تكفووون الناس ذبحوني بالكلام....." أبيكم تساعدوني"

إذا قالك أحد شي قله كل واحد ينام على الجنب اللي يريحه

مشكوور أخوي غــ,,,ـــــول وأخوي عاشق ميلان 07 ويعطيكم العافية.... |3| |3|

أخي الكريم
رضى الناس غاية لاتدرك
ومن تابع الناس ماتهمن
ويكفيك تميزك عن الناس ... ولكن أخي الكريم هناك عند الناس إنطباع قديم بأن الكوري مايسوى ولكن كوري اليوم في نظري أفضل من بعض السيارات اليابانية .

هههههههههههههههههههه والله نفس مشكلتي

ياخي بس يقولك مايقذف الا الشجره المثمره وهذا ان دل دل على تطور الكووري بنسبة كبيره

غير كذا ياخي الكوري وش يفرق عن الياباني كلهم عيال عم

لا الياباني زايد ولا الكوري زايد الا الكوري امور السلامه بسياراتهم افضل بكثير من اليباني

غير كذا اللي يقولك تويوتا قله سيارات تويوتا كلها استراليه ولا يهمك احد

وهذا دليل على انهم غيرانين منك وانا واخوك وماهم عارفين يقهرونك زي مانت قاهرهم قالو مالنا الا نقوله كوري كوري

ولا عليك يااعسل ولا تهتم

واللي يقولك كوري قله جيب زيها وانا اخذ السياره اللي تبيها بعدين

اخوك

عسوول

السلام عليكم مشكووووور على الكلام الرائع يا ابو عبدالعزيز ((((مع تحيااات راعي الأوبيروس)))|6|

السلام عليكم ورحمة الله وبركاته. أبو عبدالعزيز. نوووور الموضوع بردك ... والله اشتقناااالك .. كيف الحال وعلومك..
وكيف الرياض معك.... ومشكووووور عالرد الحلو الي مثل صاحبة.. كفيت ووفيت أخوي أحمد ويعطيك ألف عافية.. وشكرا |3| |3|

هههههههههههههههه
السلام عليكم.....
شخباركم شباب؟؟ وكيف الشرقية معاكم والدراسة؟؟
والله اشتقت لكم
بس انشاء الله لي جيه وأزوركم فيها ، ولا أنتو تعالو عندنا <<<<وش فيه قلب هههه
الله يحييكم
==========

شدعوى يا شباب للحين انتو في صراع مع ها الخمة اللي معاكم....!!!!
لأ وأنا اللي قاهرني أنه ما معاهم الا سوزوكي ((أفشل شركة يابانية)) مع احترامي لمالكيها ، وكابريس 92 بعد ، والكاشخ فيهم عنده ياريس جديده ((لأ ومبقي اللزق البيضا فوق بعد)) مدري الأخ مطلع Audi وأنا ما أدري ، ولا بها الحركة راح تظل جديده 15 سنه قدام <<<من جد ظاهره غريبه أشوفها بالملكة...!!!

نرجع لموضوعنا
يا أحمد وخالد والله ثم والله ما أحد يقول كذا إلا وهو حاقد عليكم وحاسدكم
لأن من جد ماشاء الله توكم بثالث ثانوي وعندكم أوبيروس أو بمعنى آخر سيارة تفوق قيمتها 85000ريال
من عنده كذا بإي ثانوية؟؟؟
هذا شيء نادر الحدوث
هم يشوفون كشختكم وأنتو جايين للمدرسة وأنتو طالعين وأنتو تتمشون بالكورنيش <<بسم الله ماشاء الله عليكم
ويتمنون اللي انتو فيه
يعني لو أن واحد منهم عنده افالون 2007 ممكن كان يحط راسه معاكم
بس المشكلة كلهم رواعي سيارات متواضعه مرة
حتى صاحب الالتيما إذا كشخ ذاك اليوم وسرق سيارة اخوه وجاء فيها ما يمديه يكون نصف رزة وهيبة الاوبيروس ..ماشاء الله
========

أذكر أول ما طلعت الاوبيروس كان قريب لي وعزيز علي كل يجنني <<<طبعا يمزح
ويقول ذي كوري مهما بلغت ماراح توصل لمستوى الافالون وغيرها
وأنا أرد عليه واقول : من تواضع لله رفعه
ويرد علي على طول ويقول : ماشاء الله كل هذه المميزات وتقول من تواضع لله
ههههههههههههههههههههههههه

نصيحه مالك غير أمرين تتبعهم هنا:
1- إذا كان فاهمين أشرح لهم التقنيات ومتعة القيادة والمميزات بالاوبيروس ، وأشرح لهم أن الضمان 5 سنوات غير محدد الكيلو ((يعني ولا أحسن موتر ياباني يعطي بقوة هذا الضمان))
2- إذا كان من النوع الطعس اللي مايفهم قول له : كوري ودائما يخترب ومشاكله كثيره ، وتكفى بالله أدعوا لي أن الله يرزقني احسن منها ، ودائما لا تعطيهم وجه لأن الكلام مع ها الاشكال في هذه المواضيع هو نقص لكم أخواني


الله يوفقكم بدراستكم وسيارتكم
والله يحميكم ويحمينا من شر الحاسدين وأعينهم
والله يعطينا ويعطيكم من خيرها ويكفينا ويكفيكم من شرها
أخوكم أحمد ((أبو عبدالعزيز))|3|

دامك مقتنع .. وش عليك منهم

شكرا للجميع ويعطيكم العافية ... ويا أخوي MICROSOFT مشكور عالرد الحلو وشكلي بسوي الحركة الي قلتلي عليها المشعاب ...بس وين يبيعونه؟؟ هههههههه :D

ياخوي القناعه كنز لا يفنى الي يقول كوري قوله اي كوري اجل الماني وهاذي الحقيقه يكفي انه نقد على السياره ان دل فيدل على شهره السياره وانتشارها وفي النهايه الله يعطيك خيرها ويكفيك شرها امين وخل الكلام لفاضي عنك..............................
تحياتي

والحقران يقطع المصران

|1|

:D

هلا أخوي
بصراحه ضحكني موضوعك ، لأني تذكرت أول ما أخذت سيارتي كيف الناس ذبحوني بكلمة كوري وكنت دايما أعصب من كلامهم .
بس الحين أتبعت معاهم أسلوب جديد ، كل شخص يقول لي كوري أقول أيه كوري وكل يوم تخرب وأقول له تصدق توي جايبها من الورشه ومبدل ليها أذرعه ومقصات ومساعدات وووووو......
يا أخي المهم أنك مرتاح مع سيارتك ، والأفضل من ذلك أنك مع هالأسلوب راح تفتك من العين والحسد، يا أخي كل شخص يقول لك كوري خذ الأمر معاه ببساطه وأضحك ولا كأنه قال لك شي
والحقران يقطع المصران

شكرا لكل واحد رد ريحتوني الله يريحكم وبإذن الله راح اخلي كلام الحسااااد وراي وراح أرد على كل واحد من ردودكم الحلوة هذي ... للي يسب.. وبإذن الله راح أخلي أي واحد يسب السيارة يجرب سواقتها وراح أكتب موضوع لردود أفعالهم .... أنتظرو الموضوع قريبا وشكرا |3|
مع تحيات محبكم الأوبيروسي |6|

السلام عليكم

أخواني

لو تلاحظوا ردودي أو هو رد تقريبا قلت فيه

راح ترتاح من كلام الناس

إذا أخذت ياباني

وراح يأثر عليك نفسية كلمة كوري

خاصة وقت البيع
__

وهذا كلام من أحد ردودي السابقة أما في معناها
_________

وموضوعك هذا أثبت هذي النظرية

الناس مظاهر وأسامي

وقلة من الناس تتعرف على الشخص من معدنه

ومعدن الأوبيروس معرووف

لكن مهما كان كوري

والكوري سمعته للأسف عندنا موجيدة أبدا

___ وفي النهاية ___

إذا راح تدقق كثير راح تتعب

والقناعة كنز لا تفنى

إنت أساس غير مقتنع وإلا ماهمك كلام الناس

وأذا مرررهـ الموضوع يتعبك بيع السيارهـ



والسلام عليكم

السلام عليكم :cool:
اخوي الأوبيروسي
انا كذلك مع اخوي وحده 2005 فل كامل حتي الكراسي الخلفيه كهربائيه والزجاج الخلفي ينزل ويرتفع بضغطه واحده . وومسجل و 6سيدي نوع انفنتي .وانوار زينون . وطبلون ليزر . وراح اوضحلك شيئ جميع من يقول كوري باستقلال ينقسمون الي قسمين .
1- اما جاهل ولا يعرف السيارات الكوريا ولم يجربها في يوم من الايام ومجرد يردد كلام يجهل معناه وفي هذه الحاله لاتاخذ كلام من جاهل .
2- شخص مقهور من مواصفات السيارات الكوريه واسعارها وانتشارها يحس انه مغبون انه اشترى سياره صغيره او متوسطه باسعار غاليه ولكن بنصف مواصفات وفخامة سياره كوريه مثل الاوبيروس والازيرا ولكن ليس عنده الجرائه انه يجرب ويشتري سياره كوريه وخايف من كلام الناس اللي حوله واللي غالبهم من نفس التفكير يعني في النهايه ليس عنده راي ومن ليس عنده راي لا تاخذ منه راي .
واخيرا سيارتك الاوبيروس سياره اعلى مستوى من كثير من السيارات اليابانيه والامريكيه فيها مواصفات وفيها جوده والدليل انت واخوك مرتاح من السياره وانا اخوي مرتاح من السياره وكثير من يملك اوبيروس مرتاح منها لانه واثق انه لن يجد سياره بنفس مستوى الفخامه والراحه والجوده وبنفس السعر .
واخيرا صاحب الاوبيروس واثق من نفسه خلك واثق من نفسك وبالتوفيق والله يبارك لك في سيارتك |3|

يا خوي خلك من كلام الناس
واللي ما عجبه خليه يجرب السيارة عند الوكاله او انت تعطيه يجربها وما عليك من الناس
مثل ما قالو الشباب كلهم اكيد معاهم سيارات ابو هندو يارس وكورولا اللي الهندي يركبها
وتذكر ان المكينة والجير ياباني مكينة وجير باجيرو وباقي القطع الماني والبدي كوري
وكمان مثل ما قالو الشباب : اللي ما يعرف الصقر يشويه ويقليه بعد
وهذه المشكلة ولا تخاف والله معاك في مشكلتك
وفيه مثل يقول : يا جـــــــــــــبــــــــــــــــــل ما يهزك ريـــــــــــــــــــــــــــــح