مواضيع نادي السيارات الكورية والأسيوية المميزة هنا

شكرا لك
موضوع يعتبر موسوعة في مجاله

كم سعر السيراتو 2009 فل كامل ؟؟

مشاء الله عليك الصراحه موضوعك جميل جدا والله يشفي اخوك والمسلمين اجمعين

صح كلامك وانا أتفق معك في كل حرف قلته بس وش أتسوي لحد طق عنده مسمار في سيارته

ولاشي من الامور العاديه الي تصير في كل سياره من اي نوع ... قال ذا كوري وش الفايده منه ياليتني ماخذيته مايعيش مايصبر ومدري وش ..

، وإذا كان سيارته من نوع ثاني غير الكوري سكت وراح يصلح الخراب ولا كلمه قال

وانا أشوف يومياً سيارات كوري من نوع هيونداي وكيا تكرف لجل الدوامات من الدمام الى الجبيل
والعكس وأسبوعياً راجعين لهلهم في الرياض ومشالله عليها ماشتكت .... بس وش أتفهم الي ماهوب راضي يفهم ............. وشكراً

يا شباب تعبنا من كثر ما تكلمنا عن هالموضوع .. قاعدة .. دائماً وأبدا وكل يوم وعلى طول وبتله :bigggrin:

لا تنظر لتجربة واحدة ولا حتى عشرة من معارفك التجربة الصحيحة أو خلينا نقول القريب للصحة

هي التجارب الميدانية لمواقع السيارات المتخصصة مثل JDPower و الـMotortrend وغيرها

هذه المواقع تقوم بتجربة 10 على أيدي سائقين محترفين يعرفون المعايير الصحيحة للقياس


وليس مثلنا يجيك واحد ماخذ اللفة وما يدري وش هو يمشي عليه زفلت نظيف حوسه ما يدري

ويبدأ يحكم.!! ولا واحد ثاني يمشي 200 ما يدري إن كفراته 2000 وصفر..! :smilie16:


فالمواقع المتخصصة هذي هي إلي تأخذ منها العلم وليس من مستخدمين عاديين مثلي ومثلكم.!


فالسؤال إلي يطرح نفسه .. ما سبب قفزة هونداي من الحادي عشر إلى الخامس خلال 3 سنوات
المظهر الشكل التصميم الجودة المواصفات السعر الأداء الإعتمادية إلخ إلخ إلخ.؟؟؟؟

الجواب .. هو كل ما ذكر أعلاه وليس فقط السعر أو الجودة أو الأداء أو أو أو أو.. :)

فعلى هذا الأساس نحكم

موب يجي واحد معه هونداي عام ألفين وخشبه يذم الكلام على الجيل الجديد من 2006 وطالع

مع العلم أن كل سنة أحسن من إلي قبلها وهذا شيء ملاحظ في التقارير والتقييم .. :xyxwave:

^
^

الازيرا متعوده على الوقفه

7 ايام واقفه وثلاث ايام تمشي وعلى هذي الحاله

الازيرا لها كم يوم معطيها واحد من الشباب يدوام عليها 200 كيلو يومياً, قلت له علمها المشوره شلون

ترا وقفه الموتر بدون استخدام مو زينه

انا اذا جلست يومين ماشغلت الازيرا يضيق صدري

اتوقع الوقفه لفتره طويله تضر السيارة

<<< الحق على دوامك:a227:

^
^

ياخي تصدق ان الله مبارك بالسوسو حبيبة القلب

ماشاءالله عليها لو ان اخوي ما يحتاجها الفتره هذي كان طربلت الازيرا الى اشعار آخر وجلست على السوسو

^^^^^^

<<<مستعجل شوي بس برد على بعض الامور

الشدادات شفت مليون سيارة خربانه فيها

ألتيما - لاند كروزر - تريل بليزر - جمس - كامري - لومينا

وكلها موديلات جديده

والبوري كثير يشتكون منه بالافالون والسبب اعتقد دخول الغبار مع الخطوط اما اللي مايمسك خطوط ماعانى من هالمشكله

والستاره اخبر كان فيه واحد عندنا بالمنتدى معاه لكزس(او يعرف واحد عنده لكزس) يقول الستاره خربت عنده

وبعدين التطور اللي نتكلم عنه بأمور فنيه وتكنولوجيا ماكنا نحلم انها تكون بكوري هذا غير تطور المكاين كيف صارت تنافس

السوناتا اول 2.0 127 حصان

اللحين هالمحرك قوته وصلت الى160 حصان تقريبا

حنا ليه نذم بمحرك 2.7 حق الازيرا؟؟ مو عشانه من الجيل القديم(واحد من الاسباب)

عالعموم الكلام يكثر وخلني الحق على الدوام:smilie332:

مدري ليش احس ان التطور اللي حاصل اعلامي فقط وكذلك مواصفات وتقنيات وتصاميم اما الجوده اضع عليها علامات تعجب كثيره

اتكلم من منطلق اني امتلك هيونداي 2002 قبل التطور على كلام الناس وامتلك هيونداي 2007 بعد التطور

تصدق اني وقت السوناتا ما اتردد بمقارنة اعتماديتها مع الكامري لولا فقط جنزيرها اللي يحتاج تغيير في فترات متقاربه وكذلك العيب الموجود في اقفال الابواب الخلفيه فقط لا غير

اما الازيرا ما اعتقد اني راح اقارنها بإعتمادية التويوتا

اسمح لي لو بسب الازيرا شوي لكن والله من كثر ما انزعجت بسالفة التطور بعد 2005

عيوب الازيرا:

بالبدايه تكتة الديكور البسيطه ماراح اتكلم عنها كما كنت قبل لأنها غير مزعجه ابدا ابدا, المشكله ان الحساسيه الزايده فينا جعلت البعض يظن ان ديكور الازيرا متهالك لأبعد حد لا والله الامور طبيعي جداً, والى كل من يملك ازيرا اركبو اوريون او كامري صدقوني بتحسون انكم بنعمه

لكن العيوب اللي بتكلم عنها مثل:

الستاره : ماكملت الازيرا 30 الف الا والستاره طقت صحيح انها تغيرت على الضمان وصحيح ان المشكله انحلت بتغيير الترس الى المنيوم للأبد لكن محسوبه علي انها خربت, ليش خربت من الاساس وين التجارب الميدانيه والقاسيه قبل اعتماد الانتاج والهرج الفاضي اللي نسمعه دايم.

شدادات الجنزير: نفس الحكايه 30 الف, وين جالسين ياهيونداي شارين موتر جديد عشان نستر عند الوكاله بعد الـ 30 الف, صحيح انها تغيرت على الضمان ولا ادري انحلت ولا بترجع والايام تحكم لكنها محسوبه انها خربت " ياهيونداي مابعد 2005 ".

شق الديكور: وهذي الفضيحه الكبيره واللي الى الآن مالها حل صدقوني ترجع المشكله بعد التغيير وكل ما طليت بأزيرا لقيت الشق نفسه وين جالسين ياهيونداي صحيح تطورت جودة المواد لكن يحكمها الدقه والهندسه بالتصميم والتصنيع, الشغله ماهي بس جودة مواد افضل وهذا الشي اللي جلس على حاله

اما السوناتا المكروفه 7 سنوات

ولا قطعه من ديكورها تغيرت, ماكنت اعرف شي اسمه شدادت جنزير, البوري شد بلد تصدقون :), بريكات تمشيني 80 الف, ............ الى هنا جاني واحد قرقره ونساني كل شي

المهم ان اللي بغيت اوصل له ان السوناتا كدت معي بشكل مو طبيعي

استغرب اذا جاني واحد معه كامري ولا فورد يمدح فيه مدح مو طبيعي وموتر يا ماشي 280 او 300 الف اللي مكينته مغيره واللي مكينته يبيلها توضيب وهم ناس سواقتهم هاديه وانا السوناتا العداد 280 الف والواقع مقارب للـ 400 الف ومكينتها انكرفت كرف والى الآن مافيها الا العافيه وهم يسبون بالهيونداي

ماشاءالله تبارك الله

هذي هيونداي ماقبل 2005 وهذي هيونداي مابعد 2005

^^^^^^^^^^^^^^

على فكـرة السـوناتا بالمعـارض المستعمله بالرياض أسعارها أفضــل من الألتيمـا

والهيونداي صار ماسك سـعره

ومثـلاً ماتقارن سـعر سوناتا مستعمله بـ سعر بكامري مستعمله نفس العمر والأستهلاك
لأن السوناتا قيمتها قيمـة الكورلا
ولوتروح السوق تلـقى السوناتا والكورلا أسعارها وحــده

السلام عليكم
بالنسبه للسيارات الكوريه لم تعد تنتظر شهاده احد فرضت نفسها مع شدة المنافسه وارتفعت اسعارها بشكل كبير وما زال الناس يشترونها وتقدمة من الصانع رقم 11 قبل 3 سنوات الي الصانع رقم 5 هذه السنه واخيرا السياره لاتقاس ابدا بكم عمرها بل تقاس بكم قطعت من مسافه من دون ان يحصل لها حادث يدخلها في دوامة الاعطال
يعني لو معي سياره كوريه ماشيه 170 الف كيلو متر وهي موديل 2006 ما اقارنها ابدا بسياره تايوتا او غيرها ماشيه 170 كلم وهي موديل 2000 اكيد هذه السياره لم تستهلك في السنه بقد السياره الاولى .
وثانيه كثير من الاشخاص لايعرف شكل وموديلات السيارات الكوريه التي صنعت قبل 2000 فما بالك ب موديلات قبل 1990 واخيرا من يريد البوم كامل بسيارات هيونداي وكيا ودايو الكوريه عمرها اكثر من عشر سنوات وهي تسير في شوارع الرياض حتى الان يطلب وانا حاضر
واخيرا ممكن اسال بعض الاخوان اين المكسيما 90 والاكورد 90 والجالنت 90 رغم مبيعاتها الكبيره والتي تبلغ اضعاف مبيعات هيونداي وقبل نزول سيارات كيا للسعوديه
ولنقارن بين الالتيما 2006 والسوناتا 2006 وايهم اكثر بقاء في الشوارع .

يعطيك العافية

مع تحياتي

cool raider

تقصد تويوتا أكيد وأنا معك بهالشي
وأنا ما قلت الكوري هو الأفضل ياخي
ممتاز لأن كثير من أعضاء المنتدي الكوري طايرن بالعجة علشان الواحد معة سيارة كوريه مخلي الكوري كأنه فراري وإلا بوغاتي وحاط راسه براس تويوتا و نيسان لا ووصل أنه يقضله على لكزس وإنفنتي التحليل المنطقي يتطلب التجرد من العواطف
بالعكس عندك القدرة على موتر ياباني خذه بدون تردد (بس مو اي موتر طبعا)
هذا الكلام السنع
عالعموم رأيي وكل مافي خاطري طلعته بالرابط اللي أعطيته لك
وأشكرك على سعة صدرك وأسلوبك
وحياك الله
أنا اللي أشكرك على مجهودك وننتظر تتحفنا بمواضيع جديدة ولك خالص تحياتي

لالالا مو الشكل بس في أمور أخرى كثير مثل القوه والأداء والأمان والرساوة والفخامة وطبعا التصاميم والشكل الخارجي.


أخوي لو السبب السعر فقط فيه أرخص من الكوري بكثير
عندك تشيري وتاتا وبروتون وأكيد تعرفهم وعندك فكره عن الأسعار ولو بشكل عام.


تقصد تويوتا أكيد وأنا معك بهالشي
وأنا ما قلت الكوري هو الأفضل ياخي

بالعكس عندك القدرة على موتر ياباني خذه بدون تردد (بس مو اي موتر طبعا)


كلامك في شي من الصحه


عالعموم رأيي وكل مافي خاطري طلعته بالرابط اللي أعطيته لك

وأشكرك على سعة صدرك وأسلوبك

وحياك الله

مهيب قضية حرارة بس لأني متابع لبعض مواضيعك وردودك وكانت جيدة وعقلانية وفيها كثير من المنطقية ( رغم أنها قلت كثير أقصد مشاركاتك )
نرجع للموضوع إذا التحسن مقياسه الشكل فأنا معك أشكال سيارات هيونداي وكيا تحسنت كثير بس لو يسلمون من شغلة تقليد الماركات المعروفة وهذا في عالم السيارات يمكن مهوب ذاك المؤثر حتى الماركات العريقة والجيدة تقلد
من ناحية رخيصة أكيد معظم اللي يشترونه لأنه رخيصه ولا تنسى أزمة الأسهم اللي راحت معه كثير من مدخرات المواطنين
والثاني أسعار السيارات االأخرى ارتفعت ارتفاع جنوني وأخص الياباني اللي الكوري مستهدفه فصار الفرق اليوم بين السيارة الكورية واليابانية من نفس الفئة أكبر من السابق
تبي دليل على أن السيارة ما وصلت لدرجة الجودة المطلوبة رح شف المستعمل موديل 2005 اللي تقول عليه وشف أحد السيارات اليابانية المنافسة من نفس الفئة وشف نسبة النزول بالكوري ونسبة النزول بالياباني تعرف أن السوق ما يجامل ولا يتعصب الأفضل هو اللي ما يخسر كثير
بالنهاية السيارة الكورية تحسنت بشكل كبير عن أول مرة دخلت السوق عام 86 اللي أذكرة كانت نكته مثل الصيني اليوم وكل سنه عن سنه تتحسن بس إلى الآن يببله سنوات من التحسن وتنويع الطرازات علشان تقارع الإثنين الكبار تويوتا ونيسان
بالنهايه أنا جربت تويوتا ونيسان وسوزوكي و بونتياك ومازدا و انفنتي ( أيام العز ) وهيونداي أقول لك إذا استمرت هيونداي على مستوى تحسين المواد المستخدمة في التصنيع ببتعداهم جميعاً مع المحافظة على أسعار منافسة ببتعداهم كلهم من ناحية الجودة بس الحين لا
مع تحياتي يا فكتور القصيم

^^^^^^^

هههههههه ياخوي وش بلاك حار الله يهديك؟؟

روق شوي الله يرضى عليك ترا كله حديد بحديد

طيب أخوي أنا ماقلت كلامي من فراغ

أنا كانت عندي سوناتا 2004 واللحين ازيرا 2006

واذا ماكنت مقتنع بالسوناتا ماشريت ازيرا

طيب اخوي خلنا نبدأ حبه حبه

هيونداي قبل 2005 كان فيها العيوب التاليه:

-ضعف القوة بمكاينها بشكل ملحوظ مقارنه بغيرها من نفس الفئه
وما كنا نسمع لها مقاومات أو انها موتر ياخذه من يحب المقاومات والسرعه

مثلا عندك الجرانديور كانت محركها 3.5 يولد 200 حصان فقط
والان الازيرا 3.3 يولد 235 حصان

-الجوده بشكل عام كان مقبول الى سيء في بعض الموديلات

- كنا نسمع بتخبيط المكاين بشكل كبير
ومافيه احد يمدح بالكوري اصلا

لكن اللحين الوضع تغير
وحتى الشوارع مليانه كوري وناس كثير تشوفها تمدح فيه
تتوقع هالشي جا من فراغ؟؟ فجأه كذا؟؟

طيب تبي تقولي عشانه رخيص؟؟ طيب اول كان ارخص بكثير من اللحين ليش ماكان بهالإنتشار؟؟



طيب الان نزلت موديلات 2009
وبتنزل موديلات 2010 وما أتوقع السمعه بتتغير

عالعموم الكلام يطول في هالموضوع

وسبق اني ناقشته كثير

شوف هالموضوع (بجميع صفحاته)وان شاء الله بتقتنع

هيونداي......(نقاش)...... بصراحه وبدون تعصب

واذا مااقتنعت وجهة نظرك وانت حر فيها ومحد يجربك تغيرها

وبالتوفيق