265/75/R16 ماهو افضل كفر من هذا المقاس

غريب امرهم طيب نشوف لان الجفالي ماعنده يقول اصبر شهرين وما ادري اذا بتجي في الدفعه نفس المقاس الي تبي ولا لا . و القحطاني بندور عليه بواصل :D امزح الدليل طبعا



والله انا نفسي بالمشلان ما اقول لا لاكن شوارع ماتستاهل وخصوصا مع الحفريات الجديده ملعوزين الديره لعوزه اقسم بالله ان البر و الرمل ارحم مليون نره على الموتر من الشوارع المكسره و المحفره والله ما تتخيلون لاي درجه

وبعدين انا مره رحت لجفالي نفسه وتكلمت مع اللبنايني الي عندهم ومن يوم ماقالي ان الضمان مفتوح وانه عنده كفرات مصنعه من تاريخ 1999 ويبيع منها ( الكلام عام 2003 ) غسلت ايدي منهم

ماظني ان عندك فرع بجده ;)




في هذي معك حق انا كنت مركبها زمان في الاكورد (2001 ) وصارت لي مشكله وانا طاير وحاصة علي السياره الين ماشبعت ( ربك ستر الحمدلله ) ويوم وقفت رجعت شغلت السياره ومشيت صحيح انها كانت تنقز شوي بس ماشاء الله عليها وصلت لين البنشري




من غير صور عارف بس ايضا اتذكر انه في وقت ما كان اصحاب اللاند و الباث الي ينسمون كثير يعانون منه



والله مجربينها قبل وكذا فرصه على قولتهم ماضبطت وبعدين لا تنسى ان وكيلها شايف نفسه حبتين وصاير يرفع سعره



والله في النت شفت اشياء تهبل بس على الواقع في اسواقنا مالقيت شي تعقدت

أخوي سيف نجد
BF GOODRICH
وكيله بالفعل الجفالي
بس الكفر تحصله عند القحطاني مارينام
ماادري اذا عندك بجده الان هالمحل
والقحطاني برضو هو وكيل كوبر

تحياااتي لك

مو شرط البرجستون له نقشات مختلفه ومع كل نقشه لشكل الكفر بيفرق الاداء والصوت ابحث في النت في مواقع الاجنبيه وبتشوف تقيمهم كم نقطه يحرزها من 5....

ليش البرجستون لا وألف لا :)

البرجستون خيار مناسب يجمع بين البر والمدينة والأمر راجع لك

يا أخوان الميشلان جربته مره وعيبه يطلع أصوات تفحيط عند الإنعطاف أو الدوران بالسيارة خلال فصل الصيف مع إن السرعة ما تكون عالية.

أنا جربتها على سيارة سيدان فما أعرف هل في السيارات الأكبر نفس الصوت أو لاء.

لكن بكل صراحة صار لها فترة طويلة وكأنها جديده ومطبها ممتاز

بالتوفيق للجميع

اداء الميشلان جيد جدا في جميع انواع الطرق والتضاريس وليس ادل على مثل هذه الصورة ..

مافي أفضل من الميشلان لما تتكلم عن التراكشون و braking
الميشلان عمر أطول أيضا
الأفضل بال safety
و بالطبع هو الأغلى كسعر

تحياتي...

والله ياصاحبي بالعكس انا كاره ارتفاعه شوي ودي ارفعه زود ( اركب مساعدات ويايات odl man ) بس مشلكتي الاهل



هممم زدتني شوق البالون بالنسبه لي فاشل او يبي يضرني اكثر من نفعه انا حاليا بجده وانواع الحفر و الزفلت الشقق و الارصفه المكسره ماظنيت انه راح ينفعني كثير بس ماعليك بدور عليه واشوف وش سالفته



اهلين حبيبي عاش من سمع صوتك وينك من زمان غايب

اول شي ظنك من جد انهم يفهمون هم وش يبيعون يعني ما يحتاج اقعد طول اليوم اشرح له فيزياء الكفرات ;)

الجوديير بصراحه لقيته بسعر زوين الكفر 450 نفس دعست الي يجي من بلده <-- وهذا الي مخوفني اكره مقاسات المصانع

فعلا الدانلوب الي للاند كروزر نقشته مختلفه تماما واختلاف الشمس عن القمر سواء بالمقاس او اشكل او الدعسه بس ما اهتميت بسعره شكلي بروح اسأل الوكيل نفسه وانا احاول اشرح لهم فيزياء الكفرات

يوكوهاما معصي اسمحليا جربتها قبل في البريفيا صح تماسكها جيد جدا و كل شي بس تمسح مثل المساحه على طول تختفي النقشه

بريدجستون لي قصه طويله معهم و مقاس الحوض الفورد هي بدأت مع فايرستون وانتهت مع بريجستون وصراحه ما طولت ابد مع العلم ان الحوض كان في فتره كرف تحميل ومن بعدها ركبت التويو وهي الي بصراحه اثبتت نفسها معي في المقاسات هذي وخصوصا انك ممكن تطيح الكفرات وتطالع والله ماتعرف ان الكفرات منسمه ابدا ماشاء الله عليها ودعستها ثابته على الخط بشكل جيد ( زادت من ثبات الحوض كثير اقرب ماله ثبات السيدان ) مافيه شغل تنقيز الكفرات الكبيره ( بس المشكله ماظني اني القى نفس الدعسه لانه قديمه شويتين ( مركبه من عام 2002 في الحوض الى اليوم )

نصيحتي تصلح الكفر على الضمان. روح لوكالة دنلوب وخلهم يغيرونها على الضمان.

دنلوب أثبت كفاءته في اللاند كروزر، ممتاز جداً في الرمال.
جوديير غالي جداً، يوصل 800 ريال للكفر، وهو نفس إللي في الهمر H3.
عندك يوكوهاما سعره ممتاز 500 ريال للكفر، لكن ما أدري عن أداؤه. عندك بريدجستون (نفس إللي ركبته في سيارتي) ممتاز جداً، مرتاح معه إلى أبعد الحدود. متماسك جداً في الرمال حتى إذا من غير تنسيم يمشي بسهولة، وهادئ جداً في الخطوط السريعة وتماسكه (تراكشن) ممتاز جداً على الأزفلت. سعره 525 ريال للكفر الواحد، ياباني.

الظاهر مافيه عرض 270 ...

اللي فيه 275/70/16 وهذا اعرض كفر في السوق موجود للجنوط 16

والماكسس اخوي سعرها 320 ريال وترى ممتازة للي طلعاته للبر واجد

وهي نفس اللي يركبونها الهددات والفتكات (( بالون ))

صغر شوي الكفر وعرضه ازيل للبران الرمل تصميم الfjوحجمه يرفعه عن الارض يصير ممتاو للصخور...

ميشلان ما ظنيت على الجيوب من اول وهو كي الحال ( السيدان ممتاز )

بريلي دعست الاسكوربيون او العقرب جربتها م اضضبطت ابدا وبالعكس كانت ثقيله حبتين

بي اف جوود ريتش والله قاعد ادور لها وكيل يقولون الجفالي سألته قال ما عندي كفرات الحين اصبر كم من شهر

جوود يير سبحان الله قلبي مهب مرتاح لها

كوبر ماعندنا ولا هو جيد



التويو ممتاز مجرب نوع قعد عندي فتره طويله جدا بالحوض الفورد بس يعيبه انه مايفرش ابدا :( مره فشلني بالهاف موون ما انساها كل من مر قالي نسم وهو ضغطه 10 ؟؟؟

البريجستون حاليا لا شارع ولا غيره يابس ويمسح بسرعه وغالي

الماكس 900 بدور عليه اول مره اسمع عنه ان شاء الله انه رخيص




امممممم انا حاس كذا بعد انه حق رمل لانه في التصميم قريب من البالون بس قلقني جدرانه ضعيفه بشكل واضح

البرجستون لا والف لا

عرض 270 تحت التفكير بس ما ظنيت التطبيق

الدانلوب وأنا أخوك أفضل شيء للرمل لكن مثل ما تفضلت عند تلقيه الضربات من الجانب يتأثر

بل أن معظم الناس أنشق عليهم الكفر بسبب ضربة صخره من الجانب لأنه لين

عليك بالبرجستون فهي تفضي بالغرض وسعرها فيها

وما دام معك إف جي كروزر خذ كفر عرضه 270

والدعسات تختلف هناك دعسات رياضية أبتعد عنها غير عملية خارج الطريق

الله يوفقك.. سلام

اتوقع كفر موترك على الضمان ... رح لهم ويبدلونه لك ....

بخصوص المقاس عند التويو ممتازة ونقشتها عريضة وحرارتها A

او البرجيستون ( ماينفع للبر ) مميزاته راسي ويمسك في الارض مايفحط ويتحمل كل شيء

أنا جربته سنتين ولا قال شيء سواء ارصفه ولاخطوط وبر على خفيف ...

وعلى فكره اذا طلعاتك للبر كثيره وتحب يطلع شكل موترك حلو

عندك الماكسس 900 ( أبو جمل ) صراحة شكلها على الاف جي ارهاااااب |1|