:: لماذا يا أصحاب الدفع الرباعي !! :: نقــــــــاش لاتحرمنا من رايك ::

ماادري ليه يوم قريت كلمة "تنكيل" راح بالي على المسلسلات المصرية التاريخية
واحد صالبينه ويضربونه بسوط وجسمه مشخّط بقلم روج ماله علاقة بلون الدم ..واللي يجلده يقول له:
أتصبأ عن دين آبائك واجدادك أيها الجنط؟!! (ممثل كومبارس كان يشتغل بالصناعية القديمة )

المهم بعد طول تفكير ربطت بين "الجنط" وال"تنكيل" واكتشفت انه مأخوذ من مادة النيكل <<-- تكفى لاعاد تفكرة مرة ثانية

والله يامشعل انت جبت الموضوع في الثمنيات..خصوصا مع الإجازة والفضاوة..اغلب الشباب طايحين تسدح تحت السيارات وانواع التمسيح والتلميع على غير سنع

ماقلنا شي النظافة زينة لكن موب لدرجة الوسوسة وتصير شغل الواحد الشاغل

المشكلة ان بعضهم تلقاه ذابح نفسه تلميع في السيارة وهو ثيابه شاقصة من الوصخ
لو يعضه كلب الله يكرمكم استغلث (طبعا الكلب اللي استغلث ويوم ودوه المستشفى طلع عنده تسمم حاد وتلوث ببكتيريا السلامونيللا :D )

يااخي بدال ماتنظف لك حديدة نظف روحك بالأول..خل امك تزغرط لو مرة وحدة وتغني "الليلة عيد" اذا شافتك ماخذ لك شاور !

لايزعلون مني بعض الشباب...ترا كلنا نحب نظافة سياراتنا..لكن كل شي بحدود...والأهم من ذلك أعتناء الشخص بنظافته الشخصية أولا ومن ثم يشوف الكماليات

واحلى تحية لحبايبنا الاعضاء ولصاحب الموضوع :)

صراحة ظواهر غريبة صايرة تنتشر عندنا في العالم العربي

كل يوم ظاهرة


تحياتي،،،،

ياهلا فيكم :
اخوي الوحش ارمادا : مشكور على الطلة الحلوة
اخوي مهند : رايك هو عين الصواب وفعلاً إسراف سوف نحاسب عنه يوم !! :a120(104):
اخوي الهامور : صحيح هذا شئ لا يعقل .... والدليل قل لم أبوك وقله أبغى أسوي هذي الحركات شوف وش يقول !! :a120(55):

كلام منطقي اخوي مشعل

شيء طبيعي ان الواحد يعتني في سيارته ويحرص عليها

لكن ماتوصل انه يغسلها في اليوم مرتين وكل اسبوع غسيل بستم وتلميع ويدقون عليه اخوياه يقولون له ترى الشارع الفلاني فيه مويه !!!!!

هذا غير تغطيس الشكمان وتغطيس الجنوط والمساعدات !

هذا كل يعتبر نقص في العقل ومثل ماقلت يامشعل الشيء اذا زاد عن حده انقلب ضده

أنا معك يا أخيي



فيها ناس اعوذ بالله تلقاه مداوم في المغسله..


ما بعد عرفوا قيمة الدراهم..

طبعا يعتبر اسراف..

^^^^^^^
يعطيك العاافيه اخوي كلامك سليم100%

ياهلا فيكم ....
انا ما قلت الواحد لاينظف موتره .... بالعكس الموتر يعكس شخصية الواحد من ناحية النظافة والترتيب ....
بس الشئ إذا زاد عن حده إنقلب ضده ..... يعني تلقى الواحد مذهب العلامات .... ومنكل المساعدات ....
والدفرنس اسووود يلمع ...... والشمان من أوله إلى آخره منكل ...... !!!!!
يعني هذا يعتبر خلل في صاحب الموتر <<<< في نظري

وبالنسبة للي يقول إن الجيب حق تدعيس وتطعيس <<< صحيح لكن أيضا ً في حدود المعقول
في الاخير أقول كل شئ في حدود المعقول تمام ..... :)
تقبلوا إضافتي

مسألة التنظيف من تحت اشوف انها تكون في حدود المعقول يعي يكون نظيف اسود انا معه مو لازم يجي مرايه ما ادري هو بيشخص في الدفرنس ولا لا و خصوصا ان بعضهم يستعمل فمتو وخلطات من نعم ربنا
ناس ما يلقون شي يشربونه وحنا نحط العصيرات على الدفرنس و الكفرات

مسألة التدعيس هذي مع احترامي موتر عن موتر(يعني موتر فعلا دزته دزه و حتى صوت شكمانه يحمس على الدزة و موتر على الله يجيب الـ160 وهو يفح) و بنظري اشوف ان اكثر اللي يداعسون يا تلقاه ربع ولا هايلكس نادر يكون موتر آخر ليش لانه مو واثق في سيارته فيضطر انه يدعس عشان خلق الله يقولون موترك قوي(بحكم ان معي هايلكس و عارف الشغلات هذي والمشكله بعد ان مكينتها مهيب شد بلد ع الاقل مراوح وبواجي وام اس دي) و المشكله انها تكون في الغالب عند الاشارات او الدايريات يعني في البلد

التطعيس برضه اشوف انه في حدود المعقول يعني اذا الارض جايها مطر ايه نطلع وليش ما نتفنن شوي بس بعيدا عن الناس بس فيه ناس ما يجوز له الا التطعيس و الطعس عليه بشريه لا المفروض يبعد عنهم ويسوي اللي يبي يسوي

تحياتي

الصراحة تناقشت مع ناس كثير ضد هالفكرة ولا ادري ليه
اولا لابد ان نؤمن ان الناس اجناس واهواء مختلفة ورغبات مختلفة
يعني مثلا اهل القصيم يحبون التغبير هل اهل جدة يحبون التغبير
اليابان يموتون بالسيارات الصغيرة هل الامريكي يحب السيارة الصغيرة
انتهيت من النقطة الي لازم نتفق عليها
بالنسبة للتنكيل وغسل اسفل الموتر فهي تعتبر نظرة واضافة جمال للسيارة عند بعض المناطق
ولايوجد فيها عيب لاشرعي ولاديني ولاعقلي
وبالنسبة للمقاوم انا اوافق عليه في حدود ضيقة جدا وهو ان يكون بعيد عن الناس والشارع منور ولا فيه حفر ويكون وسيع(صحيح انك صعبة تلقى هالمكان لكن اهم ماعلى الواحد حياته)

بالتوفيق ولي عودة لاضافة بعض النقاط ان شاء الله:a120(104):

هلابك اخوي فيه ناس كثير يسوون كذا خااصه اصحااب الهايلوكسات والربوع (موب كلهم) تشوف السياره وسخه وانواع الغبار عليها والاخ مهتم ينظف الدفرنساات!!!!
الصراحه انا لي تحفظ كبير من الناحيه هذي
بالنسبه للقومات انا اتوقع مافيها ضرر اذاكانت في مكان بعيد عن النااس لانها هوايه
تحيااتي لك

هلا وغلا اخوي ..

بالنسبه للتلميع من تحت .. يعني يعطيها نظره حلوه .. ويحسسك انها جديده ..

وخاصة الجيوب لأنها مرتفعه .. وسهل جدا انك تشوفها من تحت ..

يعني زي السيارات الصغيره اذا غسلها الواحد :)

لكن بالنسبه للتدعيس ..

فيه وجهة نظر عند الناس ( ليست وجهة نظري ) .. ان الجيب ما شريته الا علشان التدعيس والتطعيس ..

وبالنسبه للتطعيس انا أيده .. لكن المقاوم وكذا !! كل واحد له وجة نظره !!

وننتظر رأيهم !!

مااشوف فيها شي خصوصا انه الموتر لا صار نظيف من تحت يطلع سكبه

وسيارتك مهما نظفت البدي والكفرات وهي وصخه من تحت ماكانك نظفتها

اما المقاوم فهو هوايه مااشوف فيها عيب ولاهم يحزنون لكن تكون بعيده عن خلق الله

هي هوايه معروفه قبل في الدول المتقدمه ولها جوائز وارقام قياسيه

السياره بالوقت الحالي ماهي وسيله فقط هذا كان ايام الصدام الحديد