مشاكل السيارة نكدت علي حياتي ...تكفوون ساعدوني (كراون فيكتوريا 2003)

الاخ عبدالله
الحساس اللي دلوك عليه فوق المكينه وغير كذا فحص الكمبيوتر
اللي سويته قالك الخربان عندك الحساس .
اذا كان سعره معقول غيره احسن لك من الوكاله ترى فواتيرهم غاليه حيل.
مجرد رأي

الفورد عندي كان مجنني من ورشة الي ورشة والكمبيوتر ماعندة سالفة يقول عندك الكويل رقم 2 عطلان والبخاخات يبغالها تنضيف وبواجي وسمعت كلام الورشة ولا فاد واخيرا رحت ورشة عادية في الدمام وقلي غير القطعة هاذي الي في الصورة المذكورة والحمدللة انت شيك ممكن نفس المشكلة مع السلامة

هههههههه شكلي رايح اطيح بالمعسل وكل خميس وجمعه اجي من الرياض اعسل معكم كمان

غالي و الطلب رخيص ... بس تعجبني أنك طنشت أبو المشكلة مش مثلي اللي من كثر ما درت على
الورش صرت أنا و اليمانية اللي بالورش أصحاب لدرجة أننا صرنا نطلع نعسل سوا :D :D

بالنسبة للحل فأبشر يا غالي ..أول ما إن شاء الله تنحل المشكلة راح أنزل موضوع مستقل و برسلك
مسج على الخاص كمان ;)

الله يعينك على السيارات وبلاويها انا عندي نفس المشكله بس ماغيرت شيء لاني اعرف الورش ما عندهم سالفه يغيرون كل شيء حتى تزين السياره واذا لقيت الحل ساعدنا الله يجزاك خير

مشكووور اخوي فانتوم على المرور الكريم
أنا فحصت كمبيوتر بس للاسف ما كان عند الوكالة (رحت لعندهم و قالو لي فل ما يمدينا نستقبل السيارة إلا بعد يومين :eek: )

و الفحص اللي سويته كان بورشه محترمة جداً و معروفة و بعد ما شفت البرنت حق الكمبيوتر
حصلت البرنامج حق موديل 2002 مش 2003 .. شفت النصب :mad:

شكلنا بندخلها وكالة و الله يستر من الفاتورة |5|

فحص كمبيوتر .. مافي أحسن منه

او فحص الوكالة .. يومين ثلاثة ...

احسن لك من الورش كل يوم تغير شي ...


والله يعينك على ايجار سيارة تمشي أمورك ..


واتمنى تنحل مشكلتك .. |13|

مجرد رأي

أهلا أخوي البرق99 ما شاء الله عليك أعطيتني من المختصر المفيد و بالفعل ما اتوقع المشكلة
تطلع خارج النقاط اللي تكرمت بذكرها ... بس عندي سؤال اللي هو حساس الهواء هل هو نفسه
DPFE sensor لان فحص الكمبيوتر قالي أن هذا الحساس (اللي كاتب أسمه بالانجليزي) عطلان
و يبيله تغيير ... أرجوا أن تفيدني أن امكنز

يعطيك الف عافيه و جزاك ربي و والديك الجنه.

مشكووور أخوي عاشق الفورد على المرور و على اسماء الورش و أحب أخبرك اني أمس مريت
على ورشه الصقر الراجح بالجبيل البلد ( العريفي ) و بعد الفحص قالي البواجي و الكويلات اوكي
بس اللي يبيله تغيير هو حساس يركب فوق المكينه اسمه DPFE Sensor و بصراحة ودي أعرف
إذا هو حساس الهواء اللي يتكلمون عليه الشباب أو شي ثاني و هل ممكن انه يسبب الرجفه اللي
عندي؟؟

مره ثانية مشكووور اخوي و جزاك ربي كل خير

شيك على البخاخات

احيانا تكون البخاخات لاتعطي الاداء الصحيح

وايضا انصحك بتجنب بنزين 91 واستبداله بـــ 95

وفيه شيء بعد ياابو محمد وهو حساس الهواء شيك عليه زين وشيك على البواجي هل هي من النوع الاصلي او لا

لان النوع التجاري مهما كان فعمره الافتراضي اقل من الصحيح

اتمنى لك التوفيق ولسيارتك الاصلاح ان شاء الله

انا صار معي نفس موضوعك بخصوص الرجه اللي بالمكينه
وطلع من الكويلات 2 منهم مو شغالين وغيرتها والحمدلله ظبط

لكن مدامك ساكن بالجبيل راح اعطيك الورش المشهوره بالجبيل

عندك ورشه العيوني بالمسانده قريبه من المرور بنفس الشارع

وعندك ورشه رصد بالمسانده وموقها بين البنك الاهلي و معرض الكفاح للسيارات

وعندك ورشه الصقر الراجح بالجبيل البلد ( العريفي )

^^
هذي افضل الورش لحل المشاكل المعقده و عندهم فحص كمبيوتر


وانشاء الله تنحل مشكلتك [COLOR=red]وعموما بخصوص الثلاجه حقت المكينه من موديلات 98 وفوق دايم اسمع انها تنكسر ولا ادري وش المشكله[/COLOR]
سمعت ان الماده المصنوعه منها اختلفت لكن الغريب ان الوكاله ماحلت هذي المشلكه

أخوي الأفضل إنك تخلي البنزين الاول 91 يفضى نهائي

وبعدها عبي 95

وانا عن نفسي اعبي بماركيز 2003 أوكتان 95 أحس انه أفضل

غير كذا الفرق بين فل 91 وفل 95 أذا كانت السياره فاضية تقريباً 9 ريال

والرجفه والله سبق حصلت لي وغيرت أحد الكويلات وضبطت الحمدلله

غير باقي الكويلات وإن شاء الله تنحل

والله يوفقك وييسر أمرك ,,,

مشكووووور أخوي أميــــــــــــــــــــــر على ردك و مرورك الكريم... اخوي بخصوص البنزين فأنا
أعبي 91 و اللي كان قبلي هم كان يعبي 91 و أنا من الناس اللي إذا وصلت إبرة البنزين النص
اعبي على طول فياريت لو تقدر تفيدني كيف ممكن اغير الى 95 !!! هل ممكن اعبي فوق الـ 91 او
في طريقه ثانية؟ تكفى اخوى ساعدني بهالموضوع

و احب مره ثانيه اشكرك أخوي امير على مرورك و جزاك الرحمن الجنه

اخوي والله لها اسبااااااب كثيره وعلى قولت اخونا تجيب وجع الراااس

الرجفه عندك اذا هي خفيف فيه شئ يكتم عندك يمكن من حساس الهواء اللي بعد الفلتر على طول

او من صفاية البنزين او من البخاخات يبي لها تصفيه شوي وفيه سؤال انت تعبي اي بنزين 95 / 91

لان والله من يووم جاء وجااء وراااه الدماار صحيح فيه سياارات تعبيها ولا تحس بفرق او القديمه

عادي عبها وامش بس الافضل والله انا من ناحيتي 95

اخوي انا ذكرت لك حاجات بسيطه والبااقي اذكروها اخوانا واذا تبيني انزلك صفحه كامله اسباب

التقطيعه انا حااظر بس انت شووف السهل واللي رخيص عليك وبعدين اطلع للكبير مثل طرمبة البنزين

يعني شووف الصفااية يمكن وسخه وانت بكراامه وغيرها شووف الحاجات الخفيفه

واي شئ انا حااظر والاخوان ما يقصرون معاااااك

الله يوفقك وييسر لك دربك وتلقى علتك وتصلحها ويفكك من شرها وشر وجع الراااس

أخوكـ

ويجزيك كل خير ويعافيك ربي
وان شاء الله تنحل المشكله بأذن الله

و عليكم السلام و رحمة الله و بركاته

و الله كانك اخوي تقرأ اللي في بالي ... توني كنت افكر أقول يا ولد غيرت أربعة كويلات غير الباقي
و فك عمرك هي كذا و إلا كذا إنتهى عمرها الإفتراضي و يبيلها تغيير.

يعطيك الف عافيه على الرد و جزاك الرحمن كل خير

السلام عليكم
بالنسبه للرجفه اخوي والله العالم من خبرتي البسيطه بالسيارات انه الكويلات اذا جيت تبدلهم من الاحسن انه تبدلهم كلهم لانه قد مره حصلت لي هاذي المشكله مع المكسيما اخترب عندي الكويل وبدلت التعبان وبعد يومين ارجعت المشكله فقلت ابدل الباقين والحمدلله راحت الرجفه ف احتمال انه المشكله من الكويلات الي ماغيرتهم فنصيحه بدلهم الباقين وان شاء الله تنحل المشكله مدام انك مغير الحساس والفلاتر وبدل البواجي كلها بجديده
وان شاء الله قدرت افيدك