تكييس السيارة من الداخل

معقوله @user_31828 · 29-02-2008

السلام عليكم

ياشباب الله لا يهينكم

وين أحصل أفضل محل تكـييس السيارة من الداخل في الرياض

تكييس الابواب - المراتب - الشماسات - عصا الاشارة والمساحات - القير والجلنط - الوطايات

واحد دلني على محل في حي البديعـه بالرياض في شارع النخيل ،، هل سبق وان جربتوا شغله ؟

والشيء الثـاني ويـن احصـل تعليقات حلوه للسياره ( التعليقات اللي تتعلق على المرايه اللي جوا السيارة )

دورت في محلات الزينه كلها حروف حقت الحبيبه :D

تحياتي ..

أبـــوبـــدران @user_19528 · 03-03-2008

اتذكر فيه محل بالغرابي شغلته التعليقات بس

, فيه دخله فيها محلات تجي عاليمين قبل الأشاره , هو واحد من هالمحلات

والتكييس , المحل اللي تقول عليه ممتاز , وعليه زحمه ماشاء الله ,

اسعاره اتذكر انها غاليه شوي

في وسط محطه , بجانب مـيـد

والله الموفق

.
.

ZAID ZAID @user_51168 · 02-03-2008

أ

أبـو أنـس

شف محلات السماعيل إلي بداية الغرابي شغلهم ممتاز وراح تدعيلي

كثير من الشباب راح عملوا تكييس وتلبيس وشغلهم رائع

وحياك الله

راى من نفس راى ابوانس

وانا مصلح عندهم

A L K I N Gِِ @user_83644 · 02-03-2008

انصحك بالمحل الي قالك عليه خويك

الي في شارع النخيل (التلميع الساطع)

شغلهم مظبوط

الالتيما السودا @user_84093 · 02-03-2008

بالعكس يا اخ فارس الغرااااااااابي أفضل ولو كان أغلى لأن هناك الايدي العاملة أفضل
محلات الزينة الاخرى العمال مو فاهمين زي العمال اللي في الغرابي عشان كذا الناس تروح للغرابي
وبالنسبة للاخ اللي كاتب الموضوع انا انصحك بالغرابي فيه محلات تكييس حلوة
والتعليقات تحصل هناك بعد تعليقات حلوة يمكن تعجبك
حط سيارتك عن المحل حق التكييس وامشي على رجولك وشوف المحلات بتحصل تعليقات حلوة

فارس العمور @user_46544 · 01-03-2008

ابعد عن الغراااااااااابي نصيحه

انا كل شي ركبته بالغرابي بعد فتره اكتف انه أغلى من غيره سواء كان تظليل او تكييس او اجهزة

بالعربي اجارات المحلات هناك غاليه ويطلعون الاجار من ظهر المسكين المشتري وهذذا كلام واحد من اصحاب المحلات لمى سألته عن اسباب الغلاء الواضح وقال ان الناس تجينا بس لسمعة الغرابي وتدففففففففففع تضن انه الارخص !! او الافضل

a7la2 @user_6431 · 01-03-2008

حبيبي روح لك يوم تكون فاااااضي من صباح الله وامسك شارع الغرابي من اوله لآخره بتلقى كل ماتبحث عنه وأخص محلات الأقصى فهي معروفه بتعديل السيارات ولو انهم مايتكلمو عن انفسهم بس يحصل الشرف اتكلم عنهم انا قلبت سيارتي بالكامل عندهم وشغل مايحتاج واهتمامم بالشغل .

معقوله @user_31828 صاحب الموضوع · 01-03-2008

شاكر لكم على مروركم الطيب

وماحد عنده خبر عن هذي :D

م

معقوله

والشيء الثـاني ويـن احصـل تعليقات حلوه للسياره ( التعليقات اللي تتعلق على المرايه اللي جوا السيارة )

دورت في محلات الزينه كلها حروف حقت الحبيبه :D

كوبرا2006 @user_83786 · 01-03-2008

محلات الزينه في الدمام والله عندهم اشياء حلوه للسيارات اغراضهم كلها يا من البحرين أو الكويت او الإمارات لا يفوتك
مــــــــع تحــــــيـــات الكوبرا2006.

sonata 2005 @user_22366 · 01-03-2008

تبغى نصيحتي رح كيس عند التلميع الساطع الي في الصناعيه القديمه

انا مكيس عندهم من تقريبا خمس سنوات والى الان زي العسل ما تغيرت ولا اصفرت مثل باقي المحلات

ولا دخلها تراب

طبعا اتكلم عن تكييس الارضية والوطايات

أبـو أنـس @user_38810 · 29-02-2008

شف محلات السماعيل إلي بداية الغرابي شغلهم ممتاز وراح تدعيلي

كثير من الشباب راح عملوا تكييس وتلبيس وشغلهم رائع

وحياك الله

@أبو ريناد@ @user_53188 · 29-02-2008

محلات الأقصى بشارع غرابي بتلقي عندهم كل شي

MR.EbraheeM @user_81604 · 29-02-2008

اتوقع بغرابي تلقى محلات زينه بس بالتحديد ماادري

وانا ملاحظ بمنتدانا الغالي ان الأعضاء الي يشاركون في كل امواضيع قليلين جدا

اما الأغلبية ايرد الا على الموضوع الي يعجبه !!!!!!

معقوله @user_31828 صاحب الموضوع · 29-02-2008

ولا رد !! :rolleyes: