ارجو المساعده ابي اغير من بليزر2006 الى باجيرو2007

[hy steel]

السلام عليكم
يا شباب ودي اغبر سيارتي البليزر 2006 الى باجيرو 2007و انا ما اعرف
كم فئه للباجيرو ولا كم الاسعار؟ ودي اعرف كم سعر اللي تحت الفل اوبشن.(اقساط)


وكم يمكن يجيب لي البليزر في المعارض دبل+LT+تحت الضمان ماشي 37000 كيلو+غير مصدوم
حبييت اغير لان البليزر ما يشيل العيله اكثر من(5 ركاب)
ثانيا الباجيرو ياباني يعني الك والى الزمن(7ركاب) العيال ورا


ارجو المساعده من الاخوان خصوصا من الاخ البنشري

[atlantis]

مبروك عليك الموتر مقدما

الباجيرو موتر مايحتاج اتكلم عنه

[عاشـ التاهو ــق]

الباجيرو سيارة جيدة ولاكن فيه أفضل منها الأكسبلورر أريح وأفضل وهذي وجهة رأئي والباجيور ممتازة بالتوفيق

[hy steel]

شكرا يا اخوان على المشاركه atlantis و عاشق التاهو
بالنسبه لالكسبلورر خيار ممتاز ايضا لكن الجوده لصالح الباجيرو(البر) شيء مهم عندي
اذا احد يقدر يجيب اسعار الباجيرو اكون له ممنون

[khh]

المحرك 3.0
يبدأ من 84500 إلى 93000

المحرك 3.8
يبدأ من 109500 إلى 128000

[blue_omg]

شوف ياخوي الباجيرو سمعته منتازة في البر
لكن اذا كنت بتشتريه علشان الصف الثالث فما انصحك
المرتبة صغيرة وضيقة جدا، مااظن حتى الأطفال يرتاحون فيها خاصة في السفريات
المرتبة الثالثة في الباجيرو (فك أزمة) بس مابتريحك في المشاوير الطويلة

اريح صف ثالث على الاطلاق بتلاقيه في الفورد اكسبيديشن، حتى للكبار
وبعده يجي التاهو واليوكن ولو انه ضيق شوي للكبار

[ابو نوال]

من حسن الحظ اني امس كنت في العيسائي وسالت عن الاسعار والانواع

يوجد نوعين نوع عادي ونوع فل

العادي توه امس عمله عليه عرض وسعره بعد العرض 85000 ريال سعوي مكينه 3000 سي سي ولكن انتبه تراه مكيف امامي فقط ولايوجد مكيف خلفي وانبه هنا لانه الموديل الي قبل الفئه العاديه كان في مكيف خلفي اما هذا الموديل الجديد فلا يوجد وايضا بدون دعسه وبدون شاشة معلومات

الفل سعره بعد العرض 110000 ويجي فيه مكيف خلفي ودعسه ومكينته 3800 سي سي وشاشة معلومات(شاشة معلومات فقط وليست نافيشقون) وسي دي لكنه بدون فتحه والفرش قماش وليس جلد

بالنسبه للتقسيط اذا كنت في السعوديه فافضل عرض بناء على نصيحة الوكيل نفسه خذه عن طريق الراجحي يطلع القسط للفئه العاديه 2000 ريال شهريا لمدة خمس سنوات شامل التامين والضمان الشامل على السياره وبدون دفعه مقدمه او مؤخره

لكن نصيحه ترى المكيف الخلفي مهم جدا وايضا المكينه 3000 سي سي ضعيفه على السياره وبالتالي انصحك بالفل غير كذا السياره لايعلى عليها

وربنا يقدر لك الخير ولاتنسى الخيره ومبروك مقدما

[LAMBADA]

اذا كان همك المساحة فالباجيرو ضيق جدا ولا يقارن بمساحة السيارات والصوالين الامريكية !!

سعره بالمعارض الباجيرو فل اوبشن جلد 130 ألف ريال

وهو سعر مبالغ فيه ...

انصحك تشوف خيارات أخرى ..