تفتفة السياره او توقفها بالكامل عند قيادتها في الغبار او العج
اسمعني .. انا معـاي سوناتا 2006 وماشيـة 72000 كيلو ويشهد علي ربي اني ما راح ازل عليك بكلمة :)
التفتفة ما عمري سمعت أحد يشتكي منها ولا مرت علي .. وبالنسبة انها تطفى فـ الغبار فهذي المشكلة ما سمعتها الا قبل يومين مع الشباب فالتجمع :D .. وصارت مع بعضهم ومع بعضهم لا .. لكن الجميع اتفقو ان المشكلة ما تظهر الا مع السرعة الشديدة 180 وما فوق .. ومنهو الصاحي اللي بيمشي هالممشى بجو في هوا شديد وغبـار ؟!
عدم تحملها لأي تغير بسيط في الكهرباء حتى لو تغيير لمبه
انا ما قد عدلت بـ سيارتي شي ولا ركبت لا زينون ولا أي قطعة .. والحمدلله مرتاح
خ خ خ .. هذي تسميها مشكلة ؟! انا مثل ما قلت لك سيارتي ماشية 72000 وما غيرت الكشافات الا مرة وحدة فقط .. وكل السيارات تقريبا شي طبيعي احتراق الكشاف فيها بسرعة والسبب بكل بساطة انه غير محمي بدرجة ممتازة .. فمع المطر خصوصاً تدخل الموية لداخل الكشاف بسهولة .. وعاد انت اخبر بشوارعنا .. مطر بسيط ثم تغرق :)
الا على فكرة .. وحدة من لمبات الاضاءة للوحات الخلفية احترقت .. ما أدري يمكن يهمك تعرف :D
تتفكفك او تضعف عضلاتها في فتره بسيطه ( من بعد الـ 60 الف )
ما حسيت بضعف .. بالعكس حسيت الموتر صار دعسة خ خ خ
احتراق لمبات القير ( P , R الخ )
ما مرت علي أبداً
العيب الذي وضعه عضو بالمنتدى عن الايرباق ( لحد يقول انا ماتوفرت بايرباق بالكرسي , توفرت بـ 2005 وقطعوها يعني وش ذنب اللي شروها )
مشكلة غير موجودة الا بالاسواق الخارجية .. ثانيا مين اللي قالك انها متوفرة بـ 2005 ؟! .. كانت فيه ايرباقات جانبية فقط ومو بالكرسي ..
سألت اصحاب اللموزينات عنها وبعضهم ممتدح لها وبعضهم يسب ويشتم ويقول مافي كويس
بعض اللموزينات اللي ركبتها اجدها بحاله لا يرثى لها من الاصوات السفليه واغلبهم ممشاهم مابين 160 الى 200 الف
وانت تعرف كيف استخدام صاحب الليموزين واهتمامه بالصيانة واهتمامه انه يشتري قطع غيار أصلية أو لا .. :) ؟ .. انت تدري ان القطع التجارية لهيونداي كثر التراب ؟! .. بتقنعني ان ابو هنود بيركب قطع اصلية وفحمات أصلية ؟ :)
للأسف طريقة سؤالك ليست في محلها
عامل فلبيني في الوكاله اكد لي ان بعض السوناتات توقفت محركاتها عن العمل وهي لم تكمل شهر من استلام العميل لها وتم تغيير المكينه بالكامل على الضمان
هذا العيب بالدفعة الاولى 2005 او 2006 .. وسمعته برضو من احد المهندسين .. لكن الحين ما فيه شي ..
عموماً .. انا عطيتك اللي عندي .. والشباب ما قصرو كفو ووفو :)
