بكل صراحه :: تاهو Z71 & لاندكروزر VX :: موديل 2008

أظن ان الشخص يفكر (( يمتلك )) السيارة ولا يفكر يبيعها :)

كون الواحد يفكر بهذا التفكير بيتعب عمره ويشتري شيء موب بذوقه

يشتر حسب ذوق السوق :) مجرد انه مايرتاح في موتره بسبب ان ماسك سعره !!

انا ابي اعرف هالشريطية وش دراهم في المواتر ؟؟

بعض مامعه ولا ابتدائية ويحط سعر من راسه

وما غير رافعين اسعار هالتايوتا في المعارض ... رافعينها فووووق في العلالي على ايش :confused:

انا رشحت التاهو Z71 ولا أدفع فوق ال 150 ألف على شيء مايستاهل

وفر فلوسك وخذ ( الآريح ) و ( الأقوى ) و ( الأجود ) و ( الأفخم ) و ( الأجمل ) .

مع عدم اعجابي بالتصميم الجديد للاند (الخارجي).. لكن بمقارنته بالتاهو فهذه جريمة بحق الكروزر..

الكروزر بعد معاينتي له.. عطيته سلام عسكري :D

المواد الخام المصنوع منها عالية عالية الجودة.. :)

صراحة التاهو افضل حتى لو كان LT محرك اقوى وقيادة مريحة وناعمة واقتصاد مذهل وسعة داخلية اكبر وشكل خارجي افضل بكثير من شكل الاندكروزر الذي يفتقد لجمالية التصميم
وفي الاخير سعر مناسب عكس اللاندكروزر غلاء فاحش

اذا تبي سيارة حقت شهرين ثلاثة ويضيع من سعرها اكثر من النصف فعليك بالتاهو صندوق التايد
واذا تبي مال وشيك في جيبك فعليك بالاند ولوكان كله عيوب وانت وخراجك

اتفق معك يا خوي الخل الوفي ميه في الميه

التـاهـوووووو بلا منـازع|1|

اما اللاند تحس اللي مصممه بنقالي ؟.؟

في رأيي، التاهو ميزته فقط أنه رخيص مقارنة باللاند. غير كذا اللاند أفضل في كل شيء.

VX وبس اذا عندك فلوس تراه كفو من كل الجوانب وخصوصا التكنولوجا اللي فيه مهيب هينه مثل نظام الزحف اذا دق بطن السيارة في الرمل وغيرها بس مشكلتة السعر مع ان ارخص الكروزرات في الخليج عند ابوجميل

تاهو ارجل بكثير من اللاند

و الله التاهو افضل في جميع النواحي

قوة المكينة التاهو افضل و اقوى على اقل تقدير 100 حصان و 200 كيلو واط

و الراحة مافية احد يقول ان التايوتا اريح من الشفر

و الرسمية اكيد التاهو و عموما متوفر التاهو بشاشة نفيقيشن

عموما الشفر سيارة الملوك

مدام الواحد دافع دافع كاش او بنظام التأجير مثلا

ياخذ لاندكروزر لأنه يحافظ على السعر وهذي النقطه الاكثر اهميه خاصه اذا كان الفرق

لايزيد عن 15000 ريال لصالح اللاندكروزر فهو اكثر تحمل

ولكن للعائله من ناحية الراحه والمساحه والتجهيزات التاهو افضل والشكل الخارجي

وقوة المحرك . لكن بصراحه انا ماعندي استعداد ادفع في تاهو اكثر من 134 الف

واذا كنت بأدفع مبلغ في حدود ال 160 الف بأخذ لاندكروزر عشان سعر بعد الاستعمال.

.
.
.
صراحه افضل التاهو على اللاندركوزر الجديد
لان الشكل لم يكن في مستوى الطموحات فـ اللاندكروزور في حلته الجديدة

بدا اضيق واصغر وتشعر بـ انه سيارة من الطرازات العائلية " اينوفا وطقتها "

بسب الابعاد و الشكل الخارجي ,,,

بالاضافة الى ما سمعنا عن ان المكينة في الموديل الجديد اصغر من السابق
حيث ان المكينة الموجدوة عليه هي مكينة برادو

===
التاهو الجديد بـ المواصفات العادية اكثر جمالا من اللاندركروزر ويزيد جماله في طراز 71Z بالاضافات الميكانيكية والداخلية والخارجية

من جميع النواحي تاهو z71 باستثناء وجود شاشة الملاحة ( يوجد بالتاهو ltz) والمفتاح الذكي بال vx .... ومن ناحية الجودةاللاند معروف لكن ما ندري عن الموديل الجديد

صراحة المقارنة مب صعبة لكن الصعب انك في شو مقتنع
.
.
خلنا نتكلم عن اللاند قبل
.
.
شكل متواضع جدا ومقبول بالنسبة لي من الناحية الخارجية
.
.
الشكل الداخلي : كثرة المواد البلاستيكية الي اصبح فيها الطابلوم والكونسول الامامي مصنوع من البلاستيك بالكامل حتى الكروم الموجود يروح لونه برشة عطر!!
.
.
المتانة موجودة وممتازة وقوة المحرك جيدة جدا الى ممتازة ان كان بالمدينة او بالبر وقوة التحمل بعد
.
.
السعة الداخلية تحسنت قليلا لكن تبقى سيارة لا تقارن بالتاهو من ناحية السعه نتكلم
.
.
الاوبشن المتوفر جيد الى جيد جدا في هذا الموديل لتوفر كل وسائل الراحة والامان والرفاهية
.
.
اما عن السعر والمحافظة عليه فهذا ليس عيب السيارة لان الكثير يعيبون التاهو او السيارات الامرلايكية بعدم المحافظة على السعر.
.
.
السعر يا اخوان هو عيب السوق وليس السياره
.
.
كل سيارة فيها عيوب امريكية كانت ام يابانية او حتى المانيه .. الكل يخترب ويتصلح ومافي فرق وهذا الجانب الي يبي يصدقه يروح الصناعية ويشوف ..
.
.
التاهو
سيارة انيقة من الخارج مرتفعة ولها هيبة خصوصا من الامام وسيارة ملمومه من جميع الجوانب
السيارة متينة وقوية وتتحمل ولها شريحة كبيرة من المحبين وعريقة بسوقنا الخليجي الاعرق من اللاند والفرق
عمر السيارات الامريكية بالسوق الخليجي منذ 1958 واليابانية والاخريات منذ 1981 صدور اول لاند كروزر الي كان كله حديد بحديد..
.
.
قوة التاهو لاداعي للتكلم عنها فهي سيارة قوية وممتازة بالمدينه جيدة جدا الى ممتازة في المناطق الوعره وجيدة في البر
.
.
الشكل الداخلي رائع الى مبهر والجيد بالامر كثرة استخدام المواد الفلينية ذات الجوده المستخدمه عوضا عن البلاستيك في الموديلات السابقة وتوافر التخشيب الرائع في الكونسول الامامي .
.
.
السعه الداخليه كبيرة جدا تقارن بالارمادا رغم ان مقاعد التاهو اكبر واريح لانها ذات سماكه اما الارمادا مقاعدها تفتقر لراحة والسماكه لتوفير اكبر مساحه على حساب راحة الركاب
.
بالنهاية انت راح تشتري سيارة تدوم معاك مب لسنه وخلاص ولما تعتني بالسيارة راح تعمر معاك ان شاءالله
و
عليك السعر فسيارة مثل اللاند مبالغ بسعرها وتفتقر الي الاوبشن الي يوازي سعرها

مشكور أخوي
والراي ماهو لي
الراي لكل الشباب اللي يردون
ونشوف الأستبيان هو اللي يحكم