ماذا قال الدكتور عن سيارات مرسيدس ؟ ؟

هلا احمد1 .. المشكلة ان الدكتور مو عــربي .. عشان كذا صعب شويا يشارك هنا .. لكن انا اكون على اتصال مباشر معاه .. وهذا الافضل .. والله الموفق

وشكرا على اقتراحك ومشاركتك الجميلة

طيب اعزم الدكتور هنا بالمنتدى وخله يعطينا خلاصة خبرته وتجربته العلمية والعملية مع السيارات
وبعدها اللي عنده سؤال من الاعضاء يطرحه ودكتورك ان شاء الله ماهو مقصر

يعني تقدر تقول دمج الخبرات العلمية للدكتور مع خبرات الاعضاء العملية
علشان تعم الفائدة

^^^^^^^^^^

الله يهديك لاتقولني كلام ماقلته

وكلامي فهمته كللللللللللله بالمقلوب

على فكره ردك عكس اللي أنا قلته كله

اقرا الرد مره ثانيه:)

يا اخي .. الله بالعقل ماشفناه بس عرفناه .. سيارة موديل 2005 تخبط مكينتها ايش تقول عليها ؟ اتركك من كلام الدكتور وخليني كذاب زي ماقلت .. بس جاوب على سؤالي سيارة موديلها 2005 وتخبط مكينتها .. اكيد بلاشك انها بتكون هيونداي .. بس لييييييييش ؟ شوف عندي حالتين لسيارات هيونداي مخبطة مكينتها وحده سوناتا 2006 وحدة اكسنت 2004 وواحد من الي ردوا على هذا الموضوع قال انه سيارة هيونداي 2005 مخبطة برضو ..

مشكلتنا اننا نتكلم بعاطفة .. يعني عشان امتلكنا سيارة خلاص نخليها احسن من الطيارة ياشيخ وهذا قمة الجهل ..

وانت جايب لي سوالف ابوك وجدك واعمامك .. ياخوي ترى نعرف الشيبان ونعرف سوالفهم .. لو تقوله مايباخ يقولك داتسون موديل 80 احسن !!

واذا انت تقول ان الفولفو سيء .. !! فاسمح لي اقولك انت ماتفهم في السيارات شيء ..

طيب اخوي اذا كانت هذي اسرار

اجل كيف عرف الدكتور عن تردي جودة المكاين الكوريه

من ردك هذا اتضحلي ان الدكتور حكم على الكوري من مجرد النظر للشوارع

والطريقة هذي اي احد ممكن يحكم على اساسها

كلامي صح ولا لا؟؟

اللي ابي اعرفه على اي اساس حكم الدكتور اصلا

واذا كانت صعبه عليك او فيها كلافه انك تسأل الدكتور مو مشكله لاتشغل بالك

يعني لاتشيل هم اننا مكذبينك او شي من هالقبيل بالعكس

بس حنا نستفسر لا أقل ولا أكثر;)

وبالنسبه لحكم الدكتور انا ممكن احكم على رداءة الفولفو مثلا على قلة انتشاره الشديده (اقل من هيونداي)

واذا على التجربه ابوي يسولفلي (يوم قلتله ان الفولفو أمن سياره بالعالم)

قعد يضحك ويقول الحافظ الله ياوليدي أنا اعرف واحد كان معه فولفو 85 (جديده على وقتها) ولعت براعيها وهي واقفه (طبعا الوالد يقدر الفولفو ولكن قالي هالسالفه عشان يثبتلي انه مهما وصلت السياره اعلى درجه من الأمان لايمكن الإعتماد عليها كليا)

وأي واحد (جاهل) ممكن يحكم على الفولفو انه سيء من خلال هالتجربه بس

ويعطيك العافية اخوي على سعة بالك علي

<<<< نشبه:D

هلا م. مشعل .. سلامك وصل والله يحييك ياغالي ..




ردك طيب خاطري ومانقول في السيارات اليابانية شيء .. على عيني وعلى راسي كل السيارات
لكن في فرق كبيررر .. وانا صديق لي عنده مرسيدس S500 موديل 1980 _ مكينة وقير بوكس شغالة 100 % وشوف لها الان 28 سنة ويسافر عليها المدينة والرياض .. ولو يمسك خط ماتجيبه اي سيارة ..

تسلم حبيبي والله يسعدك




ياشباب الي عنده معجزة .. يوافينا بها .. واهلا وسهلا اخوي

معجزه مره وحده !! طيب احسب لنا اكثر من معجزه .. ياكثر معجزات هيونداي:D

اخوي غلطان والله المرسيدس بعيده عن هالسوالف


هونداي وهالخرابيط ..المرسيدس سيارة الشيووخ


وبعدين ماظنتي واحد بيشتري مرسيدس سعرها 30 الف دينار


وبيروح يهجوول عليها علشان تقولي تحمل اكثر الشباب يتكلمون


انه بشتري مرسيدس واروح اطمر فيها رصيف واهجول عليها


لا تفررق موتر عن موتر ..المرسيدس طبعاً تووب هو والبي ام


معه انه البي ام دبليو بدا بالتنازل مستوواه ...واللكزس اشوفه يحل محل البي ام دبليو


وصااعد للمرسيدس ...بس اخوي بغيت اعلق على رد من ردودك تقول جيب سياره


يابانيه موديل 70 شغاله للحين ..عندك الجي تي سكايلان من سبعين وعندك الزد من نيسان


هذوولي مواتر قددديمه وطبعاً عندنا منلعن خيرهم استعراض وتفحيط وتشوف الموتر شغال


وفيه عزززم مو بالمواتر الجديده ..الياباني معروف بالجوده وطولت العمر والالماني ماعليه


كلام بس اللي يقولك الالماني مايعيش اعرف انه ماعنده ماعند جدتي هذا مو وجهه الماني


يبي يخذ الماني ويكسره ويقول مايعيش ..وكلام الدكتور صحيح


مع التحيه اخوك عاشق العباره

سلملـــــــي على الدكتــــــــــــــــور

:)

صحيح اخي ( لكل قاعدة شواذ ) وحالتك التي ذكرت خير دليل .. يعيطك الف عافيه





سؤالك اخوي هذي من اسرار الشركة .. ولا يمكن الاجابة عليه ..

وهناك اشياء استهلاكية تخرب في جميع السيارات حتى ( الرولز رويس والمايباخ ) ويجب تغييرها ..
ولسنا هنا بصدد التحدث عنها .. مشكور جدا على النقاش الراقي والمحترم .. اهلا بك

شوف اخوي بنز_وبس .. الايطالي لم اجربه ولا اعرف عنه شيئا .. ولكن الامريكي مريح كثير في السفر وايضا اللكزس التي ربما تتفوق على مرسيدس في الراحة .. ولكن ان جئنا للقوة والتحمل والامان فالجميع يقول مرسيدس وغيره طراطيش كلام .. ممكن البعض يعارضني وربما الكثير ولكن عندما يجرب الالماني يتغير كلامه كثيررررا .. مشكور مرة اخرى




من الواضح جدا ولائكم للشركة الكورية .. وهذا ليس بعيب بل شيء جيد ..
وأود ان اخبرك بأنه حدثت عندكم معجزة سأسميها معجزة 86 ( ستيلر ) ماشاء الله تحملت ومشيت ..

اتمنى لك كل التوفيق مع السوناتا التي اتعبتني جدا لمدة شهرين وكانت ترقص عند كل اشارة .. وكنت اركبها لما كنت ابغى مساج .. تسويلك تدليك حتى للمخيخ ..

اشكرك عزيزي الكريم

كلامك عاطفي كثيرا .. الان تبغى تقنعني أن BMW الموجوده من ايام الحرب العالمية .. لاتحمل اي مقومات الجودة والتحمل .. وان هيونداي الوليدة تتغلب عليها ..

والنقطه الاخرى جيب لي سيارة تويوتا موديل 80 مانقول 70 .. وقارنها بــ امريكي 70 وشوف الفرق .. يكفي التسعاوي .. ولاننكر جودة تويوتا .. وتظل اراء تحتمل الخطأ والصواب ..

شاكر لك مرورك الكريم




غريب كلامك اخي .. المفترض به كمهندس ان يكون مقيم للجودة .. فكيف يترك المرسيدس وهي قمة الجودة .. ولا اعتقد مرسيدس انها ستهمل جودتها واسمها المحفور في صناعه السيارات منذ زمن بعيد
فمن غير المعقول ان جودتها تنحدر عن السابق والمعروف ان السيارة دائما في تطور مستمر للأفضل

هذا ما اعرفه .. حتى الكوري يتطور للأفضل .. وشكرا لك اخوي [/CENTER]

هلا وغلا أبو انس ووجودك شرفني جدا .. تسلم على الرد الجميل والراقي ..





لست اول ولا اخر واحد يعاني من الكوري .. فقد جربت هيونداي سوناتا 2006 لمدة شهرين تبع الشركة والله العظيم انواع المشاكل .. ولما اوقف عند الاشاره ترقص رقص تهزز ..
وسؤالك عن الامريكي :: اعتقد انه مايحتاج دكتور ولا يحتاج متخصص لان السيارات الامريكيه معروفه وشوف في الشوارع كوابرس وجموس موديلات 70 تمشي وهذا اكبر دليل على كلامي

اشكر لك تجاوبك مع الموضوع ..




كفيت ووفيت .. وتفضل اخي ردودك هي ردودي .. جزاك الله الف خير

صدقت وكلامك صحيح 100 % .. تعيش معاك طول العمر .. واهلا وسهلا بك




لاننكر ان السيارات الكورية تطورت تطورا هائلا .. للأفضل طبعا .. ولكن تبقى جودة التصنيع ليست بالمستوى الذي يضمن لك طول عمر السيارة ..

وان شاء الله بسأله في اقرب فرصه وتأمر امر .. ولكن يبدو أن الفرق كبير جدا في نوعيه المواد المستخدمة في عملية التصنيع وطريقة التصنيع ايضا .. فكلنا نعرف ان كل شركة لها سر الصناعه
ولا نقدر على كشفه .. فهذا سبب تميزها .. وشكرا لك

رجعنا للكزس..لاحول

قالوا لك يا اخي اكثر اعتماديه في فتره محدوده,,وش الي بيخرب فيها وهي نظام بسيط مو معقد؟؟
ودي لكزس 2008 الى ورشة فيها باكستاني تبع كل السيارات وراح يفك لك المكينه ويرد يركبها..ودي له مرسيدس او BMW وخليه يدل محل البلوط بس!!
اكوورد او كامري مطور فقط لاغير..عمرك شفت واحد معه كامري او اكوورد شاريها جديده ويتشكى منها؟؟
ووش الي يخرب في المرسيدس ابغى اعرف انا استخدم لمدة 6 سنوات واستخدام سيء نوعا ما ماشفت شي؟؟!!!

اللكزس=تويوتا=ياباني-كانك تسوق اكوورد امريكي بس 8 سلندر لو كان موجود ههههه صحيح اتكلم جد لو تشوف الاكوورد الامريكي تقول لكزس

على العموم اخوي فيكتور,,

المحرك يصنع من الالمنيوم مرسيدس تضع لك المحرك المنيوم 100%
وكذلك ال BMW

الشركات الاخرى تضع لك المنيوم مخلوط معه معادن اخرى

السماكه تختلف كذلك
فلو نظرت لسماكة محرك الكزس مثلا ال LS460 ذو ال 8 اسطوانات راح تشوف وزنه مثل محرك المرسيدس ال 350 ذو ال6 اسطوانات راح تشوف الوزن متقارب !!

وهنا يكمن سعر السيارة
ليه هذي ب 300 الف والاخرى 700 الف؟؟

يعطيك العافيه اخوي

بس ما جاوت على تسآولاتي

اللي أبغاه بالضبط ايش المواد المستخدمه هنا وهناك
يعني ايش المواد هذي اللي تتحمل مع الزمن وتعيش

وأنا معاكم ان الألماني متطور تقنيا أكثر من أي صناعة أخرى بالعالم مو بس بالكوري
وهذا ماينكره عاقل

ولكن بالنسبه للتحمل والخرابات فهي ماتعتمد على المكينه فقط
يعني فيه حاجات كثيره بالسيارره تخرب وتضرها ضرر كبير والمكينه سليمه مافيها شي

مثل نظام التعليق والتكييف والرديتور و و و الخ

وبإعتقادي ان كلام الدكتور عن الموديلات القديمه وماأعتقد انه يقصد الموديلات الجديده

والزمن بيننا كلها 5 سنوات بالكثير (تروح ولا شي) ونشوف السيارات الكوريه بالشوارع

سواء بالنتشار وبكذا تكون الصناعة الكوريه اثبتت جودتها

او بالاختفاء من الشوارع وبكذا تكون فاشله وماتعيش

وتجربه واحد او اثنين مانقدر نعممها

وبالنسبه للدكتور انا ماعتقد انه بيكون كلامه مقنع لي بقدر مواقع الهيئات اللي تقيم جودة السيارات
لاني بكل بساطه ماعرفه ولاأعرف خبراته ومعرفته بمجال السيارات

وبعدين حرام عليك تقارنه بالتايوان او الصيني

والله الكوري تتطور ياناس وصار شي وشوي

يمكن بعض الناس مايعجبه الكوري حتى لو تتطور

يعني على سبيل المثال انا اكره بيجو على اوبل على رينو

ولكن كرهي لها مايخليني اعيبها او اذمها لأني بكل بساطه ماجربتها

وغير كذا لما اجي اشتري سياره ماتطري على بالي نهائيا ولا أفكر اشتريها لأنها ماتعجبني بكل بساطة فقط

وارجوكم لا حد يزعل علي
واتمنى انكم تقدرون موقفي

فمان الله|3|

اذا كان الحديث عن المحركات فقط
فكلامه صحيح 100% لان الالماني كل شي يخترب فيه الا المحرك يعمر اكثر عن اي سيارة ثانيه
لا تقول لكزس و لا تقول بطيخه .
و مع ذلك لكل قاعده شذوذ و اهتمامك بالمحرك هو من يطيل عمره
و كمثال :
واحد من الشباب عنده E320 2003 مشت 260 الف كيلو و ضربة المكينه !!!
و ياما شفت هوندا و حتى كورولا موديلات ما تعدت ال 6 سنوات مبدله محركاتها


اما
الكوري ما اعرف عنه شي بس واضح انه بدا ينتشر فالاونه الاخيره و اكيد لانه اثبت جداره
مع انه ليس ضمن اهتماماتي

____
يعطيك العافيه

كلام فارغ..
انا استخدم موديل حديث
قوة-عملي-مافي خرابات حتى البطاريه,,ما ابدل غير زيت وقماشات

LAMBADA

الظاهر ياخوي انت الي منسم..ابسألك انت شفت النتائج؟؟ هههه
وعلى فكره في الجوده لاتقولي لا ياباني ولا كوري ولا امريكي
ان جيت للياباني عملي+امان متوسط الى رديء+انسى راحه في السفر حتى اللكزس
الاسترالي ماهو عملي+امان متدني جدا جدا+الراحه شبه جيده
الامريكي عملي نوعاً ما+امان متدني نوعاً ما+الراحه شبه جيده
الاوروبي+الايطالي=العمليه+الامان+الراحه
ولاحد يقول غير هالكلام

والكوري ماباجيب له سيره باختصار انت لما تروح السوق بتشتري تلفزيون وتشوف مكتوب عليه كوري او تايون بتفكر تشتري؟