تغطية مصورة متكاملة "فورد اكسبورر 2008"

مشكور اخوى drive. ماكنت ادرى عن هالشغلة مع إنى قريت الكتيب اكثر من مرة :)

الكشن المفصول شكله حلو بس غير عملى نهائى. لو كان ثلاجة مثل قبل نقدر نقول منه فايدة بس وضعه مجرد درج وتكاية ماتنفع نهائى.

الحين كل الأيدى باور عندكم يجى بكشن خلفى مفصول؟

جزاك الله خير اخوى :)

المفروض ان الواحد يبين الحقيقة مهما كانت. مافى اى سيارة بدون عيوب وهذا شى للاسف الاحظ كثير من الاخوان ينسونه وكل ما يتكلم شخص عن ملاحظة سلبية عن موترهم كأنه يسبهم :)

الله يبارك فيك اخوى وجزاك الله خير :)

الملاحظات الى ذكرتها مهى كبيرة للدرجة الى تخلى الواحد يغير رايه عن السيارة. صدقنى مقارنة بسيارات اخرى فإن هذه الملاحظات بسيطة. يمكن اكبر ملاحظة هى البلاستك المستخدم. صحيح مهو بجودة الموجود باليابانى الى تخبره بس حتى النيسان الباث فايندر جودة البلاستك فيه نفس جودة الاكسبلورر وروح بنفسك لوكالة النيسان وقارن. هل البلاستك راح يرخى ويطلع صوت بالمستقبل هذا أمر ما اقدر اضمنه بس سألت واحد عنده الموتر من سنة وللحين البلاستك ماسك مضبوط

الموتر سعره بالكويت 6800 دينار وانا اخذته بخصم خاص 300 دينار

أتوقع يمكن تلاقى غطاء به قفل عند محلات الزينة؟ دورت بموقع فورد ومالقيت بقسم الاكسسوارات اى انواع ثانية من الغطيان للبنزين. بس هم بأمريكا الحين عندهم نظام جديد للبانزين للاكسبلورر اوتوماتيكى يكون فيه الغطاء الداخلى ملغى ومكانه فتحة اتماتيك ماتفتح إلا بخرطوم البانزين من المضخة .... يمكن لهذا السبب مو حاطين قفل للبانزين؟

مشكور أخوي ... أنا عندي خبر أنه موجود بالكتيب ولكن إذا كل واحد يبغى يلغية يروح للكتيب فهذا معناه أنه لو يلغونه يكون أفضل لانه يعتبر عيب .

اقرأ كتيب المالك
فيه طريقة اطفاء انذار الجرس ويصير يطلع صوت اول ما تشغل السيارة بس
انا مسوي الطريقة ذي ومرتاح ( العملية ما تاخذ دقيقتين)

للاخوان
هذه صورة الصندوق الوسطي في الايدي بور 2008

ماشاءالله تبارك الله
الله يعطيك خيره ويكفيك شره اخوي pnrb
اعجبني التقرير كثيرا خصوصا إنه مفصل إلى أبعد درجة ويعتبر مرجع لكل من يرغب باقتناء الاكسبلورر

ثانيا, اعجبني ذكر المميزات والعيوب في التقرير وكأنه كتب من طرف محايد
وهذه ميزة في كاتب الموضوع اتمنى لو أجدها في الكثير ممن يكتبون عن سياراتهم

شكرا لك ويعطيك العافية على التقرير الأكثر من رائع

مبروك ويعطك خيرة ويكفيك شرة كانت السيارة في راسي لاكن الملاحظات إلى لاحضتها أنت وإلي مالحضتها أنا مع نزولي للوكالة إسبوعياً خلتني أفكر شوي في الموضوع ولاأتسرع وياليت تذكر لنا سعر السيارة عندكم في الكويت لأني في السعودية و الله يعطيك العافية,,,

في شي مو عاجبني في الإكسبلورر وبشكل عام في الفورد في الموديلات الجديدة
واللي هو فتحة البنزين ما في لها قفل ياريت لو فيه طريقة لقفل فتحة البنزين

الفروقات كثيرة وانا اخوك بس هم فرق السعر موب هين. حاول انك تشوف واحد جلد رمادى وطبلون اسود على الطبيعة واحكم إذا كان مناسب أو لا. على الاقل ماراح تصادفك مشكلة التوسخ بسرعة مثل ماهو الوضع مع اللون البيج :)

جزاك الله خير وبارك الله فيك اخوى :)

شكرا على التقييم اخوى وبودى لو باقى الشباب الى يعجبهم الموضوع يقيمونه بشكل رسمى :)

اللى عندى مافيه هالميزة. دليل المستخدم مايذكر اى شى عن هالموضوع. اتوقع لوكانت هالميزة موجودة ولو بشكل اختيارى لكانت مذكورة بالدليل

والله يا خوي انك صادق في كل كلمه وكلامك على العين والراس
واشكرك على الدعوة الطيبة واسال الله ان يوفقك دنيا واخره يا الغالي
الفئة إلي اتا طلبته يجي فتحه ومكيف لمس والسي الدي يكون 6 اسطوانات والكراسي حق السواق والراكب كهرب ويكون فيه دي في دي تلفزيون والمشكله المقاعد ما يجي إلا جلد مع اني ودي في مخمل واما الفرق في السعر يزيد عن العادي بعشرة آلآف تقريبا

كثرت أسئلتي عن السيارة :)
عندي استفسار عن المرايا الجانبية سواء في العادي أو في الإيدي باور هل هي قابلة للإمالة والا لا؟؟ يعني تتسكر والا لا ؟؟
لأن المونتنير فيه هالميزة

جزاك الله خير اخوى :)




والله هالألوان مشكلة. نفس ما حصل لى مع اللون الداخلى واضطريت للون الأسود

الطبلون الأسود ليس بقبيح مثل ماتشوف بصور سيارتى بس ممكن يجمع حرارة اكثر من اللون البيج. إذا ركبت عازل حرارى فراح تنتهى مشكلة الحرارة

طيب ليش حاصر نفسك بموضوع الجلد؟ بصراحة الجلد ماينفع لجونا الحار وخذها من واحد جرب الجلد وعانى منه. المخمل ابرد بكثير. لو كنت مصر على الجلد تقدر تاخذ موتر مخمل وتلبس الكشنات جلد. انا شايف محلات تلبس الجلد احلى واحسن من شد البلد وفرق السعر بين الوكالة والمحلات كبير

شلى يفرق كمواصفات بين اقل درجة والدرجة الى اخترتها؟ وكم فرق السعر؟ إذا كان الفرق على موضوع حساست وجلد تقدر تركب هالأثنين خارج الوكالة وتوفر على نفسك مبلغ محترم

اللون الخارجى أمر يعتمد على الذوق. شخصيا أشوف الفضى احلى من الرمادى ولهذا شريته. عندك اللون الذهبى حلو بعد ويتحمل الغبار

مهما تختار اخوى أسأل الله ان يوفقك ويعطيك خيرها ويكفيك شرها

السلام عليكم
انا رحت التوكيلات الجزيرة والحمد لله اعجبتني السيارة واخترت الفئة الثانية وقالو لي ان السيارة ما راح تيجي إلا نهاية الشهر الميلادي :eek: علشان السيارة عليها طلب كثير
قلت ما فية مشكله ولما اخترت اللون وهو فضي بيرش من الخارج وبيج من الداخل طبعا من الداخل يكون جلد ما هو مخمل قالوا لي ما يجي لون بيج فقط يجي لون رمادي مع الاسود بالنسبه الجلد اما المخمل يجي لون بيج
انا انقهرت :(
قاخترت لون فضي دخاني من الخارج ولون بيح من الداخل وقالوا بنرد عليك إذاكان اللون يجي ام لا
طبعا انا اخترت الوان فاتحه علشان جو الشرقيه عندنا حار
وش رايكم يا اخواني إدا ردو علي وقالوا اللون برضة ما تجي وش اختار؟
وسلامتكم:)

الله يبارك فيك

الله يوفقك اخوى وتصير واحد من ملاك الاكسبلورر :)