى الله المؤمنين وقد يرجع لك مبلغ لك بعد... ونقول الحمد لله على كل حال

كلام اخوي مجدي صحيح وانت مستفيد من هذا النظام

اكثر من الأقساط الشهرية وصحيح ان كان فيه ظلم لك ولكن

اهون بكثير من انك تدفع اقساط السيارة وهي بالتشليح

بس عندي سؤال : الحين سمحولك بسيارة قيمتها 90 الف شلون تدفع الأقساط وسعر الكابريس مايتعدا 90 الف يعني المفروض ماتدفع شي

<<< بصراحة هذي النقطة مافهمتها !!

والله يعينك ويفرج كبربتك وجميع المسلمين ..

والله يا أخوان حاجة تقهر مع أنظمت الشركات هاذي
مافي رقابة ولا حماية للمستهلك
والمستهلك لاقدر الله لوصارلو حادث راح في خبر كانا
ولوتفكرو في الموضوع بجدية انا من وجهة نظري كلام أخونا (مجدي مكين) صحيح 100%
والكلام الصحيح الحوادث مصيبة على الإنسان في كل حال من الأحوال
والله يجيرنا وياكم
تحياتي للجميع

لا حول ولا قوة الا بالله
..

والله النظام دا مافهمته ولا عمري سالت عنه لانه شعوري انه مو حلال
ابغى اخرج من الموضوع بشي بسيط
نظام الاقساط في الشركة افضل او تاخذ تمويل عن طريق البنك وتشتري السياره كاش من الوكالة وتسدد التمويل للبنك افضل؟
مع العلم انه التمويل ياخذ نسبة اقل +السداد اوتوماتيك الخصم من الراتب

لاحول ولاقوه الابلاه
نصب
ذاه دليل انه مافي رقابه
لو فيه رقابه كان الشركه حسبت حساب انه المو اطن في ضهر ورااه
بس ماعندك احد

الله لا يجعلني أسير هالأنظمة
والله أجمعلي 20000 و آخذلي سيارة مستعملة و كاااااااش
و تكون باسمييييييييييي
ولا أحد يتكلم علي
الله يعوض صاحب السيارة و يرزقنا و اياكم من واسع فضله

يعني أفهم من كلامكم ان التقسيط هو الأفضل

اخي وش فيك مستحي تقول الجميح ؟؟؟؟

ياريت تقول لنا قصتك مع الجميح علنا نفيد ونستفيد ايش اللي حصل بالضبط ؟؟؟؟

والله يا اخي انت اللي ضيعت حقك ولا اذا كان الخطأ من الكابرس هوه اللي يتحمل السياره مو انت؟

ولو كان الخطأ منك يتحمل التامين سيارتك وسيارته اصلاح وكاله بس انت الله يصلحك سكت

لهم وإلا على طول حقوق الانسان وسوي لهم زحمه لا تترك حقك مشكلتنا يالسعوديين ما فينا نراجع

ونروح ونجي يعني ما عندنا طولة بال ولا كان تاخذ سياره جديده او يتم تصليحها وكالة

المشكله انهم محتدين وش يسوون ما فيه سيوله
اللي ياخذ سياره تأجير ما أخذها الا وهو مايملك قيمة السياره
والشركه والبنك يبون يضمنون حقهم ما همهم وش ظروفك
هذي شركات وحسابات 1+1=100 واذا حدت الظروف 2 يعني مافيه شي اسمه خساره
نصيحتي عادي اذا تبي تمشي حالك بسياره تأجير بس اذا حصل لك حادث احمد ربك على العافيه والفلوس تجي وتروح
يعني لو سيارتك ملك واخذتها كاش ب130 الف مثلا
وجاك واحد سكران وصدمها لك من الخلف وهرب
من يضمن لك فلوسك
سيارتك انعجنت وصارت ما تسوى نقول 20 الف
تكون بهالحاله خسران 110 الاف
وانت دافع فلوس كاش للوكاله!
يعني الحادث مصيبه بكل الحالات وخساره للجميع سواء اللي مشتري كاش-تقسيط-تأجير

اقعد ع سيارة قديمة ولا اخذ جديد باقساط