Lexus LS 2008 .. تصميم خياااااالي لا تفوتكم .

سيارة جميله ورائعه وخفيفة الوزن وانسابيه في تحكمها على الطريق

اخوي مو ضروري احب تويوتا ولكزس اني اصير معهم في كل كبيره وصغيره كل شركه ولها عيوب .. لكن انا اقول الحق ... الرجال يقول اللكزس مافيها جوده وقربعه هذا كلام يخش بالمخ :confused: هذا الي خلاني اتكلم واحمق شوي

وماحصل الا الخير |3|



ياحبينيلك بس :D

يااخوي العود :D

رمضان كريم وكل عام وانت بخير


تحياتي

الاخ كحيلان اشكرك على الرد وانا مؤيد لبعض كلامك ولي تحفظ على الاخر (راح افصل ان شاء الله)
الاخ كامري انا ادري انك تحب التويوتا واللكزس بشكل خاص وانا مثلك بس لو تهدي شوي يطولي بعمرك اعتقد الاخ كحيلان طرح وجهت نظره الشخصيه وهذا راجعله فلا تحمق عليه
وشاكر للاخوان التفاعل يعطيكم العافية

ليش متعب روحك ومرسلي مسج

ياابن حلال خلاص اللكزس اخس ماركه الهيونداي ازين منها خلاص ارتحت وصل التعصب ان يقول اللكزس ماينفع والهيونداي افضل من اللكزس والانفنتي ياخي بلا تعصب وحقد زائد :confused:

اقسم بالله انك ماعمرك ركبت لكزس م 98 عشان تقول هالكلام اجل خرابات وطقطقه صدق كلام مايدخل المخ ابو زميلي قبل العام بايع اللكزس حقتهم م 98 وماشيه 290 الف ومشاء الله على الراحه الي فيها وباعها ب 80 الف |6| وانت تقولي ماتنفع وخرده ... اركبلي سوناتا م 2005 ماشيه 100 الف واركبلي كامري م 2003 ماشيه 200 الف وشف الفرق بالراحه

اقول خلاص خلاص اللكزس ماتنفع خلاص ترا مو ضروري ماتقدر تطول سياره تقول عنها شينه :mad:
ياحبيبي اللكزس وصل سعرها 330 الف وانت تقول طقطقه ترا الكلام هذا مايخش المخ .. ورجاء لاتسب موتر ماتقدر تطوله جرب الموتر بنفسك واحكم مو تقعد تجيب كلام من فلان وعلان


واعيد الكلام مره ثالثه .. اذا كنت ماتقدر تطول الموتر ياخي لاتسبه |3|
خله للاصحابه هم الي يسبونه مو انت .. انا مااقدر اسب ولا ماركه الا اذا كنت مجربها بنفسي وممكن اني اسبها على خفيف من كلام المجلات .. اما اني اسبها من قلب وانا ماجربتها ضميري مايقدر يتكلم

ياخي انت شفت خدمة عملاء لكزس ولا ماشفت اظاهر انك تتكلم عن كلام ماعمرك شفته انت روح لوكاله عبدالطيف واسأل اي واحد معه لكزس 460 وقله كيف خدمتكم وكيف معامله معكم خخخخخخخ اجل هيونداي افضل خدمه مابعد البيع لاتعليق في هذا


شباب في معلومه جديده

الهيونداي افضل من اللكزس والانفنتي :D<< طبعا حلم ابليس بالجنه .. واذا حجت البقره على قرونها :D

نسيت اقول ترا اللكزس ماخذه المركز الثاني عالميا من ناحية الاعتماديه اليوميه بعد البورش .. ممكن تقولي الهيونداي وين مركزها بالعالميه طبعا بالاعتماديه

واي اسعار تقول عن هوندا اخوي معروف ان الهوندا اغلى ماركه يابانيه بعد اللكزس والانفنتي وانت تقول من الاسعار ... شفت انك ماتدري عن شيء .. اخوي قطع الهوندا من اغلى قطع السيارات اليابانيه بعد الماركتين الفخمه اللكزس والانفنتي ... وانت تقولي رخيصه الثمن ... والهيونداي ليه رخيصه ممكن جواب ... مافيه جواب

انا اول مره اتكلم بااسلوب هذا لكن انت اجبرتني اني اتكلم وافلت نفسي لانك ارسلت رساله لي بالخاص وقلت الرجال يبي رد بالغصب وانا ماراح ارده


تحياتي لمتعصبي الهيونداي الي وصلت انهم يقولون اللكزس ماتنفع والانفنتي معهم

.

هذي سلمك الله لكزس 2007 اللي عرضتها....


|3|

اللكزس LS الجديده 2008 فيها إختلاف الشمعات مثل هذي..

>>

|6| |4| |6|

الا خ كحيلان السلام عليكم تحيه عطره
لقد اطلعت على كثير من مشاركاتك وكانت تتصف بالحياديه
بس في هالرد كنك متحامل على اللكزس شوي وحبيت اقول
ان الموضوع باين من عنوانه ولا فيه طاري للمقارنه بين اللكزس والمرسدس والبي أم

وبعدين اكيد بيصير فيه وجه شبه بين اللكزس والكامري اذا امهم وحده وهي شركة تويوتا
والسئول هل شركة تويوتا تعتبر عيب او وصمة عار في عالم السيارات اعتقد الاجابة واضحه لو تشوف وش اكثر السيارت في شوارع السعودية
وانتاج شركة تويوتا من السيارات يعتبر ضخم جدا وهي الان في المراكز الاولى عالميا لانتاج السيارات
كما انها اثبتت جدارتها بإنتاج السيارات الفخهم وهو انتااجها لماركة لكزس اللي فيه كثير من الناس يرغب بقتنائها ويحبها وما اتعتقد ان هالناس ما عندهم سالفه.
وابالنسبه للمرسدس والبي ام ترى في اووربا سيارات التكاسي والشاحنات وتوصيل الطلبات من انتاج هاتين الشركتين واغلب الناس هناك من ذوي الدخل المحدود لديهم سيارت متواضعه من انتاج هاتين الشركتين هل هذا يعني ان نقلل من شئنهما لا مافيه شك انهما تنتجان سيارات من افخ السيارات العالمية ولهما عراقتهما وكذلك تصنع سيارات متواضعه.
وبالنهاية اقول اني احب سيارات لكزس وبالمقابل احترم محبي السيارات الامانية واحترم وجهت نظرهم
بالتوفيق للجميع

اخوي :confused: قد ركبت موتر الماني ولالا

اخي اللكزس ماخذه اهدئ سياره في فئتها في العالم من ناحية المكينه والعزل وانت تقولي A6 :confused:

ياليت تتكلم بالاثباتات اخوي

اجل العزل عادي ياحبيلي للالتيما بس اطلق من عزل المايباخ:D

ماجبت شيء جديد


اسمها لكزس |6|

السلام عليكم




غريبه هدوءها أبد لا يقارن في الألمان

وأتوقع حتى أودي أي 6 أهدى منها

والعزل سوو لها العالم زحمه وهو عزل عادي جداً بالنسبه لموتر أكثر من ربع مليون


تحيتي

الله يرزقني بسياره مثلها

بدينا ورجعنا نقارن اللكزس بالبي ام والمرسيدس
يا اخي كل سيارة ولها زبون وسوقها بعدين اللكزس تتفوق في اشياء كثيرة عن الالمان
اولا السعر اقل عند الشراء ويمسك سعرها افضل عند البيع
هدوء المحرك افضل والانسيابية وكذلك الهدوء التام الداخلي للسياراة وتوفرها بمواصفات مثل الشاشة لمس وغيرها الكثير
وكذلك تجد الالمان يتقوقوا على الاكزس ولكن باشياء بسيطة يعني عراقة التصنيع هذا اللشي الملحوظ اللي يخلي اللماني يفرض نفسة
مع خالص شكري وتحياتي

والله نصيحه ثم نصيحه ثم نصيحه مالك غير اللون اللولي تراه فخم مررررررررة

انا ماشوف اي تغيير عن موديل 2007؟؟؟؟

بس صراحه اذا بنقارنها بالالماني البي ام والمرسيديس؟

انا عندي بالسعر هذا ماتلقى زي هذي المواصفات!!!!!

اكيد الالماني افضل لكن!!! (السعر)

لو انا هذا اللكزس نفس سعر البي ام والمرسديس والاودي اتوقع راح يتفوق عليهم لكن بالسعر هذا

السيارة تعتبر ممتازة جداً

والله السيارة حلوة جدا جدا
لكن في شي قاهرني فيها الحين سيارة بقيمة 300 الف اكثر او اقل شوي وحاطين
ساعة على الطبلون تقول ساعة تيرسل او كامري ............:D ابي ادور اي شي
وتحياتي لكم
بوفيصل