صوت طقطقة اذا لفيت الدركسون !!!

A L H A M O O R @user_17724 · 16-07-2007

بسم الله الرحمن الرحيم

حياكم الله يا شباب ....

فيه صوت في موتري اذا لفيت الطاره مع أي جهه خصوصا اليسار

والصوت أحس انه في الكفر الأمامي

صوت شيء يفقع أو شيء يطقطق ما أدري بالضبط ...

ما أدري وش السبب وياليت تفيدونا ياشباب

وهل يعتبر خطر على الموتر ؟؟

معقوله @user_31828 · 20-07-2007

بعض الشباب الله يهديهم اذا صار مايعرف البلا قال عيب مصنعي هههه:D

عموماً اخوي بالنسبه ان كان كلامك عن الجمس ترا الامريكي لازم لازم لازم لازم واكرر لازم تشيك عليه مابين كل فتره وفتره .. وقصدي بالتشييك الاجزاء الاماميه من مساعدات ركب اذرعه مقصات ..

وانا كان معي موتر امريكي اذا لفيت الطارة صار صوت طقطقه

صارت المشكله ذراع .. بس مادري ما اتوقع مشكلتك ذراع باين ان الموتر جديد ..

والله اعلم

المارودر 2004 @user_47732 · 19-07-2007

هذي المشكله صارت مع احد ربعي
بكراون فكتوريا وهو اذا لف الدركسون يطلع صوت طقطه سريع
وطلع من علبة الدركسون

A L H A M O O R @user_17724 صاحب الموضوع · 19-07-2007

مشكور على ردك يالغالي :)

وأنا سويت تشحيم وما نفع !!

والظاهر اني بأروح لميكانيكي

بعيد الشوق @user_40583 · 19-07-2007

احيانا اخوي ممكن الصواميل راخيه شوي وتخلي العكوس تتحرك من مكانها عشان كذا قبل ماتغيرها رح لاقرب ميكانيكي وخليه يرص على الصواميل الامامية وولف الدركسون على الجهة الي انت تسمع فيها صوت وامشي شوي شوي وناظر ان طلع الصوت ولا لا لان اانا صار معي هالشي كل مابي الف اسمع صوت طق ورحت لميكانيكي وخليته يسوي تربيط للصواميل الي في السيارة من تحت والحمد لله راح الصوت :)

أبو عبدالعزيز @user_6640 · 18-07-2007

هذا المشكلة موجودة بكل الجمووس على ها الموديل
أنا أسمعها كثييييير
بس ماأدري وش الحل

A L H A M O O R @user_17724 صاحب الموضوع · 18-07-2007

مشكورين على ردودكم وماقصرتوا

وياليت تتكلمون عربي :D

فهد منصور @user_22565 · 18-07-2007

بسم الله الرحمن الرحيم
السلام عليكم ورحمة الله وبركاته[COLOR="navy"][COLOR="navy"]:D [/COLOR]
اخي العزيز الشي بسيط ما يحتاج هذا الخوف
عندك العكوس او راس العكس هي المشكلة
دام انه الطقطقة اللي تقول عنها من قدام
والميكانيكي هو ابوها ويعرف الخراب النهائي
وتحياتي [/COLOR]
|1|

alashgg @user_25858 · 18-07-2007

شوف اخوي يعني مابي اقولك الخراب 100% بس اعطيك 75 انه الخراب يامن اذرعة الدركسون ولا الرمانات واخر احتمال الركب

فني سيارات @user_8460 · 17-07-2007

السلام عليكم و رحمة الله و بركاته

ياخوي واياخوان هذا الصوت كما تم شرحة واضح وهو تكسر البيرنج الرمان بلي واذا السيارة اكسل قدام يعني دفع امامي فهو الاكسل ولبليات
واعتقد ان صاحب الموضوع يقصد به الجمس بذلك يكون العطل في الدفريشن اذا كان دبل الامامي
واذا كان سنجل فهو ايضا من الامام بختلاف نوعية البيرنجات التي تحتاج الى تبديل
والله اعلم

بحريني999 @user_11525 · 17-07-2007

السلام عليكم

أنا صارت عندي نفس المشكلة ... وديتها عند الوكيل وسكتوه بس بعد اسبوعين رجع نفس الشيء
رجعت الوكالة وقلت لهم قالو لي هذا عيب في التصنيع والمشكلة فيه شيء اسمه ( انترميدت شافت كت) ماكان موجود عنهم في الوكالة طلبو لي من المصنع وركبوها والحين بعد صار لها أكثر من سنتين مافي صوت ولا شي علما بأن سيارتي يوكن 2004 SLT

+KoRn @user_19776 · 17-07-2007

اي تحت الضمان هاذا الصوت لن في واحد شفته عن الجميح يكول لحق الصيانه انه غيره كامل وجلس كم شهر ورجع الصوت..

ISUZU D-MAX @user_44609 · 17-07-2007

انا اقول الصوت هذا يطلع من الدودة حقت السيارة

قدر صار الصوت هذا على سيارة دايو

اذا لفيت يطلع واذا مشيت وانت لاف يزيد الصوت

A L H A M O O R @user_17724 صاحب الموضوع · 17-07-2007

عذب الاحاسيس مشكور على ردك
طيب أغيرها كلها ولا واحد بس لأني الصوت أحس انه عند الكفر الأيمن الأمامي ؟؟

أخوي رومل مشكور على ردك :)

أخوي كورن متأكد انه عيب ؟؟
اذا كان عيب ممكن يتصلح تحت الضمان !

+KoRn @user_19776 · 17-07-2007

لتوقع على سيارتك الجمس الصوت ياهامور ال اعرفه انو هاذا عيب تصنيع من 2005و2006

رومل @user_46481 · 17-07-2007

هذا اطال الله عمرك العكوس الاماميه مثل ماقال اخوي عذب الاحاسيس
للرفع

عذب الاحاسيس @user_15092 · 17-07-2007

ياسيدي هذه العكوس يااما انك تغيرها او تسويلها لحام

لكن غيرها افضل ماتكلف ان شاء الله فوق 300 ريال

حتى لو ماغيرتها مافيها اي مشكلة انا مشيت على السيارة سنة ونص مابها الا العافية ماشاء الله:D

تحياتي

A L H A M O O R @user_17724 صاحب الموضوع · 17-07-2007

للرفع ^^^^^^^^^^^^^^

A L H A M O O R @user_17724 صاحب الموضوع · 17-07-2007

مشكور على الرد أخوي الدمعه

لكن وش هي الجوزات .. ؟؟

وأنا الصوت مايطلع الا اذا لفيت الطاره فقط سواء ماشي أو واقف

MGM LS @user_28288 · 16-07-2007

هلا أخوي الهامور

بصراحه انا بعد عندي نفس مشكلتك صوت يشبة التمدد أو الطقطقه ويطلع إذا لفيت الكفروانت ماشي

او طلعت مطب وحتى لو كنت مهدي يطلع الصوت وبعد الكشف عليها أتضح انه احد الجوزات خربانه

إحتمال تكون المشكلة نفسها عندك فشيك على الجوزات

بالنسبه لي سافرت على السيارة 400 كيلو وبعد كانت محملة والسرعه 140 واوقات 150

والحمدلله ماصار شئ

وبالتوفيق أخوي ,,,