تقرير التجمع اللي صار في الرياض ( تلثم قبل تدخل )

اول شي شكر خاص جداً للمبدعين في التصوير ( عمر + ابو بدران ) على الصور الاحترافيه

وشكر خاص للأخ محمد لتكفله بالتنظيم

وشكر لجميع من حضر التجمع وشفنا وجيهم الطيبه ويعلم الله اني ماندمت على المشوار لكن الرجعه كانت صعبه شوي ( 250 كيلو تقريباً نفس الغبار اللي كان بالرياض وبعدها صفا الجو )

اول تجمع وكان بالتنظيم هذا والروعه هذي مع انه استمر فقط الى صلاة العشاء يعني فاتنا الكثير من اهداف التجمع وايضاً فاتنا الشوي والعشاء

انا متأكد تماماً ان التجمع القادم بيكون من افضل مايكون والله يجمعنا معكم مره اخرى

الحمدلله مافي احد تأخر اكثر من نص ساعه غير اللي اعتذرو وابلغونا بتأخرهم

الحضور كان ممتاز بصراحه وهذا هو اول تجمع

تشرفت انا بنفسي بمعرفة اعضاء كثيرين بالتجمع وهذا اكبر مكسب

مكان التجمع ممتاز ما اعيب عليه الا شي واحد وهو ان مايمديك تصف السيارات او تعدل بشئ الا والدوريه محضره واخلاق العسكري مش ولابد ( والله ياعليكم عساكر :D )

ودنا بمكان ناخذ راحتنا فيه ونطلع بصور ممتازه ونصف السيارات على راحتنا