رأيكم وتجاربكم مع وكيل كرايسلر " المتحدة للسيارات" ...

انا صار لي مشكلهع في القير قالو لي بيكلفك توضيب بشكل مبدئي من 4000 الى 6000 او اكثر

ولا عرفو السبب

وديتها لورشه عاديه فحصها كمبيوتر عرف الخراب وهم ما عرفوه وهم منتجين السياراة

صلحها 1100 ريال بس

انا عندي 300M مديل 2002
الحمدلله زينه
انا ما شريتها وكاله وغامرت الا بعد تجربت جيب قراند شروكي 93 وصبره وتماسكه

الوكيل غالي قطع غياااااره وصيانته خرابيط

السيارات حلوه الوكيل سيئ

انا انصح كل واحد يبي يشتري قطع غيار اصليه من الوكاله يروح لفرع الصناعيه في الرياض
ترى يعطي تخفيض اكثل من الوكاله في خريص انا مجرب

ونصيحتي لكل من عنده كرايسلر لا يركب تجاري لانه ما يطول
ادفع شوي وارتح ما تمر الورش

المختصر
الوكيل ما عنده سالفه في الصيانه
يستغل الناس
يتكلم بالالاف

السلام عليكم
المتحدة أفضل من غيرها من الوكالات بكثير
من ناحية قطع الغيار فأسعارها مقبولة نوعا ًما نظراً لجودتها ، وغالباً يكون متوفر
أما من ناحية الصيانة فلم أتعامل معهم أبدا ًلأمرين:
1. وجود البديل( ورشة أبو تركي الفهيد في بريدة ) ، 2. غلاء السعر مقارنةً مع البديل ( لكن كوكالة مقبول )
أما سياراتهم فجودتها عالية لكن ما تمسك قيمتها

من تجربه
ما شفت صيانه اسوأ من المتحد
تطلب قطعه من عندهم بسعر وقدره .. وبعدين تطلع غير الي طلبتها
يعني تشتر قطعه لسياره موديل 1993 يعطونك حق 1998 :confused:
هذا حدث كثير لنا


هذا غير اني ( سمعت ) انهم ايصلحون عطل ويخربون شي ثاني
وانهم ممكن يفكون لك قطعه ويركبون لك واحده خربانه

اذا اشتريت من عندهم اقل شي لا تسوي الصيانه عندهم ولا تصلح فيها شي عندهم
واذا احتجت قطع اشتر وركب برا

يهوووو والله خوفتو الواحد يمين بالله حسرتو فينى انا صراحه عجبنى الدودج نايترو وذحين تقولو

الوكيل زفت ياربى يهووو نبغا هرجه سنعه نتعامل معاه ولا لا ياشباب امكن الان اتحسن لانه

نوع من الموديلات وصار ينزل موديلات كثيره بالله ياشباب ترا فيه ناس تستفسر من جد وحتكع

الاف مألفه فايليت تكونو صادقين فاللى تقولوه وجزاكم الله خير

كم أسعار الصيانه الدوريه عندهم؟
من 5 آلاف-10- 20 إلى 40 ألف كيلومتر

اتصلت على المتحدة للسيارات واخبروني انهم سوف يفتحون فرع ثاني في شمال الرياض ... ننتظر ونشوف ...

أنا والعالئلة عندنا تجربه معهم من خلال 3 سيارات..

1997 دودج انتريبيد بعناها من أكثر من سنة...
1999 كرايزلر 300 ام تبع الوالد مازالت موجودة ماشاء الله خالية من المشاكل
2007 دودج تشارجر

فرع جدة...
التجربة مع الوكيل ايجابية والله على ما أقول شهيد...
اصلاح الأعطال والمشاكل ممتاز
أسعار قطع الغيار بعضها غالي شوية فعلا وبعضها عادي...والقطع دائما عليها خصم...
مشكلتهم الوحيدة " التأخير" " أحيانا " في القطع أو في الصيانة...
والسبب اتوقع من الضغط كونه فرع واحد...
والآن فتحوا فرع جديد في للصيانه في جده نتمنى الضغط يخف

صدقت.......

ماينفع لهم الا العين الحمرا ........

كن زو شخصيه شريره وادخل شرس وتوكل علي الله ..........

في خصم عندهم علي كل القطع عدا الاكسوارات......

الرياض افضل فرع في المملكه

اما جده سلامتك

اعوووذ بالله 2000 ريال علشان جلده ؟؟؟

طيب ياخوي اذا الوكيل تغير وقطع الغيار رخصت ستتغير وجهت نظرك حول السياره

وكيف السياره معك من ناحيه الاستخدام وهل يوجد فيها خربات او عيوب تصنيع ؟؟؟

ياليت الشباب يفيدونا
دئما نسمع الشكاوي على المتحده لكن لا ادري اين المشكله هل من المتحده او من السيارات نفسها ؟؟


اشكر صاحب الموضوع لفتح هذا الموضوع للنقاش

عندنا كرايسلر 300M مشترينها وكالة ايام 2004 ..
والى يومك والله معاناة معهم من ناحية الصيانة وغلاء قطع الغيار لدرجة انها توصل احيانا اغلى من سيارات لكزس من ناحية القطع ..
من اول مااشترينا السيارة ولعت لمبة AIRBAG والى يومك هذا والله ماقدروا يصلحونها على الضمان !!! بس برمجة وكلها اسبوع وترجع تولع اللمبة ..

وكيـــل متعب بشكل كبير ..
لو يصير في سيارة حكة بسيطة قالوا لك عادي 3000 ريال علشان حكة طولها مايوصل 5 سم ..

خليها على ربك لو بتكلم كن عطيتك كتاب كامل اسمه ( المعاناة مع المتحدة للسيارات ) ..

أخر ضحكة ضحكتها معهم وهي سيارتي في الدركسون يطلع صوت مع دوران الدركسون وقالوا لازم تغير جدلة صغيــــررة ورا الدركسون والله قال لي السعر 2000 ريال بكل ثقة وقلت له لا بارك الله فيك ولا في المتحده .. أقسم بالله القطعة جلدة صغييييييره مرررره بـ 2000 ريال !!!
أنصحك تبعد عنهم لاتوقع في مصيده ..