السلام عليكم ورحمة الله وبركاته
كل عام وانتم بخير.. وتقبل الله منا ومنكم صالح الأعمال
اقول شباب ماتلاحظون شي
بالنسبة لي انا اول مادخلت وشفت نسبة التصويت استغربت
لاني لقيت الصفحة الاولى كل الردود لصالح الليجاسي
قلت بمشي واقرى الموضوع من طق طق حتى مشاركتي انا ^__^
اللي لاحظته مثل ما قال الأخ Z 3 T R في رده
والله انا اشوف نص ردودكم تقول ان اليجاسي احسن
بس بالتصويت التيما غريب !
وانا اقول ان التيما احلى لانها تصلح للبدو وللمقاومات واوما الليجاسي
ما عندي علم بها والا كورد شي مابي اتكلم عنها كلكم تعرفون ان الاكورد هي اللي بالقمه
وبالفعل وجدت انها لغاية مشاركتي مجموع التصويتات اللي تفاعلت مع الموضوع (( بدون التصويت اللي في أول الموضوع )) كانت 75 صوت
الأكورد 18
ليجاسي 32
الألتيما 25
والموضوع عندك.. كانك فاضي مثلي.. شوف الردود كلها
وباقي المشاركات كلها تكرار لإثبات قوة سيارته اللي هو اختارها
الشي الثاني اللي صوتوا لليجاسي اغلبهم صوتوا وقالوا اللي عندهم ولا شفنا لهم ردود اخرى... خير الكلام ماقل ودل
اللي صوت للأكورد أو الألتيما تلقى نفس الشخص يرجع ويرد ويكرر يعني إلا بالغصب يخليها الافضل !!!!
ماختلفنا صارت الافضل خلك واثق ولا ترجع تقول تراني قلت هي الافضل
ماعلينا من هذا
نجي لبعض الردود
الاكـــــــــــورد وبلا منازع
كما تفضل باقي الأعضاء مع احترامي للجميع والشكل الجديد بصراحه دمار وجنوووووون...
اما بالنسبه للي يقولون ان السوبارو أفضل من الأكورد الله يهنيكم على سياراتكم وبالبوكسر اللي طايرين به وبطريقه تركيب المحرك انبطاحي قال ايش زي بورش .. طيب كان ركبو المكينه كمان ورا في الشنطه كان تمام... يا جماعه شركه بورش لم تصنع محركاتها بهذه الطريقه اعتباطا وليست لانها الافضل "مدري من مطلع هذه الاشاعه" ولكن صنعت بهذه الطريقه لضيق مــســـاحــتــهــا مفهووووم واللي مو مصدق يسأل احد العاملين في صيانه بورش ونشوف ردهم
- قال ايش زي بورش>> ومن قال ( زي ) بورش.. زي معناها قلدوها.. لا تراك غلطان
صار ماتعرف ان بورش ( اشترت ) تصميم محركات سوبارو (H) من نفس شركة سوبارو..!! لمعلوميتك .. وكانت عام 1997
- واللي مو مصدق يسأل احد العاملين في صيانه بورش ونشوف ردهم>> انا حسبت ان عندك بورش..!! أما كلمة انبطاحي هذه كلام ^__^
بالنسبة لمساري الرياض
في نظري الليجاسي تتفوق على السيارتين
طبعا من المعروف ان اكثر السيارات الرياضيه السريعه والفخمه ومنها البورش والمرسيدس
تتحرك بنظام الدفع الرباعي المستمر لزيادة الثبات على الطرقات والمنحنيات الحاده والزلقه
يعني مثلا مستحيييل تقدر تلحق الليجاسي في مطارده وقت المطر داخل المدينه (( افلقني))
واحد فاهم لها ^__^
ولو واحد اشترى أو جرب يسوق سيارة دفع رباعي مستمر متناسق اعتقد مستحيل يقتنع بثبات الدفع الأمامي..
أما بالنسبة للأخ فارس اللي قال
الليقاسي ممتازة وقوية نعم ولكن
سعر قطع الغيار غالي وسعرها غالي
وشكلها لو حسبناها بالعقل مايتقارن بين شكل الاكورد والاتيما
السيارة داخليتها سيئة في التصميم يعني ماذم السيارة يلي عملوا التصميم يبغالهم طرد ولا خصم راتب
وايضا صغيرة مقارنة بالاتيما والاكورد وبعدين المحرك بالنسبة للأتيما والاكورد أقوى من الليقاسي
لاتقول دفع رباعي اكلمك عن المكينة بشكل عام
وبعدين مالها شعبية مثل الاتيما والاكورد
وشكرا
-سعر قطع الغيار غالي وسعرها غالي>> اولا اعتقد فيه موضوع مشهووووووور فيه مقارنة قطع الغيار الاكورد والليجاسي
قال غالية... لا يكون بتقارن القطع حقت الليجاسي بقطع أكسنت!!
ولا يكون تحسب ان شركة مثلا تصنع موتر وتخليه دفع رباعي مستمر وفيه 3 أنظمة للقيادة الذكية وتبيعها بسعر عادي..!!
-وشكلها ( لو حسبناها بالعقل ) مايتقارن بين شكل الاكورد والاتيما>> سبحان الله.. على اي دليل تقول كلامك.. بدى عقلي يشك ان الليجاسي شكلها هتشباك مختلف كليا..!!
-السيارة داخليتها سيئة في التصميم يعني ماذم السيارة يلي عملوا التصميم يبغالهم طرد ولا خصم راتب>> لهالدرجة.. يمكن انك مصمم معاهم..!!
أنا آسف.. بس من جد ليش لهالدرجة حاقد على الداخلية
وبصراحة انا كنت متابع ردودك وانت كنت متحمس للاكورد مررره.. وقعدت تنزل لها صور صور غيرت مسار الموضوع ^__^.. ماقصرت والله يوفقك اخوي
وعاجبتني طريقة ردودك.. إلا هذا الرد .. معليش اسمحلي
ولا يمكن انا غلطان..
فهمت قصدك، يعني تبي تقول على هذه
ليش حاطينها ورى مايشيلوها مسويه قلق>> من جد قلق لهم
اوه ايش هذه.. خلهم يشيلونها كمان..
كمان قول الماكينة ليش كان المحرك H ورى ماكان V.. ليش دفع رباعي ورى ماكان امامي
عشان وقتها بعد ماتشيل كل هذه الاشياء تقارنها بالاكورد.. يمكن وقتها تتفوق عليها
عندك هذه الالتيما
حلوه ماعليها
وهذه الاكورد
ماشاء الله عليها
هذه الليجاسي
سبحان الله.. اللون الفضي حق الأكورد ماتقول كأنه نفسه اللي في الليجاسي
ولا تبي تقول الشاشة حقت المكيف ماخذه مساحة
أو ليه الوان الازرار متناسقة.. ليه ماكانت قوس قزح
شوف العدادات للأكورد
وهذه الليجاسي نفس الـ STi كمان
مافي مقارنة مع الأكورد.. وضغط الماكينة (9) ماقول غير ماشاء الله
أو حركة الطبلون اول ماتشغل السيارة.. ولا خليها على جنب
وبعدين المحرك بالنسبة للأتيما والاكورد أقوى من الليقاسي>> أعتقد فيه قول وفيه فعل
اوك نظريا عدد الاحصنة (أعلى) للأكورد (عدديا)
طيب نجي فعليا
اول شي الضغط 9 يعني لو وصل 7 انا مريح المكينة بفرق 2000 دورة..
جميع ردودي الجاية مبنية حسب ماقريته في موضوع التجربة المصورة للأكورد 2008 اللي كتبه أخوونا بلا حدود جزاااه الله كل خير
http://www.assayyarat.com/forums/showthread.php?t=117566
يقول اخونا :
-[ العدادات سهلة القراءه وطبلون 260 ولكنها تفصل عند 210 ] >> ما اتفقنا.. وين التحمل.. لا و210 بعد.. الخمسين الباقية هذه ليش >> ديكور
-[ القير خماسي السرعات واعيبه عليه الشكل التقليدي وعدم توفر التيبترونيك ] >> لا تعليق.. حتى التيبترونيك مافيها.. ترى بتصير موضه قديمه بعدين
-[ سيارة التجربة كان بها صوت حنه غريب بالمكينه عند وصول سرعة دوران المحرك من 1.5 الى 3 ] >> يلا قال سيارة التجربة
-[ لاحظت انخفاض في كهرباء السياره عند تشغيل المكيف او اي جهد على السياره ] >> قووة عجيبه..!!
-[ كما في الموديل السابق المسجل ترتفع حرارته عند استمرار التشغيل ] >> هي نفس القوة السابقة.. مشيها هذه حقت التجربة
-[ طريقة فتح الشنطه تقليديه والعوارض الجانبيه تضيق عند تحميل الامتعه ] >> ويقول الليجاسي صغيرة..!!
فعليا مره ثانية
عمرك شفت ( ألتيما 6 سلندر ) وقير ( عااااااااااااااااادي ) حاط راسه براس أكورد ( 6 اوتوماتيك ) ويتقاومون..!!
لكن شوف الليجاسي ( اوتوماتيك ).. ماعنده أي إشكال
شوف هالموضوع .. صحيح كان للأكورد اللي قبلها لكن الأكورد هي أكورد .. والليجاسي هي ليجاسي
http://www.assayyarat.com/forums/showthread.php?t=97811
ولايهمك اللي مكررين حرف الهاء وخلك منهم.. لأني ماستهين بقوة الأكورد
مرة أخرى
وهالمره بجيب سيارة خارج الموضوع
مثلا نقول السوناتا.. سيارة قوية ونشيطة ماشاء الله عليها
لكن لو في خط سفر اووك وراعي سوناتا تعدى ليجاسي وعطى إشارة يتحدى الليجاسي.. هذا والسوناتا 3,3 لتر.. بقوله تراك غلطان ^__^
يعني لا تقولي ماكينتها اكبر.. فهمت قصدي
وأخيرا آسف على الإطالة
وعموما اتمنى اني ماكون زعلت احد
كل شي ولا زعلكم ^__^ .. وكاني غلطت ياخواني قولي لي
بس هذا اللي كان في قلبي وقلته.. وكل من وله رأيه
والله يوفقنا واياكم يارب
أخوكم جي دي
