ثاني مرة اطلب وما القى تجاوب (الفزعة تكفون)

اخي الكريم
انا معي الاكسبدشن موديل 2005 دفع ثنائي طلعته وكاله وله معي حاليا 3 سنوات
المزايا(ماشاء الله تبارك الله):
1-راسي في الخط ومريح خاصة في السفر
2-من الداخل واسع وتفصيل المقاعد عملي جدا ومريحه جدا للعائلة
3-سياره ثقيله ذات شاسيه ماشاء الله يعتمد عليه حاصل على جوائز 5 نجوم في السلامه منها 3 مرات متتاليه
4-سياره عملية في الاستخدام وقيادتها ممتعه حتى داخل المدينه رغم حجمها
5- الوكاله في السعوديه جيده (الجزيره) وقطع الغيار معقوله
الملاحظات حسب تجربتي:
1- بالنسبه للبر وتجربتي معي في الطرق البريه الممهده يمشي حاله اما في الاماكن الترابيه يغرز على طول ومتعب في اخرجه ( يعني اذا تبغى سيارة بر من الطراز الاول نصيحه دور في اليابانيه او الجموس الموديلات ما قبل 2007)
2-مكيفه جيد ويؤدي الغرض ولكنه ليس مثل مكيفات السيارات اليابانية الثلج الله يبارك
3-بالنسبه للتفكك والاصوات بالنسبه لي قد تخرج اصوات من الابواب في حال الدخول في مطبات متتاليه (بطناج)ولكنها غير مزعجه ما عد صوت واحد طلع كان مزعج من الكيس الهوائي الراكب وصلحته في الوكاله ب 300 ريال مع احد الصيانات الدوريه وانتهت المشكله
4-عطل علي المكيف لما وصلت السياره 50000 وصلحوه على الضمان وكانت مشكله في الكمبرسور

انا عن نفسي مرتاح فيها تماما ولله الحمد والشكر وانصح فيها ايضا واي استفسار انا حاضر

طيب يالغالي مادامك محتار
فكر بالارمادا تراه جيد وسعره معقول مقارنة باليوكن الي سعره احسه صك السما|3|

هي سيارة جيدة لكن افضل الارمادا وبشدة اذا كان موديل2008




ما اظنه يتمايل
يمكن قصدك عند الشوارع الغير مستوية وهذا طبيعي بحكم تعليقه القاسي|3|

الصراحة محتار والله بين 2006 و 2007 وناوي اخذ مستعمل الصراحة

وابي اكثر نصايح يالربع

واشكر اللي تجاوبو معي على راسي

انا بانتظار مساعدتكم

الارمادا حلو وهيبه بس نقدت عليه في السواقه قاعد يتمايل يمين يسار كأنه سرير هزاز

اخوي اكسبيدشن 2006 غير 2007 هذاك جيل قديم والثاني الجيل الجديد

ياليت تحدد

اذا كنت ناوي القديم فمن ألحين خذ الارمادا افضل بواجد

لكن انت ماحددت تبيها جديدة او مستعمله

من متى سوق الشريطية هو الحكم!!
سوقنا يااخي الكريم ماشي عكس أسواق العالم
الشريطية عندنا يرفعون اللي ودهم فيه وينزلون اللي مايبونه

لكن في النهاية هم شريطية....والكذب من أهم الصفات لكي تكون شريطي ناجح

أنا عمي عنده واحد2004 والآن وده يبيعه ويشتري يوكن
والصراحة السوق يحكم على السيارة وريح بالك
يعني يوكن واكسبدشن نفس الموديل نزلهم المعارض وشف الفرق الشاسع

وللمعلومية مكينة الفورد 5.4 واليوكن 5.3 ويجي 6.0 حسب علمي

السلام عليكم
انا اعرف واحد عنده 2003 والحقيقه ينصح بشرائها ولكن فيه حاجه وحده مااعجبته فيها وهي تفصل عند 170 كيلو في الساعه
وعلى فكره الى عنده استعمال امريكي ودوامه يبعد عن بيته حوالي 80 كيلو واذكر سعة المكينه 5.7 لتر والله هذا الى اعرف عن هذي السياره

بما ان السياره من Ford فأنا اجزم باعتماديتها ,,

الديكور لازم يتفكك مع مقارنه جونا مع الجو الامريكي ;)

لكن حافظ على السياره ولبقها في الظل وان شاء الله ماراح يتفكك شي ,,,

ومن النواحي الثانيه انا متأكد انها سياره اعتماديه وقويه ومريحه جداً ,,,

لا تتردد في آخذها ,,,

تحياتي...وبالتوفيق,,

والله مدرى


لكن يا اخى كل الامريكى يتفكك ديكوره وعن واقع تجارب وليس تجربة

والى اشوفه ان السيارة لها شعبية جيدة


بس تعرف حنا شعب ما يجوز لنا الا الكروزر والجمس.....:D