شباب أهل الرياض أين محلات صيانة وفحص الدبل للضرورة القصوى

السلام عليكم ورحمة الله وبركاته


شباب أنا لقيت ونفسي أشتريه الموتر فيه دبل (الدبل قير والسيارة أمريكية)


بس أنا متخوف من حاجة وحدة وهي الدبل أبي أفحصة ما ودي أخذ السيارة وأكتشف أن الدبل فيه مشكلة كبيرة أو خراب

أنا جربت السيارة على الزلفت ثم قلت خلنا نشغل الدبل (كان ودي أشغلها في رمل بس ماحولك طعوس في معارض النسيم) المهم يوم جربته فعلا حسيت الموتر ثقيل (يعني الدبل أشتغل) بس يوم مشى شوي لاحظت أن الكفرات الأمامية تفحط بقوة يعني كأني حسيت أن قوة الدفع صايرة أقوى بكثير من الخلف يعني مثل ما تقولون آمام 60% أو 70% والخلف الباقي.

بصراحة ما أدري بالضبط حسب معلوماتي في الدبل لأنها محدودة جدا

بس الي أخبره أن كان العكس الكفر الي في الخلف يفحط والأمام لا يعني ام الدبل فيه مشكلة وحط عليه علامة X.

وفي رأيي يمكن الدبل شبه سليم :rolleyes:

بس أبي أتأكد وأقطع الشك باليقين

فأحد يعرف ورشة لفحص وتصليح الدبل في صناعية النسيم أو صناعية القديمة وأبيها ورشة مضبوطة مو يضحكون على الناس لأن للآسف ما أبالغ أن نسبة ما يقارب 70% من الورشات ما عندهم سالفة وأنا طحت في كم واحد في بعض التصاليح العادية ما يفهمون شيء في التصليح الكامل للآسف ويحوسون لك المشكلة ولا يصلحونها بالكامل يحلون لك جزء من المشكلة.

فأرجو المساعدة منكم والي يعرف أحد قد صلح دبل موتره بالله يسأله وين صلحه فيه وهل هم ممتازين للضرورة يا أخوان

شاكر ومقدر الي يرد في الموضوع بأي معلومة ولو بسيطة

أخوكم أبــــــــــــوأســــــــــــــد|3|