صيانة الوكالة (نيساااااااااااااااااااان) وملاحظاتكم مهم مهم مهم مهم

الله يبارك لك بالسيارة الجديدة، بس بالنسبة لرأيي الأفضل أنك تاخذها على الوكالة عشان ما يسقط الضمان هذا من جهة ومن جهة ثانية إذ أستلمت السيارة و لقيت فيها أي شي مو طبيعي في مشيتها أو شروخ أو أي مشكلة بإمكانك تحاسب الشركة ( الوكالة ) بخلاف لو كانت مغسلة سيارات راح يسيل الدم للركب من الطوشات ويمكن ما يصلحوها.
وانت كيفك
وشكراً

شكرا لكم جميعا

الحقيقه السيارة قربت تكمل 5000 كلم وشكلي مابوديها للصيانة ولا شي حتى توصل 40000 بعدها يحلها ربك
وصيانة الالف كانت مجانيه بمافيها تغيير الزيت والفلتر

نعم اذهب اليهم كل 40.000 الف وخلاص ولكن بدل الزيت في البنشري او مكان ترتاح له في وقته اما عن الضمان و انتهائه تقدر تستفسر منهم اكثر

أولا: الله يبارك لك.
ثانيا: أعتقد الضمان سنتين أو ثلاث سنين ولمسافة 60,000 كيلومت فقط, إذا حافظت على تغيير الزيت والفلتر كل 5,000 كيلومتر فهي تحت الضمان.
ثالثا: بعض الوكالات تعطيك ضمان لمدة خمس سنوات ولمسافة 100,000 أو أكثر بشرط تحضر السيارة لهم كل 5,000 كيلومتر.
رابعا: مهم مهم مهم جدا أن تأخذ السيارة للوكالة (أو ورشة متخصصة محترمة) كل مامشت 40,000 للصيانة الدورية.

مبروووك على السيارة الله يعطيك خيرها ويكفيك شرها


بتكلم عن نفسي

انا اشتريت صني 2005 سويت صيانت 1000 كلم مجاني و5000 كلم

وبعدها سحبت عليهم وسيارتي الحمدلله ماشية 70000 كلم وماشاءالله شد بلد

وسالت كم واحد وقالي الصيانة الدورية نصب × نصب

سيارة جديدة وش تبي تغير فيها يعني

شوفو السيارة القديمة من الددسن 84 والكراسيدات اظن تمشي ذحين زي العسل

وايامهم لاصيانه ولاهم يحزنون

بس اهم صيانه 40000 و80000

وشكرا

عفوا أخي فارس العمور أنا عندي سؤال : صيانة 1000كلم هل عليها رسوم أم مجانية وماذا تشمل ؟ لأني شريت صني وماشية حاليا 200كلم .
وبالنسبة لسؤالك الأخوان يفيدونك إن شاء الله .

بيض الله وجهك لى النصح اخوي كامري

وننتظر البقية !!

وعليكم السلام ورحمة الله وبركاته

اخوي فارس العمور مبروك مقدماً على السيارة الجديدة وأسأل الله علي القدير ان يجعل فيها البركة، ودائماً وابدأ اجعل الراديو على اذاعة القرآن الكريم وعند تشغيل السيارة اقرأ دعاء السفر.

وبخصوص الموضوع فأنا الصراحة كنت أول :-

كل 5 آلاف كيلو اوديها للوكالة وبعد الـ 20 ألف غيرت البواجي في الوكالة وكلفتني 300 ريال طبعاً اخذوا كثير لان رحت للخارج ووجدتها بـ 90 ريال مع التركيب شوف الفرق!!! الى أن وصلت الـ 43.000 وعملت الصيانة والحقيقة انها كلفتني 2300 من تغيير كافة الزيوت والسيور وتغيير الأقمشة وعمل صيانة للفرامل و... الخ
نسيت اقول لك انني غيرت فلتر الهواء خارج الوكالة ( انتبه ترى فيه بناشر تضحك على المستهلك ) الله يعينك تدور وتشوف السعر الطيب لانني اخذ فلتر الهواء بـ 75 ريال ووجدته عند بنشر آخر بـ 45 ريال !!! فرق 30 ريال والله المستعان.

والحقيقة المرة اذا مشيت فوق الـ 60.000 كم انتهى الضمان!!!

وهذه المشكلة اللي يعاني منها الكثير فالكثير، لأن السيارة بعد هذه المدة لا يتحملها الضمان بل يتحملها صاحب السيارة!!!
والله المستعان.

ونصيحة من اخوك في الله اي مشكلة تلاحظها في السيارة لا تتهاون فيها وودها الى الوكيل وهو يتحملها على الضمان!!!

وبالله التوفيق.