بعد حيره طويله شريت سياره
بعد ما وضعت كل السيارات بأنواعها الجديده والمستعمله من خياراتي ,, استقريت على سياره واستملتها قبل يومين
اخذت السياره بخصم 11% واللي نزل من سعرها تقريباً 10700
السياره طلعت علي شامل اللوحه والاستماره مع ضمان خمس سنوات بـ 86800
السياره اللي اخذتها هي هيونداي أزيرا فل اوبشن بدون نافيقيشن موديل 2007 واللون بنفسجي غامق
كنت متردد بصراحه باللون وخصوصا اني ماحصلت لوني المفضل وهو لؤلؤي بس شفت اللون على الطبيعيه اكثر من مره وعجبني وخصوصا انه غامق مره ويعطيك ثلاثة الوان (كحلي , بنفسجي , اسود )
مواصفات السياراه رائعه بصراحه مقارنة بسعرها :
محرك 6 سلندر 3.3 بقوة 235 حصان
قير تيبترونك بخمس سرعات
جنوط 17 انش وعرض الكفر 235
8 ايرباقات ( 2 اماميه وستائر على الجوانب و4 على الكراسي الاربعه )
جلد , فتحه , 6 سيديات MP3 , نظام سمعي رائع جداً بـ 8 سماعات وسب ووفر , مرايات كهربائيه مع امكانية اغلاقها كهربائيا
الكراسي الاماميه كهربائيه مع دعامه كهربائيه لكرسي السائق
قزاز عازل شد بلد ( solar glass )
ستاره خلفيه كهربائيه تنزل عند الرجوع للخلف وحتى المرايات تنزل شوي عشان تشوف حد الرصيف واذا حطيت القير في الـD ترجع المرايات نفس مكانها والستاره ترتفع بعد خمس ثواني
امكانية التحكم في الطاره كهربائياً الى الامام والخلف والاعلى والاسفل واذا طفيت السياره ترتفع الطاره للأعلى
ذاكره لمقعد السائق تتضمن وضعية الدركسون والكرسي والمرايات
زينون رائع لونه ابيض مرره وبالخط قوي
مكيف مفصول التحكم للراكب والسائق ومكيف خلفي
كشافات ضباب اماميه والانوار الخلفيه LED
عدادات اوبتترون مع شاشه تعرض جميع معلومات السياره ( باب مفتوح , نقص زيت المكينه وجميع المعلومات التي تتعلق بالسياره وكذلك كمبيوتر للرحلات )
انوار عند قدم السائق والراكب تضيء عند فتح الباب او وضع القير على P
انوار قراءه للركاب في الامام والخلف مع نور مركزي في الوسط
المرايه اللي في القزاز الاماميه اوتوماتيكية التعتيم
انظمة ESP EDB ABS لثبات السياره
ومواصفات كثيره جداً لا تحضرني حالياً
النظره المبدئيه للسياره وما يسمي بـ ( Initial Qeulity ) ,, رائعه بكل معنى تحسسك بالجوده العاليه وانه تم تركيب كل قطعه فيها بعنايه قائقه
هذا كل شي عن السياره والسياره حالياً ماشيه 500 كيلو عسى الله يبارك لي فيها ويعطيني خيرها ويكفيني شرها
صور السياره
مشاءالله تبارك الله
