المكسيما بعد مرور شهر على أمتلاكها

والله يا شباب أنا جربت السياره على الخط وما حسيت أنها خفيفه بالشكل اللي يقال عنها

السلام عليكم


والله أخوي فيصل معك حق ونقس الكلام اللي اقوله ...

وهذا وزن المكسيما

هنـا



ووزن الكامري معروووف جداً

الوزن(1435ــــ 1485)كيلو جرام


ووزن الأكور تقريباً
الوزن( 1405ـــ 1430 ) كيلو جرام

ولكم المقارنه ....

تحيتي

عندي ملاحظة على مسأله الوزن للمكسيما وانها خفيفه وانها سوف تطير بالسرعات

العاليه


سؤالي الذي يبحث عن اجابه دقيقه ورسميه : كم وزن المكسيما وكم وزن الكامري وكم وزن الهوندا

وكم الفرق بينهما هل هو الف كيلو او 500 كيلو حتى نقول بان المكسيما خفيفه مره


سؤال يبحث عن اجابه واذا لم يكن هناك اجابه فالمكسيما وزنها مقارب جدا للكامري

وللسيارات الاخرى في فئتها ولا تعتبر خفيفه ومقوله بان وزنها يصبح 5 كيلو في السرعات العاليه

هذه تنطبق على جميع السيارات التي في فئتها علما بان هذه المقوله اتات من الخيال


والله الموفق

لا شكر على واجب وحياك الله

أما شكلك فنان في أخذ المعلومات عن السيارات
مشكووووووووووووووووووووووووووووووووووووووووور

الله يحفظ الجميع أخوي اكورداوي


والقير العادي دائما أقوى من الآلي



تشرفت كثيرا بمرورك يالغالي وحياك الله

الله يحفطك انت و اخوك ...... و المكسيما :D

و انا عندي واحد من الشباب عنده مكسيما 2007 J30 بس غيار عادي ..... يا شيخ صاااااارووووووخ

و الفرق بين الجير العادي و التماتيك في المكسيما شاااااااسع من ناحيه القوه

و انا لاحظت بعض النقاط اللي ذكرتها على سيارته

مثل صرفيه البنزين و ضعف الانوار للعدادات

اشكرك على نقل التجربه

كلامك صحيح السياره خطيره وتحتاج لواحد قيادته رزينه وهادئه


لكن بخصوص الفرامل ما أدري عنها لأني لم أختبرها بعد ,,


لكن أحسن فرامل جربتها في حياتي كانت فرامل الكابريس LTZ 2002 وكانت ( ABS )


وعلى ما قد كانت السياره تعيسه لكن فراملها وقوه محركها لا تخذلك أبد أبد ...


وشاكر لك مرورك وحياك الله

الماكسيما سيارة قيادتها سلسة وفراملها 100% ( أحسن فرامل جربنها )

أنا سقت موديل 2000 ما شاء الله تحس أنك في سيارة بلاي ستيشن

لكن ما تصلح بيد شاب متهور

الله يعطي أخوك خيرها ويكفيه ويكفي المسلمين شرها

الله يجزاك خير


أخوي شراها من معرض نجد للسيارات في النسيم 59.000 الف

وكان سعرها في الوكاله 64.000 الف ( وكان باقي سياره وحده لونها فضي )


غير كذا أكيد ما راح تشتكي من شي ( بعد توفيق الله ) مادام سواقتك راكده وكنت محافظ على السياره

لأنها أولا وأخيرا تعتبر سيارتك ...


حياك الله وتشرفت بمرورك يالغالي ...

ماشاء الله تبارك الله

الله يعطيه خير السيارة ويكفية شرها

الماكسيما سيارة معمرة

ولا تطلب أي شي وأنا مسئول عن هذا الكلام

أشتريتها جديدة على الزيرو موديل 2000 وكان نازل وقتها موديل 2001

ومسوين عرض عليها نص فل GV 3.0 قير أوتو بسعر 66000 ألف ريال فقط

أشتريتها بشهر 11 عام 1421هـ

وبعتها في شهر 11 عام 1426 هـ

أي 5 سنوات بالتمام ولم أشتكي من شي

وبعتها بسعر 30000 ألف ريال بعد أن قطعت حوالي 160000 كم

وكانت مرغوبة جداً عند البيع

بس بصراحة كنت محافظ عليها لأبعد درجة والصيانة كلها بالوكالة ولله الحمد ..

بالتأكيد ياخبيرنا خفه الوزن تلعب دور كبير في السرعه |1|



وبخصوص السرعه فالحمد لله أخوي مو راعي سرعه ( يعني حده على سرعه 200 :D )



وشكور يالغالي على مداخلتك الذهبيه والله يكفينا وياكم شر الحوادث ...

مشكور أخوي سريع جدا على الموضوع المفصل

ترى سرعة الأستجابة ليست من المحرك لوحدة وأتحدى أي واحد يجزم أنها للمحرك فقط
بس لخفة وزنها الغير طبيعية! مقارنة بالمنافسين حتي أني أذكر أني قد قارنت بأوزانها بأن الكامري 2003 والأكورد كلها الأربعة سلندر أثقل من المكسيما

بصراحة كارهني في المكسيما شيئ خطير جدا وأسمح لي أقولها وخلها نصيحة لأخوك الصغير يترك السرعة

سيفتي فيها صفر في الحوادث القوية! لسببين خفة الوزن فيها تخليها تطير في السرعة وبديها ورق بمعنى الكلمة!!! بأي ضربة بسيطة باليد تلاحظ أن البدي يدخل زي السلام عليكم! بتقول أمتصاص صدمات معك بس مو لهذي الدرجة!

تذكرني بحادثة واحد سرق سيارة وشوفو الخاتمة الله يحسن خاتمتنا سرقها من واحد مطوع وراح يفحط فيها ووصل في شارع الفريان وصدم في عمود أنارة مع أن الشارع نفسه صعب تجيب في الطبلون بالراحة لأنه ما يتجاوز 2 أو 3 كيلومتر وكيف لو يفحط المهم أنه فقط السيطرة وصدم في عمود أنارة لأرى أن السيارة شنطتها وصلت إلى كبوت السيارة!!!!!!!!!!!!!!!!!!!!!! في عمري ما شفت سيارة بهذا الشكل الله يكفينا شر الحوادث

أخوك أبــــــــــــوأســـــــــــــــد|3|

لا الحمدلله الله عوضني بدالها على طول كامري 2006 حسيت بطعم السيارات لاخرابات ولاخرابيط عشق وامش ماشاء الله بدالها فلستني كل يوم في الورشة وسطحات وتعال اسحب تصدق مره سحبتها من 180كيلو ووديتها الوكاله محد عرلف خرابها قالت ربك واحد مايعرف الخراب الا الوكاله .
صراحة السيارة حلوة بس لو ماتخرب كثير وقطع غيارها مثل الكامري والوكيل مثل العالم كان ماطرى لي ابيعها .

الله يبارك فيك عزيزي



لا أبدا ماراح أتحطم لأن اللي كاتبه الله راح يصير مهما كان ,,

وأنا مو النوع اللي ينفعل لذم السياره اللي أحبها أو أمتلكها لا أبد أنا أؤمن بوجهه النظر الأخرى مهما كانت


ان شاء الله يكون الله عوضك بسياره أحسن منها تبرد قلبك وتطمن حالك



وشاكر لك مشاركتك وحياك الله ...

بارك الله فيك
اخي الكريم
واخوك جرب وحده مثلها بس 2002 كرهها وكره اليوم اللي شراها فيه وباعها والله لايردها .
وان شاء الله اللي معك ماتسوي مثل اللي سوت اللي معي <<<<<<<<<<<<<<لاتتحطم وتقول يعيب سيارتي اقصد سيارتي انا 2002

الله يبارك فيك


وبالفعل كلامك صحيح ,, لكن الشكوى لله

الله يبارك فيك ويجزاك خير


للماكس ذكرى لا ينساها كل من أمتلكها ,, والسعر مغري جدا جدا

لاشكر على واجب وهذا أقل شي نقدمه للمنتدانا الرائع

أما قطع الغيار وبصراحه وفي وقتنا الحاضر كل شي غالي


شاكر لك مرورك يالغالي |3|

الله يبارك فيك ويجزاك خير


وأخوي ناوي باذن الله يسوي تأمين شامل على السياره

وأما بخصوص السي دي فكلامك عين العقل |1|

وأما التكييف فراح يقول للوكاله هذا الشي لكن راح يكون مع صيانه 5000

والاطارات من نوع ميشلان ( صناعه فرنسيه ) R 16 215 / 55

ومشكوريالغالي على وقتك الثمين وعلى كل المعلومات اللي ذكرتها

وصدقني سويتلها طباعه وأعطيتها أخوي

شاكر ومقدر لك مرورك

اولا مبروك لاخوك على اقتنائه هذه السياره الاكثر من رائعة مقارنة بالقيمة
الله يعطيه خيرها ويكفيه شرها
ونصيحة لوجه الله خل اخوك يأمن عليها تأمين شامل اصلاح وكالة ........ لانها في الحوادث ( اجاركم الله منها) تعور القلب ;)

بالنسبة للصرفيه فتعتمد على التدعيس
اذا عند كل اشارة يقوم على 120 فراح تصرف لكن اذا خف رجله راح تفرق كثييييير واسأل مجرب
الخزان يمشي 400 الى 500 كيلو بالاستخدام العادي وعند التدعيس يمكن ما تتجاوز 350 كيلو
انا كنت اقول انها تصرف لحد ما قررت اجرب وعبيت الخزان فل وتمشيت على البحر وداخل البلد ووصلت 300 كيلو لنصف المؤشر |13|
فعرفت ان العيب منى موب من السياره

السي دي ليس عيب لانه على قدر مادفعت.......... لو زدتها حبه زادتك محبه :)

التكييف خل يراجع الوكيل لانها صارت معي اول ما استلمت السياره وطلع الفريون ناقص

قطع الغيار كالتالي:
قماشات امامية 130 ريال
قماشات خلفية 170 ( ماغيرتها الا مرتين خلال 200 الف كيلو....)
الكويلات 135 ريال للواحد ( الكويلات استهلاكية في الماكسيما عادة كل 80 الف.... 6 كويلات)
البواجي بلاتينيوم 40 ريال للواحد ( كل 100 الف كيلو)
الزيت 3.7 لتر بدون سيفون و 4.0 لتر مع السيفون (لا تغير الزيت اقل من 5 الاف ..... مره بالسيفون ومره بدون)
هوبات الواحد ب250 ريال ( لم يتم التغيير الى الان ولله الحمد)

من ناحية القطع الاخرى فقبل فترة عملت صيانه كاملة غيرت الاذرعة الاربع والمقصات و سيور وقماشات امامية مع خرط هوبات امامية مع وزن الكفرات كلفتني 1400 ريال
وكمان خرب هوز البور وغيرته مع التركيب ب800 ريال

شئ اخر
الكفر الخلفي فيه محور صلب يعتمد طريقة ميكانيكية للف الكفر الخلفي عند زيادة قوة الطرد المركزية واتجاه اللف هو عكس اتجاه مقدمة السيارة
يعني اذا كنت مسرع تقدر تاخذ لفة صعبه باتجاه اليمين ( مثل 90 درجة) بسرعه بدون ماتزحف لان الكفر الخلفي راح يلف يسار مع قوه طرد السيارة وبكذا تلف اسرع من السيارات الاخرى
ضريبة هذا الشئ ان الكفر الخلفي ماله وزنية واذا احتاج وزنية مالك الا الوكالة يوزنوه ب180 ريال

النور الامامي يفترض يكون موزون صح ( اتجاه الاضائة)
لكن اذا ماكان موزون فماراح يوزنه الا الوكاله لانه ببساطه بدون مسامير وزن ومثبت في العارض الامامي واذا احتاج وزن لازم وزن العارض كامل ومتى ماتم ضبطه فماراح تحتاج تعيد ضبطه ابدا ( ان شاء الله)

زيت القير مايتبدل ولا فلتر القير....... عند كل تغيير تأكد من العيار واذا نقص فزد عليه ( تأكد من الوكالة من نوع الزيت)
انا ولله الحمد ما احتجت ازوده حتى الان

الرساوة
كانت عندي كفرات 205/65R15 الاصلية وكانت خفيفه السياره شوي
بدلتهم ب 225/50R16 مع جنط ياباني 16 والحين الرساوه |1|


اخ عمر206
الثلاجة ليست قطعة استهلاكية وعادة ماتخرب كل فتره
مثل توضيب السياره .... هل راح توضب كل سنتين ؟؟؟ اكيد لا
وبعدين زميلك استخدمها 7 الى 8 سنوات وما يبي يغير فيها شئ!!!
وابشرك نزلت فيمة الثلاجة الى 2000 ريال :D

اشكرك اخي على نقل تجربتك بخصوص الماكسيما ... بصراحة ما عندي وقت اقرا فيه ولكن اضفته للمفضلة .... ولكن كيف قطع غيارها .. لاني ادكر قبل كم سنة شفت اثنين من الشباب كان معاهم ما كسيما اعتقد 2001 او 2000م دخلو السيارة علشان كان فيه مشكلة بالمكيف .. المهم الرجال قال لهم غيروا الثلاجة وقيمته في حدود 3800 ريال .. انا انصرعت يوم اني سمعت عن سعر الثلاجة ...
لانه عندي ثلاجة البيجو بـ 940 ريال كامل مع الجرم ...