تصويت !من الي يقوم مكسيما ولا كامري 2003

مكسيما
اذا الكامري جراندي احتمال اتكون احسن
وشكرا على الموضوع

أنا أقول أخوي سنافي إن الكامري(التورينق) أقوى من الماكسيما بالقومة والخط أنتم شكلكم ماتعرفون نوع من أنواع الكامري اللي هو التورينق وإذا كنتم تعرفونه بس ماقد أحد جربها وقاومها....

مشكورييييييييييين جدا



على الردود المحيره بس ااااسف جدا على التاخير بالرد بس انا اقولكم اني حتى الان محتار يكفيكم كلام ابو سليمان الي يوجع الراااااااس
يقول المكس اقوى بس الكامري احلى والراس انواع الوجع



بس الكامري الجديده شي

والمكس الجديده ماتغير شي:ماأدري:



بس الصراحه ماجبتو شي جديد

:ماأدري:

لان بعضكم يقول المكس احلى

والبعض يقول الكامري احلى

بس حقين الدوران يحبون المكس للهجه خخخخخخخخ

والكامري للتفحيط والرساوه


وش راااااايكم ردو علي اذا كان كلامي صحيح




اخوكم

سنافي السنافي

أنا لازلت مصر على رأيي بأن الكامري النوع تورينق طبلونها مو 220كم طبلونها هي 240كم وتنزل عنه كثير التورينق الكامري تقوم على الماكسيما وماتصف جنبها وبس حتى بالخط تروح وتخليها...

اصلن مافي مجال للمقارنه بين السيارتين....

مكسيما افضل بـ1000000مرررررررررره...

والكامري ماتصف جنب المااااااااااااااكس....

الماكس افضل بواجد...

وطبلون الماكس260
.........الكامري220

وفي حال المطاردات المقاومات...

الماكس افضل...

تحياتي لكم...

:تمام:

أنا أقول الكامري التورينق تقوم يعني تقوم واللي وده يجرب مافيه مانع يجي للقصيم وبالتحديد محافظة الرس ويجي ويقاوم والله ماتطلع الماكسيما لا بالقومة ولا بالخط طبعاَ محد راح يصدق لمين يشوف مثلي وأنا في الأول ماصدقت لمين شفتها...

التورينق مو القراندي...

اخواني انا في رايي انو بالراحه الماكسما تطرح
ولاسباب

1- الماكسيما شكلها انسيابي اكثر
2- الماكسيما وزنها اخف بكثير عن الكامري
3- نوع المحرك الموجود في الماكسيما الي يعطيه تسارع كبير جدا


والله اعلم


سالم

مع أني أكره السرعه
والمقاوم
وأكره شي أسمه نيسان

بس أسمحولي
بدري على الكامري تقوم على المكسيما لا قوم ولا خط
وحتى الريوس بدري عليه

طبعن هذا مهب عيب بالكامري
لكن المكسيما قويه زايده عن اللزوم

وأخيراً لو خيرت بن كامري ولا مكسيما
أبختار الكامري لأنه سياره تستاهل

تحياتي
أبوسليمان

الله يهديكم ...
الفرق بين الماكسيما والكامري زي السما والارض ....
قمنا بماكسيما 2002 على سبورتيفو وكسرنا خشمها تكسير بقوة ...
وصكيناها حول 5 عواميد ....


اخوكم اللاعب

السلام عليكم ورحمة الله وبركاته...

أنا بصراحة عضو جديد هنا وحبيت اشارك معكم في هذا الموضوع اللي شدتني بعض الردود وأنا بقول اللي عندي...




بالنسبة للكامري فهي قوتها في النوع تورينق فقط أنـا بصراحة ماتوقعت إنها تقوم على الماكسيما بعد ماقالي اخوي وهو معه التورينق 2001إلى بعد ماشفتها بعيني...




أنا أقولكم السالفه طبعاً واقفين عند الإشارة وبدت المقاوم في الاول والثاني قامت الكامري اللي هي التورينق لكن المكسيما بعد ماحطها راعيها بالثالث راحت الماكسيما وأبعدت شوي بس عقب ماعشق راعي التورينق بالرابع والخامس بداء يقرب لمين راحت التورينق وخلتها وراعي الماكسيما يقول والله إني امشي 260كم وراعي التورينق يمشي تحت 240كم...أنا قلت لكم السالفه علشان اوضح لكم أن التورينق تقوم على الماكسيما ومو بس هالمكسيما اللي قاموها راعي التورينق كثير غيرها أنتم طبعا مومصدقين لمين تشوفون زيي اللي مو مصدق يجرب التورينق ويشوف الفرق...

وأنا أتحدى أطلق ماكسيما تقوم عليها...


آسف جداً على الإطاله بس حبيت اشارككم الرأي وإختلاف الرأي لايفسد للود قضيه...

تحياتي للجميع

موضوع جميل

وردود الشباب أجمل

الموضوع رايح اثبته

بس ياليت ثم يا ليت ثم يا ليت

ان نتناقش بهدوء بعيد عن التعصب والتجريح

يا اخواني ترى الامر ما يستاهل

واحنا هدفنا الأستفاده منكم

وتقبلو تحياتي

انا مع اخوي مجنون هوندا ولو اني ماعندي هوندا انه
اسرع من المكسيما واسرع من الكامري ياهل الكامري
ااي عنده كامري يتبع هدي الخطوات!!!
1- يشتري حمر
2- يقليه
3-بارد علي قلبي

الكامري 2003 محركها من فئة vvti

وللعلم فقط ... الكورلا يوجد بها هذا النظام من سنة 2001 مو 2003 زي الكامري

يا سعادة الاستاذ الخبيــــــــــــــــر

ممكن تقولي السبب!!!


لانهم حيروني



بس انت اجابتك نموذجيه


وبنفس الوقت سريعه



لان ناس وناس


مادري وش اقولك اخاف يهجمون عليك الحين



تقبل تحياتي
سنافي السنافي

طبعا الكامري

مثل ماقلتلكم المترددين كثرين واانا ابغى الكلام النهائي ايهم احسن


كامري 2003 مكسيما 2003


حيرتوني :ماأدري: :ماأدري: :ماأدري:

يا سنافي


قوة الأحصنة في الماكسيما 2003 227 حصان

وقوة ماكينة الكامري قراندي 213 حصان

ولكن يشفع للكامري شكلها الجديد الجذري

ونظام تعليقها الجديد المتطور

عموما السيارتين لهم مكانتهم وتقديرهم

وانا متأكد ماراح تندم لو شريت وحده من الثنتين

أخوي عادل فخامة وتقنية وجودة وشعبية لكزس GS300
مستحيل انك تقارنها بالجلوريا يوجد فروق ماهي سهله
صحيح ان نظام الدفع في الجلوريا خلفي وفي الأفالون أمامي
ولكن السيارتين متقاربتين في السعر والجوده وسعة الماكينة
وقوة الأحصنة

السلام عليكم..
والله اتوقع المكسيما فالقومه...بس فالخط الكامري 2003
:شايب: