صوت تفتفه يصدر من المحرك في الجمس

GMC 2001 @user_99556 · 30-05-2008

السلام عليكم ورحمة الله وبركاته

طبعا يا شباب انا قبل ما اشاوركم رحت للوكالة وقالوا لي السيارة ما تحتاج شي مجرد برمجة ويروح الي فيها... طبعا هم يقصدون العلامة اللي تطلع في الطبلون مكان السكيورتي ومكتوب فيها
"chek engine oil prusser"
وحاولو بالبرمجة وما راح
لا الصوت اللي يطلع من المكينة ولا العلامة اللي تطلع في الطبلون

والمشكلة انه يوم اشغل السيارة تطلع صوت هالتفتفه وبشكل قوي مرره في السيارة ويوم تمشي وتعدي النمرة الاولى يروح هالصوت .. او يوم تسخن يخف شوي ..
وكل ما طلع صوت هالتفتفه يطلع في الطبلون العلامة اللي قلتها من اول ..

ابي اعرف وين المشكلة لاهنتم ...
وجزاكم الله خير

اخوكم : بو خالد

متعب العنزي @user_155352 · 01-05-2009

اخي العزيز غير طرمبة الزيت

متعب العنزي @user_155352 · 01-05-2009

اخي العزيز تاكد من طرمبة الزيت ممكن تحتاج الي غيار اذا طلعة العلامه مره اخري وتشوف الامبير حق الظغط نازل غير طرمبه علي طول وباسرع وقت

ابوعبودي33 @user_144095 · 18-04-2009

بالنسبة للتفتفة قد يكون واحد من البواجي مو شغال وتحتاج تصفية مكينة

والوميض في الكهربه من اصبع البطارية او فيش الدنمو

تضعف وتقوا الكهرباء

الزهراني_007 @user_51275 · 08-07-2008

هالمشكلة موجودة في الجمس والكابريس واليوكن من موديل 2000 إلى 2006 (8 سلندر)وهو
عبارة عن صوت طقطقة في البلوف لما تكون الماكينة باردة ولكن بعد التسخين
وتحرك الزيت في الماكينة يختفي الصوت.

عندنا جمس دينالي 2002 والصوت يكون عالي جداً أول ما تشغل
السيارة ولكن بعد دقيقة أو دقيقتين يختفي الصوت بمعنى
أن الزيت ما يوصل لكل أجزاء المحرك على طول.

تحياتي
الزهراني_007

دينالي 2001 @user_47428 · 07-07-2008

مرحبا اخوي ابو خالد
والله بصراحه الصوت مو مثل اول يعني احسن بكثير من اول الحين اما عن الامبير حق الضغط يوصل الى 60 يعني احسن من اول اول ما يوصل الا اذا دست على البنازين
والحين خليتها عندهم رفضت استلمها لاني اتفقت معاهم ما استلم السيارة الا اللمبة تطفي والصوت يروح والحين يقولو بنوديها سهم فحص كمبيوتر قلت براحتكم ورحت الاسبوع الفايت للرياض وفحصتها بالبيان قالوا كل شي تمام بس يمكن عندك مشكله كهرباء والله العالم
المهم
اذا انت تبي تشوف السيارة وتقول لي رايك اوكي عطني رساله وابشر واتشرف والله

GMC 2001 @user_99556 صاحب الموضوع · 07-07-2008

غريبة اذا الصوت راح والامبير حق الطرمبة ارتفع خلاص المفروض تروح..
سؤالي لك: امبير الزيت ارتفع عندك يعني يدور؟والصوت اختفى مرره ولا باقي شوي؟

اذا كانت اجابتك نعم فاتوقع تحتاج برمجه فقط اما اذا غير كذا اتوقع ان موترك يحتاج توضيب ولا نتفاول عليك بس الميكانيكي اللي صلحت عنده كان يقولي انه يمكن تحتاج توضيب او تغيير طرمبة فقط .
الله يعينك اخوي وياريت ترد علي باقرب فرصه..وحياك الله

كل الود

دينالي 2001 @user_47428 · 06-07-2008

ابو خالد
اشكرك اخوي على ردك وتفاعلك ولكن انا غيرت الطرمبة مع الفلتر ومع الوجة حق الكارتير طقم وجية حق طرمبة الموية المهم شغل يدهم طلبو 1000 الف ريال ومع القطع تقريبا وصلت الى 2000 ريال وسويتها في الورشه الامريكية ولكن اللمبة لازالت شغاله ماطفت والله قهرتني بجد
اتمنى اذا تقدر تفيدني اخوى

GMC 2001 @user_99556 صاحب الموضوع · 03-07-2008

د

دينالي 2001

GMC 2001
الحمد لله بشرك الله بالخير
اخوي انا بالدمام اذا انت بالدمام وتدلني على الورشه الي غيرو لك الطرمبة اذا شغلهم تمام
وياليت كم سعره؟
ا وكم مبلغ الاصلاح؟
وكم جلست السيارة بالورشه
وتقبلي شكري وتقديري

حياك الله اخوي
انا بالدمام بعد
وشغلهم لا يعلى عليه
السعر تقريبا 1000ريال الاشوي مع الطرمبة اللي هي قطعة الغيار
وجلست يومين لان الميكانيكي شاطر قال ما بسوي شي الا يوم اعرف العطل من وين <<ما يبي يخسره:emot114: ههههه

اتوقع تجلس معاك يوم واحد ان شاء الله

بالنسبة للورشة هي في الخضرية اسال عن ورشة اسمها الراجحي
بتلاقي عندهم ميكانيكي شاطر ناسي اسمه والله يمني ويصير مديرهم بتلاقي اسمه على لوحة الورشة
اسأل عنه وهو بيفيدك ان شاء الله

واعذرني اخوي لاني تاخرت بالرد عليك

اخوكـ : بوخالد

دينالي 2001 @user_47428 · 27-06-2008

GMC 2001
الحمد لله بشرك الله بالخير
اخوي انا بالدمام اذا انت بالدمام وتدلني على الورشه الي غيرو لك الطرمبة اذا شغلهم تمام
وياليت كم سعره؟
ا وكم مبلغ الاصلاح؟
وكم جلست السيارة بالورشه
وتقبلي شكري وتقديري

GMC 2001 @user_99556 صاحب الموضوع · 27-06-2008

مشكورين يا جماعة الخير

غيرت انا طرمبة الزيت وانحلت المشكلة والحمد الله ..

واتوقع مشكلتك مثل مشكلتي اخوي دينالي لانه اتوقع انه عيب مصنعي

عالعموم غير الطرمبة وقلي وش يصير معاك

وما قصر كل من رد وحاول الافادة

يعطيكم الف عافية ..

خالـد @user_103980 · 27-06-2008

الرمز اللي طالع لك على الطبلون هو : ضغط الزيت

ممكن يكون من فلتر الزيت او الحساس اللي فوق فلتر الزيت

اذا كانت المكينة فيها جنزير فأنه من الشداد حقت الجنزير

او سبايك البساتم والله يستر

جمس 511 برقا @user_98483 · 27-06-2008

اخوي
انت مغشل المكينه صح ولا غلطان ؟

يالغالي السيح حق المكينه يبيله تشحيم
رح الاي مكانيكي او عندك بالبيت وشحم السيح وبتنحل المشكله
اهم شيء اذا جيت بتشحمه الموتر لازم يكوون بارد
لانك لو شحمته والمكينه حاره بينقطع عليك السير

ان شاء الله افدتك بالعلم الوكاااد

تحياتي
جـمـس 511 بـرقـا

دينالي 2001 @user_47428 · 27-06-2008

اخى GMC2001
تحية طيبه
انا عندى يوكن دينالي 2001 والعلامة chek engine oil prusser"
شغاله معى من ثلاث سنوات ماخليت مكينيكى ولا كهربائي وما رحت له وماحلو المشكله عموما انا نفس المشاكل التي ذكرتها هي في سياراتي ايضا ولكن مايقى الا طرمبه الزيت ماغيرتها اذا انت غيرت الطرمبه واختفت الاصوات وراحت الاشاررة chek engine oil prusser"
اتمنى ان تخبرني لكي اغير الطرمبة ولك كل الشكر

GMC 2001 @user_99556 صاحب الموضوع · 05-06-2008

M

Magellan

2001‏ يجي فيه صوت صبابات البلوف
وإذا إحتمت راح
وأغلب ماتسمعه الصبح
الحل: غير طرمبة الزيت

يعطيك العافية يالغالي وفعلا حاليا السيارة بالورشة عشان اغير طرمبة الزيت وان شاء الله وان شاء الله تنحل المشكلة

Magellan @user_96776 · 31-05-2008

2001‏ يجي فيه صوت صبابات البلوف
وإذا إحتمت راح
وأغلب ماتسمعه الصبح
الحل: غير طرمبة الزيت

GMC 2001 @user_99556 صاحب الموضوع · 31-05-2008

وينكم يا جماعة الخير !!

GMC 2001 @user_99556 صاحب الموضوع · 31-05-2008

M

MERCEDES 600S

وعليكم السلام ورحمة الله وبركاته

بالنسبه للتفتفه غالبا شيك على الكويلات ، اسلاك البواجي، قد يكون
الماكينه يبغالها تصفيه
والتصفيه سهله عند الميكانيكي ماتاخذ نصف ساعة ورخيصه جداً.

تحياتي للجميع الله يوفقك

ما اعتقد انها تحتاج تصفية لاني من فتره مو بعيدة مسويلها تصفية ... يعطيك الف عافيه اخوي

h

hathoof

والله خوي ما اعرف شي بخصوص هالموضوع

ام عن الصوت فعموما مرات يكون فيي قطع تتضارب مع بعضها ويطلع هالصوت

ولمن ترتفع الحرارة يروح

اما عن العلامة فهنا المشكلة

يمكن عندك المضخة حقت الزيت تعبانة لذلك ما تدهن كل الاجزاء بسرعة وتحتاج وقت إلين ما يصلها الزيت

الاخوان يفيدونك اكثر مني
تحياتي،،،

اعتقد كلامك عن المضخه صحيح لانه علامة الزيت عندي بالطبلون تكون مررررررررررره منخفضة كانه السيارة طافية ويوم امشي تتحرك وتروح التفتفه وترجع لوضعها الطبيعي بالطبلون ..

بس وش الحل بهالحالة اخوي ؟؟

ويعطيك الف عافيه

hathoof @user_79809 ..:: TAHOE//YUKON GRP. MEMBER ::.. · 30-05-2008

والله خوي ما اعرف شي بخصوص هالموضوع

ام عن الصوت فعموما مرات يكون فيي قطع تتضارب مع بعضها ويطلع هالصوت

ولمن ترتفع الحرارة يروح

اما عن العلامة فهنا المشكلة

يمكن عندك المضخة حقت الزيت تعبانة لذلك ما تدهن كل الاجزاء بسرعة وتحتاج وقت إلين ما يصلها الزيت

الاخوان يفيدونك اكثر مني
تحياتي،،،

MERCEDES 600S @user_49659 · 30-05-2008

وعليكم السلام ورحمة الله وبركاته

بالنسبه للتفتفه غالبا شيك على الكويلات ، اسلاك البواجي، قد يكون
الماكينه يبغالها تصفيه
والتصفيه سهله عند الميكانيكي ماتاخذ نصف ساعة ورخيصه جداً.

تحياتي للجميع الله يوفقك