طلب عاجل..دلوني على اقرب وكالات السيارات في السعودية للبحرين

قلب كريستال @user_47208 · 20-05-2007

السلام عليكم ورحمة الله وبركاته

اعضاء المنتدى اللي يقدرون يساعدوني

اختكم

تفكر تشتري سيارة

من السعودية واختيارها وقع على مازدا 6
انا في البحرين وابغي اقرب المعارض للسيارات لنا في الدمام او الخبر مو بس المازدا..حتى باقي الوكالات لاني ابغي اشوف عروضكم في السعودية للسيارات لانها افضل من عروض وكالات البحرين

....

فاذا امكن اماكن وكالات السيارات وهل هي قريبه من بعض....

واي ملاحظات لي قبل قرار الشراء

لا تحرجوني ولا تردون علي انتظر ردودكم
لكم تحياتي
اختكم
قلب كريستال

ذكريااات @user_47223 · 23-05-2007

الله يسلمج خويتي :D............. اي .......... لا احد يقص عليج .:mad:........ ما لي قلب آجوف بحرينيه مثلي مني وفيني واتبهدل بعدين في شوارع السعوديه اللي تخلبص............... فديتج خويتي ............ حياج الله

اختج ذكرياااااااااااات تعيسه مع سياره من السعوديه|11||3|

قلب كريستال @user_47208 صاحب الموضوع · 22-05-2007

يا حلوج ذكريات

خلاص باخذ برايج وادور لي سيارة حلوة مثل لسانك.....
تسلمين حبيبتي...

ذكريااات @user_47223 · 22-05-2007

شلونج خيتي قلب كريستال ....
وازيدج من الشعر بيت بعد ..... وكالات البحرين صيانتهم افضل صدقيني .... ولا يسوى تشقين وتعبين عمرج في السعوديه واغوارها .... يوم اشتريت سيارتي من السعوديه اتبهدلت .... صج الوكاله موجوده بالبحرين بس لما تودينها وكالة البلد اللي اشتريتي من عندها السياره يرخصونج اكثر .... عشان هلون خلج بالبحرين ام اللولي والنخيل .... خاصه وان قلبج كريستال وما بتتحملين تعب ومشوار السعوديه...:p

تسلمين عيني آنه حاضره وبالخدمه

قلب كريستال @user_47208 صاحب الموضوع · 22-05-2007

ذكريات
صدقيني كلماتك خلتني اتردد...لاني سمعت اكثر من شخص اشترى من السعودية ويمدح هالشئ....مشكورة على اهتمامك ونصيحتك
الصعب
ما قصرت اخوي وفرت علي واااااااااايد من البحث

عمر
بصراحه الفرق وايد علشان هلون انا محتارة...تسلم على مرورك واهتمامك

مشكوووووووووووووووورين على الاهتمام وعلى ارائكم .......

alsa3eb @user_44923 · 22-05-2007

ياشباب انتو ليه ماعطين الموضوع اكبر من حجمه البحرين والسعوديه وحده يعني مافيه بعد

واحد من ربعي بالبحرين طلع سياره من هنا ويسوي صيانتها الدوريه بالبحرين عادي لأنك سواء بالبحرين او بالسعوديه راح تدفع راح تدفع قيمة الصيانه لكن الخرابات راح يتحملها الضمان بالسعوديه....

وبعدين انصح الأخت اذا كان الفرق بالسعر بسيط تاخذها من البحرين اما اذا الفرق عالي تاخذها من السعوديه

وتوفر فلوسها....

هذي وجهة نظر....

# OMAR # @user_7317 Banned · 21-05-2007

غريبة ..
انا اشتري قطع غيار الفولفو من البحرين ..
بس سيارات فولفو الجديدة بالبحرين اغلى بكثير من السعودية ..

ذكريااات @user_47223 · 21-05-2007

نصيحة لج يا خيتي لا تاخذين سياره من السعوديه ولا تغرج سالفة ان عروضهم احسن ... ما كو احسن من وكالات البحرين ... كفايه ان الوكاله قريبه منج لو لا سمح الله صار في السياره شي ... شيوديج خيتي جزر الواق الواق وتتبهدلين في شوارع السعوديه اللي تخرع .......... على قول المثل : خلك على جنونك لا يجيك اللي اجن منه !!!! ذي رأيي وانتي حره خيتي .... بس آنه مثلج بنيه وطلع لي اخوي سياره من السعوديه واتغربلت غرباااااااااااااال .... انا استاهل كل اللي يجرى لي ... الله يا غرباااااااااااالي
اسئل مجرب ولا تسئل طبيب......... عشتي خيتي !!!!

alsa3eb @user_44923 · 21-05-2007

ختي قلب الكريستال المازدا قيرها اوتو ومواصفاتهااا مره رائعه

وخاصه مثل:

1- تشغيل السياراه بدون مفتاح بشريحه تصدرها لك الوكاله

2- امكانية تشغيل السياره عن بعد

3- وجود اشارات ضوئيه على المرايات الجانبيه

4- جنوط مختلفه عن الجنوط الدارجه بمقاس 16

ويوجد فيها مواصفات اخرى لكن دارجه بالفئه كامله

السسياره زوم 6 الفئه الخاصه

وامكانية انك تصدرين السياره للبحرين بمبلغ اضافي 500 او 1000 ريال <<--- ع كلام الموضف

جميع الألوان متوفره وموديل السياره 2007

النوع العادي من موديل 2006 سعره 53000 ريال <<<----< الوان محدوده
النوع العادي من موديل 2007 سعره 56000 ريال <<<----< جميع الألوان متوفره

قلب كريستال @user_47208 صاحب الموضوع · 21-05-2007

حجزتها من عند الزياني بعد ما دخلت سيارتي القديمه.....

سعرها حوالي 6000 دينار....

يعني ما تشجعني اخذها من السعودية؟؟مع ان الكل يقولي انها افضل لان عروضهم احسن.........

شكرا لمروروك وتعليقك....
تحياتي
قلب كريستال

LAMBORGHINI @user_4936 Murcielago · 21-05-2007

بكم المازدا عندنا في البحرين ؟؟؟

و المازدا لاسف بتتغير عقب سنه او سنتين على الاقل

و الكامري في كل زاويه اشوفها هي و الاكورد و التيما !!!

و انا ما انصح تاخذين سياره من بره و خاصه اذا ضمانها مايشمل دول الخليج كلها !!

الكاليبر حليوه <----- بس عند اي وكيل حجزتيها الزياني او بهبهاني !!!

قلب كريستال @user_47208 صاحب الموضوع · 21-05-2007

ابغي اتاكد مازدا 6 سعرها 65000 ؟؟؟طبعا ابغيها اتوماتيك....اذا هذا صح بكون فرق بالسعر عن البحرين....عموما للان محتارة بين المازدا والكامري؟؟؟؟مدري من يساعدني بالاختيار....انا تعودت على اسيارة الامريكيه وحبيت اغيرها......للعلم الميزانية بحدود 65000 ريال.....من يقدر يساعدني بنصيحه للاختيار الصحيح المناسب.....خاصة اني ابي لون مميز بناتي ...

ساعدوني حتى ما احتار اكثر بينهم...وارجع للامريكي لاني بصراحه حجزت دوج كاليبر بس متردده اخذها وخاطري بالمازدا او الكامري

ادري ضيعتكم بكلامي لكن اتمنى تساعدوني

اتمنى القى ردود منكم

تحياتي
اختكم قلب كريستال

M O A Y A D @user_15565 · 20-05-2007

* يمنع نشر الارقام الهاتفية

hmsnr @user_36299 Banned · 20-05-2007

الصعب يعطيك العافيه حط رقم التلفون هنا للكل يستفيد ان شاء الله

تحياتي

قلب كريستال @user_47208 صاحب الموضوع · 20-05-2007

هلا والله

ياريت ترسل رقم هاتف لوكاله اذا ممكن

ما تقصر

شكرا

alsa3eb @user_44923 · 20-05-2007

اختي فيه عرض ع المازدا 6 الاصدار الخاص بموصفات جدا رائعه ورياضيه

بسعر 65000 ريال

6500 دينار بحريني

وعندي رقم الهاتف الخاص بالوكاله للأستفسار

قلب كريستال @user_47208 صاحب الموضوع · 20-05-2007

تسلم والله ما قصرت

|3|

اختك
قلب كريستال

hmsnr @user_36299 Banned · 20-05-2007

شارع الدمام الخبر فيه كل الوكالات ماعدا وكالت نيسان وتويوتا ومرسيدس ومازاد . تويوتا في وحده في قبال جيان في الظهران والثانيه في الدمام على شارع الملك سعود قبال رامز .

نيسان ومرسيدس نهاية شارع الملك سعود قريب للشارع الاول او شارع الامير محمد بن فهد او اسمه شارع الشرتون .

نجي الى المازده هي على شارع معرض الظهران او شارع ملعب الراكه او شارع جامعة الملك فيصل او تسالين عن اكسترا وهي على نفس الشارع . اسمها وكالة الحاج على رضا .

تحياتي