شباب الله لا يهينكم استفسار بخصوص الـ GXR

ألف شكر اخوي نجران .. أكيد أفدتني كثير صراحة .. لأني ما كنت أعرف المعلومات اللي ذكرتها

الله يعطيك العافية .. ما قصرت

واذا لك خبرة بعد بأسعارها ( طبعاً الجي اكس ار ) .. لو تكرمت أبي استشيرك في حاجة ولا يهون الاخوان اللي عندهم خبرة في الأسعار ..

لو خيروك اخوي في :

1- جي اكس ار 2003 ابيض فل كامل ( ونش - فتحة - دوفلوك - قير تماتيك - خلفية لكزس ) خطوط 2004 ماشي 230.000 كلم

2- جي اكس ار 2003 ذهبي رقم 2 ( فتحة - خلفية لكزس - قير تماتيك - بس ناقص ونش ودوفلوك ) ماشي 170.000 كلم

ايش تاخذ .. وابيك تعطيني سعر كل واحد فيهم ؟؟

بانتظارك اخوي .. وشاكرين تعاونك

انا بقولك اخوي من 99 الى 2002 مافيه فرق الا يالخط فقط اما 2003 و2004 و2005 تختلف عن 2002 بالجنوط والطبلون من جوه وايضا بالتخشيبه الي من جوه ويكون القزاز ضغطه وحده يرتفع وينزل واختلافات بسيطه اما المكينه والقير نفسها اما بالنسبه ل 2006 اختلاف عن 2005 بانه دفع رباعي والاصطبات الخلفيه تجي شرايح والانوار الاماميه واخط فقط لاغير واتمنا اني افدتك لان عندي خبره كبيره عنها ___وشكرا

مشكور اخوي top rom

والله يكثر من أمثالك .. رايتك بيضاء ما قصرت

ويجزيك ربي كل خير تامر امر اخوي وسعه الصدر موجوده نفيد ونستفيد
بالنسبه للفرارات تفيد في خفه السياره وخفه الدركسون وتقلل نسبه بسيطه من صرفيه السياره
وانا بصراحه انصحك في تركيبها لانها بتخدمك في عزم السياره وخفتها
واذا بغيت اي شي حاضر
تقبل تحياتي والله يوفقك في السياره ومبروك مقدماا وتاخذ من خيرها وتكفيك شرها

جزاك الله خير اخوي .. وشاكر لك سعة صدرك ..

والله يعينك .. فتحت على نفسك باب ...

اخوي انا ان شاء الله راح اشتري جي اكس ار من احد الشباب موديله 2003

وعلى طاري الفرارات أبي استفسر اذا لك خبرة في هالخصوص .. هل تفيد فعلاً وتحس بالراحة والخفة اذا ركبتها .. مثلك عارف الجي اكس ار ثقيل نوعاً ما .. يعني تنصح فيها .. وهل هي ضرورية ولا ما في فرق يذكر ؟؟

وجزاك الله خير على تفاعلك وصبرك علينا ..

حاضرين
بالنسبه للفرارات اذا حطيتها لازم تضغط على الزر الي موجود في الطبلون الي هو يشغل الدبل الصغير عشان تمشي السياره وبهالحاله تحول السياره دفع خلفي لانه معظم الشباب مسوي هالحركه
اما انك اتركبها مثل القديم الي هو الدفع الخلفي مايصير لانه هذا النظام مشبوك مع كمبيوتر السياره

ان شاء الله وصلت المعلومه
واي سؤال انا حاضر

ما قصرت اخوي top rom

بس قصدك بالدفع الرباعي .. حتى ما يفيد لو يحط فرارات ؟؟

بسم الله الرحمن الرحيم

هلا بك اخوي اخبارك ان شاء الله مرتاح
بالنسبه للاختلافات مابين 2003 و 2005 مافي اختلاف الا مثل ماذكر اخوي o0 Creative 0o

اما بالنسبه ل 2006 فاختلف فيه الانواار الاماميه مع الانوار الخلفيه والخط الخارجي للموتر والجنوط صار فيها اختلاف بسيط يعني اذا بدقق فيها بتلاحظ
وصار الموتر دفع رباعي وهذا ميزه وعيب بنفس الوقت الميزه ثبات للسياره والعيب صارت السياره ثقيله في القومه والصرفيه زادت عن قبل وفيه منه دفع خلفي اما المكينه والقير ابد مافيها اي اختلاف

وان شاء الله قدرت افيدك اخوي بهالمعلومات البسيطه
والسموحه اذا حصل مني قصور

للرفع .. ما زال الطلب جاري ----->

إلا والله افدتني جزاك الله خير اخوي o0 Creative 0o

وبما ان عندكم 2003 / و2005 بسألك اخوي ؟ من الخلف فيه فرق بينهم ؟ وهل قصدك باللمبات الاسطبات الخلفية ولا نفس الشي ما تتغير ؟؟

ومشكور اخوي وتحملنا ..

الووو ..

لهالدرجة الطلب صعب ؟؟؟!!!!!!

مشكور اخوي عبدالله على تفضلك بالرد ..

وأبشر .. أبي الفرق بين 2003 و 2005 وياليت توضح لو تكرمت فروق الشكل من برا