هل التاهو z71 2008 دبل يستاهل 139 الف ريال؟

اذا فيه فتحه ونافقيشن لا تتردد خذه انا ماخذ z71قبل شهرين ب155الف بس فل كامل وكان العادي ب137 تقريبا z71

أخى الكريم جرب مكيف التاهو وبعدين احكم......مع تحياتى

إذا كان السعر كما ذكرت فهو معقول جدا، ولكن أخشى أن تكون علامة Z71 مجرد ستيكر، تأكد من المواصفات والفروقات بينها وبين الالتاهو العادي.

والله كنت اتوقع انه اغلى من كذا

بخصوص التكييف انا اشهد له من 2007 وطالع تحسن بشكل كبير مره حاطه على اخر شئ وفي شهر اوقست عز الحر وبصراحة ثلج
وزي ما ذكرو الاخوان المشاكل في التكييف من تحت موديل 2000

انا اللي شفته معروض بالصاله في الجميح ب 139 الف ريال
وفي العيسى 136 الف ريال
وجميعها مكتوب عليها z71
وجميعها تاهو وشكله واضح من انه رياضي وليس مثل التاهو العادي لكن ممكن يكون اقل فئة

عندي صديق طلع واحد الاسبوع الماض فل فتحة + جلد لونين+نظام ملاحة دعسات رياضية ب 160 الف كاش

أخوي إنت متأكد من السعر ؟؟؟؟ إذا السعر صحيح تراه رخييييييييييص وأنا أنصحك فيه .

والله انا انصحك فيه تراه موتر يستاهل انا مجرب التاهو والصرااااحه مررررررررره روووووووووعه الموتر بالخطوط ومكيفه بارد وانا اشوفه تمام ومدري انا يوم رحت الوكاله قبل فتره قالي انها نفس السياره اللهم شبك وجنوط والله يكتب لك اللي فيه الخير

بالنسبة للي تكلموا عن المكيف

بالموديلات الجديده المراوح ماتفصل والسيارة واقفه ويعطي تبريد افضل من سيارات 2006 فما تحت اما الي من 2006 وتحت فالمراوح تفصل اوتوماتيكيا عند وقوف السياره لمده تزيد عن 5 دقائق وهذا شيئ مزعج بعض الشيء .. لكن الحمدلله انحلت المشكله بمجرد وصول الموديلات الي من 2007 وفوق

بخصوص التكييف

ولا احلى منه .... واسال مجرب

خصوصا في الخطووووط .. تحطه على اقل شيء وبررررررررررد

بالنسبة لتكييف فتحسن تحسن كبير من موديلات 2000 فالتبريد ولا اروع خصوصا للمنطقة الخلفية للسيارة .. في موديل 2003 افضل بوجود مراوح كهرب للسيارة ... بصراحة تكييف الجمس في الوقت الحالي ما فرقة عن تكييف السيارات اليابانية اما في السابق قبل موديل 2000 ما ينفع تكييف الجمس وخصوصا لا سرت بزحمة

الموتر يستاهل هالقيمة
وبالعكس هو رخيص بالقيمة هذي

وبالنسبة للمكيف
ياشباب حرام عليكم حرنا تراه مب طبيعي مكيفات البيت وهي مكيفات البيت يالله تبرد
يعني الي تعطيك اياه السيارة ايا كان نوعه نعمة كرييييييييم

توكل على الله ... سعره جيد

خذ لك ابيض او عنابي بس ولاتفكر في غيره هذي الالوان

يا خي انا مجرب مكيف الياباني و تويوتا بعد على هايلكس انواع الحرارة وانواع القلق و اذا فيني خير اوقف و المكيف شغال برضه


شخصيا السوبربان 2006 مراوح كهرب شد بلد(من 2004) و تبريد اوقف في الظهر و المكيف شغال و الحرارة هي هي على النص شتا صيف ماشي واقف و تبريد والله اني بعض الاحيان اطفي المكيف

و هذي صورة للمراوح


و بالنسبه لصاحب الموضوع
الموتر قيمته ولا اروع
ويختلف في عن العادي في:
وجود دف لك اوتوماتيكي
رغوة مانعه للاهتزازات في مفاصل السياره
تعليق افضل للرمل
ارتفاع قوي عن الارض من ناحية الواجهه
جميع قطعه من المصنع شديدة التحمل
كفرات ذات نقشة مخصصه للطرقات الوعره
و ايضا اكسسوارات زد71

تحياتي

والله غريبه غريبه انا اللي اعرفه انه فل كامل منه يجي نظام ملاحه دي في دي كام خلفي تنده

وكان سعره 157 الف قبل 3 اشهر بالضبط ؟

ايش اللي تغير وصار 136 الف ما ادري ياريت تتاكدون من الاسعار والله فعلا قهر ينزل عشرين

الف في غضون ثلاث اشهر والله صار بالسعوديه بيع هنود مثل اللي بالمحطات يقولك بميه ويفاصل

لين تاخذها بعشره ريال والله حاله

رخيص جداً بالنسبة لمميزاته وشكله الرائع .. استخر وخذ لك واحد لونه أسود او عنابي

والله التاهو يستاهل بكل اسعارة ومادامه سعرة ممتاز توكل على ربك
وتكيف الامريكي الان ثلج
احنا الدودج مالنا صراحة برد كثير وابرد من مكسيما موديل 2001 وابرد من مازدا 626 2003 والامريكي تحسن في التكيف الان