قناة السيارات
السلام عليكم ورحمة الله وبركاته
خطر ببالي اني اقوي نور السياره
العالي والواطي
لكني خايف من المشاكل اللي خايف تطلع لي ماقوي النور
لاني سمعت كثير عن اللي طلعت لهم مشاكل من وراهـا
فإيش احسن طريقه اقوي فيها النور العالي والواطي بدون ماتتضرر السياره ؟
وش اكثر قوة للنور تتحملها السياره ؟
أفضل محل كهرباء في الرياض يسويها ؟ ( اذكر كيد سمعت عن محل تمران اذا احد يعرفه يدلنا على موقعه )
والله يا حبيبي مالك الا الزينون ركب في الواطي بس ع شان ما يصير مشاكل في الكهربا
والله ياولد عمي كلامي من كلام زعيم السوسو
مالك الا الزينون بس لاتنسى البرمجة وأنا أخوك
أيام السوناتا .. كنت بركب
زينون عند أحد المحلين ( تمران - أضواء الزينون )
فقط دون غيرهم .. أو الوكيل المجدوعي
* إذا جزمت أبحث لك عن موقع المحلين
أما بخصوص العالي .. فهذا كنت ناوي
أضبط له كتاوت وشمعات ( أصلي حق الكابرس )
يمدحونه كثير .. يحتاج لواحد فاهم في الكهرباء
لتفادي أي مشاكل قد تحصل من العملية
* كما أني كنت ناوي عليها .. فكذلك هذي نصيحتي
تمران - البطحاء - شارع الغرابي عاليسار وانت متجه للأشارهـ .
أضواء الزينون - ظهرة البديعه - شارع الهيئه يسمونه .. موازي لشارع المدينه
بجانب مركز هيئه البديعه ..
وبالتوفيــق انشالله
أنصحك تركب زينون بالوكالة ..
ضمان , وتفادي لأي مشاكل , روح اسأل وما راح تخسر
المجدوعي يركب الزنون ب 700 ريال
التمران وسط شارع الغرابي على اليسار قبل صراف بنك الرياض ب 100 متر
بس لاتركبها عند غيرهم
لأن السوناتا تحتاج برمجه
انا معي 2006 (الله يرحمها) وركبتها عند التمران وتمام بس اللي اعرفهم ركبها برا كان اذا كبس أكثر من 4 مرات ورى بعض تطفي السياره بس التمران عنده فني اسمه زغلول <<< عاشت الأسامي
فنان مره والموظف اسمه حسن قله ابس زنون ثلجي زخله يوريك لونه تراه راااااااااااايق على السوسو أو خذ زنون أبيض
مشكوررين على مروركم جميعا .. وان شاء الله نسير على تمران
وسالفة الزينون صراحه ماخشت مزاجي .. حاس انه بيطلع ازرق فاقع .. ماودي احس ان معي كامري
لكن هل تمران عنده برمجه للسياره مثل الوكاله ؟
رد مع اقتباس