حبوبة ما عليك من الي يقولك سيارة انثوية او رجالية
الحين تشوفين البنات يركبون مواتر ارجال ما يركبونها انواع الاند كروزر اللكزس الفرويل
حتى الهمر والرنج روفر عادي شوارع الدوحة كثير اشوف بنات يسوقونها وعادي جدا
تصدقين لو اقولك مرة شف وحدة على جمس بيك اب احمر صحيح شكلها كان ملفت حصوصا انها كانت تمشي جنب مبنى البورصة القطرية وخمنت ان الموتر لاخوها وبحكم مالقى موقف من الزحمة ساقتة واخوها نزل هذا تخميني بس عادي ما ضحكت عليها ولا شي بالعكس قلت سق علها خطيرة والله
المهما انا عن نفسي مثلك خاطري بسيارة انا الحين امتلك هوندا اكورد 2006 وافكر ابيعها واخذ لي فرويل ومحتارة اي اخذ بس لو عندي فلوس كثير ما كان احترت وصكيت لي رانج روفر خاطري فية
لكن الحمدلله على كل حال
الفولفو مرة عاجبتني الصراحة بس مخوفيني منها عسبت سعرها غالي شوي غير كذا ما اقدر اعدلها الا بالوكالة اقصد بقطر فقط لعدم توفر قطع غيارر الا عند وكيلها والاهم ان قطعها غالية
لكن تبين الصدق هي في بالي الصراحة
فكري بالباجيرو ترى شكلها حلو خصوصا الفل وغير كذا شفت كذا وحدة تسوقها يعني انتشرت بصراحة بالذات الشكل الجديد بس من ناحية التقنية والمكينة فانا حالي من حالك اختى ما اعرف اي شي يعني خبر خير
في سيارة امريكية
اكاديا جمس بعد شكلها حلو
ايضا فية سيارة جديدة وحلو الشكل بس ما عندي فكرة عن سعرها الا وهي LINCOLN MKX
وهذي صورتها
بس ماعندي فكرة عن مواصفاتها او اعطالها او اي شي بس الشكل حلو وانثوي على قولتهم
واسفة على الاطالة اختي
فائق الاحترام
كوين
