السلام عليكم و رحمة الله و بركاته
راح ابتدي بالموضوع و انشالله راح امشي عليه شوية شوية و ذلك لضيق الوقت في الفترة الحالية و لأنه ما ابغى ااخر الموضوع كثير 
اول حاجة خلونا نعرف ايش هو الـTune مع اني اتوقع انه اغلبكم يعرف؟
التيونينج يا طويل العمر هو اعادة برمجة وحدة التحكم بالمحرك او الـ ECU يعني Engine Controller Unite حتى لتخليه قادر على التعامل مع البيئة الجديدة سواءً كانت N/A او F/I ،، و السبب الي يخلينا نعيد البرمجة انه وحدة التحكم كانت مبرمجة على اشياء معينة و ارقام محددة و انتا لما جيت تزود راح تتغير هالأشياء و راح تتغير الأرقام، فالبتالي الكمبيوتر راح يرسل اوامر خاطئة بالنسبة للبيئة الجديدة.
طيب ويش يصير اذا ارسلت الأوامر الخاطئة ؟
الصورة تتكلم
طبعاً بيجي واحد يتفلسف و يقول هذا الي خرط المحرك ما خرطه عدل او انه البستن خرطي،،، لا يا حبيبي البست هذا من افضل الشركات على الأطلاق و هوWiseco بس انا اقول لك يا شاطر ايش الي صار... هذا راعي البستن الذكي ركب توربو و التوربو معروف انه يشحن هواء بكميات جنونية بينما الكمبيوتر غير مبرمج على محاكاة هذي الكميات فبالتالي وش رايح يصير ؟ راح يكون الخليط فوق البست Extremely lean يعني كميات الهواء كبيييييرة جدا بالنسبة الى كمية الوقود المضخوخة و الي راح يصير شغلتين:
الأولى انه الحرارة فوق البستن راح تتراكم في فترات زمنية قصييييييييييرة جداً و بالتالي راح يتمدد البستن بسرعة و النتيجة يقل الـtolerance و اقصد فيه المسافة المتروكة بين البستن و السلند الي تكون عادة من 0.001-0.003
و النتيجة مثل ما شايفين في الصورة
و النتيجة مثل ما شايفين في الصورة
طبعاً الوقت المقدر عشان يصير مثل الي صار في الصورة هو 15-20 ثانية 
يعني تخيل روحك تبني محرك قيمته 40000 و لا تسوي له تيونينج راح تخسر القميص و البتسن. طبعاً اذا انتا مزود الموتر بتربو او بساتن ضغط عالي و لا سويت تيونينج و شفت عندك الزيت قام ينقص فهذا مو معناتها مشنبر و بس ،،،، البساتن و الأقمصة راحو يا بابا 
المشكلة الثانية الي تنتج من عدم البرمجة هي الـDetonation و هو انه يحترق الخليط و يوصل الضغط فوق البستن الى اقصاه قبل لا يوصل الكرانك الـ TDC او الـ Top Dead Centre يعني قبل لا يرتفع البستن الى اقصى ارتفاع. و هالمشكلة غنية عن التعريف و الصورة تتكلم
لاحظ كيف انه القميص يتشلخ
نلخص االي قلناه:
هدفنا من اعادة البرمجة في النهاية عشان المحرك يشتغل بصورة سليمة تحت الظروف البيئية الجديدة <<< احياء هذا مو اعادة برمجة
اوكيه الحين عرفنا وش هدف البرمجة، طيب كيف نبرمج ؟؟؟
اول شي خليني اقول لك انه برمجة نفس كمبيوتر السيارة افضل من اي خيار ثاني و حتى افضل من الـstand alone لكني نسيت الأسباب و راح ادورها لكم لأني انا دائماً ابحث ابحث و اطلع النتيجة و تالي القي بالبحث عرض الحائط 
حتى تبرمج تحتاج الى Dyno Load type مو الداينو العادي و طبعاً الي اعرفه انه هالنوع مو متوفر لذلك راح يجي الخيار الثاني و هو street dyno و طبعاً هالنوع مو سيء،،، طبعاً انا رايح اركز على الـStreet Dyno لأنه خيارنا الوحيد
شوف الفيديو هذا حق هوندا برليود 
قبل لا تتبرمج و بعد ماتبرمجت في الشارع
http://www.youtube.com/watch?v=3rfVrHNoqs8
قبل لا تتبرمج و بعد ماتبرمجت في الشارع http://www.youtube.com/watch?v=3rfVrHNoqs8
هذا المقال منقول يا شباب بدون تحريف
ولكن ازيد عليه يا شباب لما تاخذون سياراتكم للورش ويسوون لكم خراطة ويوسعون في حجم السلندر وتجيبون بساتم اكبر شوي في الحجم طبعا الفرق بالملم صحيح؟
حتى لو كان الفرق بالملم راح تكون مشكلة فعلشان كذا لازم تبرمج سيارتك علشان تعيش مدة اطول
وايضا من المقال هذا نستفيد شي وهو اننا لازم ما نهمل حساسات المحرك نهائيا لانها اذا اعطت قراءات خاطئة راح تكون فيها مشاكل ضخمة للمحرك على المدى البعيد .
وشكرا لكم
