ارجو المساعده ياشباب !!!!

مشكورين ياشباب على مساعدتكم لي وهذا اللي انا قلته انه راح يكلفني كثير يالله بصبر لين يخلص القرض بعد ثلاث سنوات واسحب كابرس اس اس جديده <<<<<< حلم بليس بالجنه

مشكورين على ممروركم

حتى لو لقيت القير و القطع ...

الشغله كلها راح تكلفك فوق الــ 10 ألاف ريال

يعني لو تبيعها و تزيد عليها الــ12 ألف بتجيب لك سيارة اوتوماتيك

بالتوفيق

انا اقول لو تشوفلك التشليح اذا تطابق قير الاكسنت مع الريو

وبعدها قوله كم سعره مع الرجيع(يعني تعطيه القير العايدي وتزيده عليه)

واظن لو تاخذ معاك ميكانيكي عشان يتأكد من القير افظل


تحياتي والله يوفقك

تبي النصيحة السيارة اذا مكينتها صغيرة ما يصلح معها الا العادي ولو قلت ما تبي تشد عليها وسواقتك هادية بس راح تحتاج للعادي خاصة اذا كان قدامك واحد تبي تتجاوزه وماصدقت والخط على يسارك يفضى من الزحمة مثلا تشد على السيارة ما تعطيك مثل العادي

أخوك بندر

هلا اخوي مايكروسوفت انصدمت يوم قالي السعر 9900 والسياره لو ابيعها ماتجيب لي 15000 وش الدبره معا ذول اصلا طبيعي القير بيخيس عندهم من الخبل اللي راح يشتريه حق سياره بيعها نفس السعر

بما أنه سبق وسألت عن قير السيارات التالية..

Sokda Octavia 30,000

Hyundai Sonata 20,000

فطبيعي يقولك السعر .. 15.000 ..!!

هلا شباب بس حبيت اقولكم اني اتصلت علىالوكاله كيا السعوديه بالدمام قسم قطع الغيار وحصلت القير موجود عندهم بس انصدمت الصراحه

توقعوا كم السعر ابيكم تتوقعون سعره بدون التركيب طبعا
انتظر توقعاتكم

مشكورين اخواني مايكروسفت والابروس على مروركم

اخوي مايكروسوفت كلامك صحيح نفس الشي حتى اذا جيت للقطع بتحصل عليها نفس علامه هيونداي وكيا جنب بعض فأنا بسأل وبشوف هل الاوتماتيك بتاع الاكسنت بيركب على الريو

بس ياليت تقولون لي وين احصل القير وكم سعره تقريبا الجديد والمستعمل وش تشورون علي اخذ جديد او مستخدم

مشكورين

مثل ما قال أخوي ....... كفى ووفى|1| |1|

أخوي هاوي بنز

بعطيك معلومة لكن تحتاج للتأكيد من ناحية فعاليتها

الكيا شركة مملوكة لهونداي ونظام هونداي

هي تصنيع سيارتين نسخ من بعض

الفرق في الشكل الخارجي والديكور الداخلي

أما المحركات نفس بعض .. معنى هذا

فالريو هي نفسها الأكسنت .. والأكسنت متوفر فيها الأوتوماتيك

لذا أعتقد (بشكل كبير) أن لو تحصل قير أكسنت إتوماتيك بيركب

معك في سيارت الريو .. الإشكالية هي أن الطريقة تحتاج للتأكد

من أحد المهندسين المختصين بالقيور يشوف الأكسنت والريو



* حبيت أعطيك هالفكرة والله يعينك على الباقي :)

هلا اخوي انا احترم رايك اشد الاحترام وكلامك صحيح بس انا ابي اعشق وامشي ومابي اسرع وادعس ونمر وقومه فا ابي اوتماتيك بس عشان اني اعشقها واهي تسوي الباقي <<<< كسووول

شكر لمرورك