هلا وحياك الله اخوي
بالنسبه للاستخدام الامريكي موديلات98و99 اسعارها غاليا من 30 الى 34 الف ريال
وعلى حسب النظف والمواصفات
موديلات 2000_2001 اسعارها مابين 35_38 الف ريال
موديل 2002 غالبا مابين 38 _40,000 ريال
وكل شي على حسب المواصفات والنظف
اما اذا كانت بالمعارض (عليها لوحات) تلقى اسعارها اقل
وبالنسبه للمواصفات السعودي والاستخدام مثل بعض لكن الفرق الجوهري ان السعودي يوجد فيه تكييف للركاب الخلفيين والاستخدام لايوجد به
وايضا السعودي شكمانين الاستخام شكمان واحد
وبالنسه للتكييف تماام ومع الخط ماشاء الله ممتازه جدا
وبالنسبه للتحمل فالفورد والماركيز غنيه عن عن التعريف
بس قبل كل شي المحافظه على الموتر وتبديل الزيوت اول بأول
انواعها
ستاندر (مقاعد مخمل +تحكم يدوي بالمقاعد+مكيف عادي + عدم وجود ريموت وارقام على الباب
نص الفل (مقاعد مخمل +ازرار تحكم للمقاعد+مكيف لمس+ ريموت وارقام للباب
فل كامل (مقاعد جلد+ازرار تحكم للمقاعد+مكيف لمس +ريموت وارقام للباب +يتوفر نوع فيه عداد الكتروني وهيدروليك)
وتبي تعرف الاستخدام الشخصي اقرا رقم الشاص بعد حرف P اذا جاك رقم 73 او 74 استعمال شخصي
اما اذا جاك بعد حرف P رقم 71 او 72 هذي كانت شرطه او تاكسي
وبالنسبه لقطع الغيار فهي متوفره وبكثره واسعارها مناسبه جدا وارخص من الكثير من قطع السيارات
وبالنسبه للتجربه انا كانت معي في السابق كراون فكتوريا 99 استخدام امريكي كرفتها كرف بالفرفره والخطوط وماشاء الله تبارك الله خدمتني الين بعتها وهي بحاله ممتازه
والفورد اذا اخذت لك نظيف باذن الله انه يخدمك وترتاح منه وراح تحبها
ونصيحه اذا تقدر تاخذ موديل 2003 فما فوق خذها وانت مغمض لان صارت فيها تحسينات بأنظمة التعليق وصارت سواقتها مريحه وهاديه وارسى من الموديلات السايقه
