سلام يا شباب.. طبعا من يوم ما قالو ان العيد بكره وانا احساسي جدا سئ هذي السنه لان العيد كان كله دوام ونوم ولا شئ اخر باستثناء رحله الخميس الماضي ...
اتوكلنا على الله 5 شباب بسياره تويوتا XA cruiser هههههههههه حلوه :D خلاها لاند كروزر المهم حقيقه الله يعطيها العافيه
المهم اشترينا روبيان وحبار "لزوم الصيد"|13| واتوكلنا الى الكورنيش الجنوبي بعد سابع دوار ..
المهم طبعا ظلام وحنا المشكله انو عارفين المكان بس الله يهديه الملاح "اقصد اللي كان جنبي جالس ماسك الخرائط" خلانا نمشي ورا سياره بعد ما وصلنا المكان ومشينا وراه داخل الرمال لين ما وصلنا معاه الى منطقه فيها عوائل ... المهم بيننا وبين العوائل هذول فوق 40 متر ولا نشوف واحد افدغ شاب بغل :mad: معصب جاي من بعيد ويصارخ :طفو النور ما تشوفون عوائل طفو النور !!! ويصارخ تقول بحر ابوه ولا حنا جايين ذا المشوار عشان نعاكس ونغازل العوائل؟؟ المهم ويصارخ ويجيك طاير ناقز فوق كبوت الـ XA طفو النور ولا تصير مذبحه .. ياويلي :p طبعا رفقا به وبعد ما فهمنا من ذا المجنون ان معاه عوائل سبناه ورجعنا ريوس للخلف لان احنا 5 اشخاص وهو واحد قسم بالله لا ندفنه في ذاك لو حطينا الموضوع براسنا لاكن والله لاجل عيلته والصغار اللي معاه والله لانعل والديه ..المهم تركناه وكملنا رجوع لين ما غرزنا بال XA لان ما يمديك تعدل السياره وظلام المهم نحاول ونحاول وندف لين ما طلعنا السياره:) المهم وقفنا مكان طبعا كل الشباب نزلو وجهزو الا انا حاقد على موضوع الاهبل ذاك ..
قلت انزل يا ولد نزلت معاهم وصدنا شوي جلست معهم ساعتين ورحت اعطيها نومه|3|
لين ما صارت 6 الصباح وقالو خلنا نروح كمان في الداخل ونكتشف المكان طبع كلنا ما نعرف المكان باستثناء الملاح اللي جنبي "ذا الملاح مسوي انه فاهم المكان لاكن احلق شنبي لو انه طب هناك" بعدين اقلكم ليش..
المهم وصلنا مكان كله فلبينييين وكبيان وشغلك لا يختلف ونزلو وصادو ونزلت معاهم شويالمهم وقت الرجعه تعال شوف الملاح مسوي انه فاهم الطريق لا ويقول انه متعود يرجع بيته من ذاك بالليل :D .. طبعا كانت الساعه 8 الصباح وانا اسمع كلام ذا الملاح واعطيه محشات ياليل مطولك والــXA خليتها باترول المهم هو يقول منه وانا اصفه شوي واسمع كلامه شوي لين ما وصلنا خط جيزان - جده"الحراج"
الحمد لله يوم ما شفت الاسفلت ولا كنا نبي نتوطى في بطن ذا الملاح ... و ال XA لو فيها روح كان قالت : ارحمووووووووووونـــــــــــي وصلت الشباب ووصلت البيت الساعه 11.30 الظهر...
بس والله فله وضحك وانواع الانبساط |1|
