افضل محل لتلميع السيارات

انا لمعت سيارتي عند شركة التلميع الذكي داخلي وخارجي الشغل صراحة كان ممتاز راحت الدوائر اللي ع البودي كامل والشمعات الامامية كانت معدومة ومرملة ورجعت كانها جديدة
الداخلية رجعت شبه وكالة راح كل الوصخ اللي كان فيها
انا جربت شغلهم وكان ممتاز

سيارتي كان لونها عودي غامق
بعد التلميع عند زيبارت طلعت دواير على البدي وتكون واضحة لمن توقفها تحت الشمس
رجعت لهم لمعوها مرة تانية ولكن جلست كم اسبوع ورجعت الداوير مرة ثانية
وخليتها لغاية ما بعت السيارة

واذا تبغى تجرب عندهم جرب انت وحظك
يمكن الشغل بيختلف من فرع لفرع اخر والله اعلم

والله دوختوا الرجال مسكين واحد يمدح محل والثاني يقول انه افشل وأزفت محل
طيب وش تبونه يسوي وين يروح
أنا اتوقع انه يقول أستاهل وش اللي خلاني أشاورهم


بس أنا انصحك بمحل والله نسيت اسمه المهم ان مكانه في الشارع الكبير اللي ورا معارض الشفا مكانه في محطة واتوقع ان بنفس المحطه على الشارع محل فحص كمبيوتر للسيارات

وإذا فيه أحد يعرفه وقالك انه فاشل لمع بنفسك ولا تلمع أصلا أحسن لك <<< عصّب

تحياتي

عبادي

^ ^ ^

ياهلا ومرحبا . . وابد مافيه اي ازعاج . .

وان شاء الله يعجبك المحل . . اهم شي لايغرك شكله . . يمكن مايعجبك :)

بس الشغل تمام

** الدوائر على كلام واحد في زيبارت . . ماتروح ابدآ .. يمكن تروح فتره بس ترجع .. ومدري عن

كلامهم ..

وبالتوفيق . وشاكر لك الــ . . .

:smilie6: .. في امان الله

أفشل محل تلميع على وجه الرض

فلسطينين مايعرفون الشغل ويييييين

شفت عندهم اكورد سوداء البدي كله دواااائر والداخلية ماسووا فيها أي شيء اللهم يحطون عليها ملمعات بس !!! :a120(55):

وفوق هذا كله الصغار بـ 1200 ، وين عايشين فيه !!!


والله لو تلمعه شغالتنا إن يصير أزين من شغلهم :smilie6:




الله لا يهينك يا أبو بدران

^^^


الله لا يهينك يالذيب

آآآآآآآآآسف على الإزعاج


:emot154:

فارس سدير / ياليت تمر على المحل اللي يقول عنه الأخ .. وتقول لنا رأيك المبدئي

لأني سمعت اكثر من واحد يمدحـه ..

وبالتوفيق ..

:emot154:

ياهلا ولله ومرحبا .. فارس سديـر .. ابن ديرتنا البـار ..

ولله تقدر تقول للأسف بعيد عنك ,, تعرف ظهرة البديعه .. تقريبآ مخرج 27

هو هناك في شارع النخيل .. اذا خليت شارع الأبراج خلفك . اول اشاره ديور معها ..

هي في المحطه اللي بالزاويه .. يلمعون داخلي لسيارتي (سوناتا) بـ 250 ..

* وفيه محل في المروج . ماعليه زحمه بس ممتاز .. اول ماتخش مع مخرج 5 وانت جاي من 6

تروح يسار .. بعد اول اشاره تقريبآ .. او ثاني اشاره .. فيه محطه على اليمين ( لتر )

التلميع بوسطها ..

** اي استفسار انا حااضر ..

وآآسف على التاخير:a120(89): ..

هلا وغلا بأبو بدران

هلا بالسديراوية كلهم :a120(104):


الجواب في التقييم <<<<<<<<< مانبي فضايح :e058:

^ ^ ^

وين ساكن اخوي فارس سدير .. اي حي في الرياض؟؟

ولـو تبي النصيحه الأخويه .. وخاصة انك ولد ديرتنا :smilie6:

لاتقرب من زيبارت ابدآ .. سيء جدآ .. وهذا عن تجربه الأقارب والأصدقاء

لا التلميع ولا العازل ..

** اتذكر واحد ضلل اليوكون حقه .. ركبت معه , ولله مافي فرق بينه وبين العازل الكوري ابو70ريال

يعني مايستاهل ابد .. ويقولون بالتلميع نشيل الدوائر اللي من الغسيل .. بس نصابين ..

** الشي الثاني . سيارة خويي . es .. لمعها عندهم .. واي تلميييع .. اطراف الفرش + الجلد + ..

كلها على حالتها ..

( حبيت افيدك بهالموضوع .. واسف على الأطاله )

بس قلي وين ساكن ؟؟ وان شاء الله ادلك على محل بترتاح له بأذن الله

.
.

وبالتوفيق

علمني السبب تكفى

انا ناوي ألمع سيارتي عند زيبارت ، وسيارتي سوداء يعني يبيلها تلميع صح :a120(24):

والكثير ينصح فيهم ويمدح على شغلهم ...


ياليت تقول لي ليش ماتنصح فيهم !!!

زيبارت ممتازين في تركيب العازل الحراري
اما التلميع عندهم انا ما انصح به

فيه محل في غرب الرياض .. ممتاز ومجرب ..

وانا المسؤول على كلامي .. وعماله غاهمه وزحمه .. ماشاء الله عليهم بس ..

هو في ظهرة البديعه .. لو تبون وصفه اعطيكم .. ولله ممتاااااز ياجماعه ..

يعني لايفوتكم ..

وبالتوفيق ..

الله يعطيك العافية :smilie6:

محل تلميع سيارات قمه قمه قمه
موادهم انجليزيه من شركة نيلسن
اسمه سيتي كار بالرياض
طريق الملك عبدالله باتجاه الغرب
الين توصل اشارة جامعة الملك سعود
ترجع من عند الاشاره تجيك محطة الجامعة ( الدريس) على يدك اليمين
فيه سوداني هناك اسمه عبدالله

انا مجربهم والتجربه خير برهان

التحية للجميع ،،
ولكن يا أخوان ما هو أفضل محل تلميع للسيارة (داخلي+ خارجي ) في المناطق التالية :
1- الرياض
2- الدمام
3- جدة
أرجو الفائدة للجميع ..

وكفانا الله شر النصابين ( العماله الغير مهره في هذا المجال )

عندك معجون كار واكس

ممتاز انا مجربه على صدام نيكل

بس لازم تظبط طريقة الاستخدام

انا اشوف انك تلمع بنفسك احسن خصوصاً مع جو الغبار هالأيام

بدل خسارة الفلوس عالفاضي