رأيك في جيب رانجلر 4 ابواب الجديد

اشكركم على أرأكم ومعلوماتكم الحلوة يا اخواني.... انا عندي خلفية لا بأس بها في لجيب لأني من عشاق جيب وعندي رانجلر موديل 98 ومركب فيه كل شي تقريبا والبر اطلع كثير مع الشباب والسيارة ابدا ما فيها مشاكل ومثل ما قالو الاخوة في هذا الموضوع ان الجيب دائما جاهز حل البر وابدا ما يخذلك.. الجديدة ما جربتها بس من منظرها الخارجي جذبني فحبيت اشتريها عشان استعمال البيت, واستعمال البيت طبعا بيكون استعمالها يومي ولكن مثل ما تفضلتو ان اللي ما يحب الجيب بيطفش منها بسرعة اعتقد هذا سبب مقنع ان سيارة غير صالحة لاستعمال يومي او ان يكون في سيارة بديلة في البيت.
والاخ imoafa شكرا لك جزيل الشكر واذا عندك مواضيع اخرى تخص الجيب تفيدنا بها فتفضل نحن نسمعك و ما شاءالله علا سيارتك....|136|

السلام عليكم ورحمة الله وبركاته

اخي الكريم ولا يهونون باقي الشباب

نبدأ باسم الله

اولا

اذا كانت المقصود من السياره انها تكون السياره الرئيسيه فلا انصحك بها لعدة اسباب

العزل الصوتي التسارع الراحه في الركوب والسفر والوكيل الوصخ جدا جدا
الا في حالة ان لك علاقه بميكانيكا السيارات وتستطيع ان تخدم نفسك بنفسك لان الوقت اللي راح تحتاج فيه الوكاله راح تتضايق منهم جدا مهما استقبلوك بكلام طيب ومعسول (اتكلم عن تجربه)

السياره تحس ان فيها ضعف في العزم على الاسفلت ويتلاشى هذا الضعف عند الخروج خارج الطريق سواء مناطق صخريه او رمليه حيث ان السياره تحس ان حصل فيها جنان وذلك لارتكاز عامل الدفع فيها على عزم التدوير وليس على القوه الحصانيه

راح تحس بمقاومة الهواء فيها اكثر من غيرها

لو تلاحظ انا تكلمت عن العيوب فقط عشان ما تقول والله انت تجامل

للمحاسن

السياره اعتماديه بشكل غير معقول واتكلم عن تجربه لمدة خمس سنين 5 وليس يوم ويومين

السياره خراباتها جدا قليله مقارنة بغيرها

ما تخذلك ابدا خارج الطريق

الجديد مقاعده اريح من الاقدم والعزل الصوتي افضل

مسجلها ممتاز
تكييفها ممتاز
الحراره ما عاد ترتفع مثل الموديلات السابقه



لكن

اذا كنت تريدها كسياره اولى وانت انسان مو عاشق جيب يعني ممكن تطفش منها بعد كم يوم

انصحك بنفس المبلغ انك تاخذ بعين الاعتبار

جيب كوماندر
تويوتا فورتشنر
باجيرو


وقبل كل هذا

استخير ثم توكل على الله واعزم على الامر

الشكل الخارجي ,, رائع في نظري...

استخدام عائلي ,,, !!!! ما اعتقد انها جيده للاستخدلم عائلي ,, هذي سيارة اوف رود بحته ,, ليست كباقي الجيوب اللي تصلح استخدام عادى معظم الوقت مع طلعات بر (اوف رود) غير دائمه.

ما ذكرت في سؤالك عن نيه استخدامك للجيب في البر.

ملاحظه .. قاعدة عجلات الرانجلر اربع ابواب طويل ,, وهذا غير جيد في البر.

لازم تجرب السياره في الوكاله,, عشان تتأكد من مدى هدوئها من الداخل ,, لان السقف قابل للإزاله.

اذا على شكلها الخارجي .... عشره على عشره بالنسبه لي ...... والداخلي مقبول
انا ما جربت السياره ..... لكن يوم اني رحت للوكاله وهذا الكلام من فتره ... كان عليه عرض
يبتدي سعره 79000 ريال .....
وهذا اللي اقدر عليه اعذرني