السلام عليكم
رحت للسليماني اللي يركب فتحات للسقف على طريق الملك عبدالله لكن لقيته مهدود
ممكن احد يدلني وين انتقل وهل صحيح ان الشركة قفلت نهائيا حسب كلام فرع المرسلات
ابشر بسعدك بس ترى الورشة صارلي 3 سنوات مـا مريت عليهم لإن كدلكي الله يرحم ايامه بعته .. وموتري الحالي مافيه فتحة سقف ( يـاحسافه ) .. فلا تواخذني لو صـار فيه خطأ بالوصف .. سلمك الله بتجي مع مخرج 17 متجه للغرب .. أول إشـارة مـن طريق الأمير سلمـان تعدهـا ثاني إشـارة لف يسـار .. وامشي لين يجيك تقاطع شـارع بلقيس - المنتزه سابقـاً - ( تراني مـاني متأكد هو شارع بلقيس او شـارع الجمعية ، أغلب الظن إنه بلقيس وإذا مـا طلع هو جرب الجمعيـة ) المهم إذا جالك تقاطع بلقيس او الجمعية .. لف يسـار واول ورشة على يدك اليمين إسمهـا الشرق الأوسط .. بعده يجيك محل صغير كهربـائي ( تراه ملاصق لورشة الشرق الأوسط ) .. إسأل عن حضرمي إسمـه جمال .. إذا مو موجود او مسافر او تغيرت الدنيـا وصار مهندس محركات طـائرات بويـنـج فقط ولا يشتغل بفتحات السقف .. إنتبـه يـزحـلـقـك ويخليك تصلح عند ربعه .. إذا السالفة فيهـا إنـًا .. لا تصلح عنده .. الغرابي اضمن لك .. والله يكتب لك اللي فيه خير وصالح .. تحياتي
مشكور يالحبيب على الوصايا :)
ياليت تعطيني وصف عنوان اللي في الصناعية لاني ما احب الزحمة وبتكون اخف من زحمة الغرابي
لان المشكلة عندي في وزن القفلة تكون شوي منخفضة ماهي على مستوى السقف
الف الف شكر على تجاوبك
إن شاء الله اروح لهم ويصلحون خلل وزنية القفلة لاني مرة في السليماني وزنها قدامي لكن ما عرفت اوزنها الان .... والسليماني اصبح في خبر كان
شكرا بروقهام
العفو .. ودامك إخترت اللي قلت لك عليه بوصيك وصاتين :
1 - إذا بتروح لمحل المميز انا مجربـه شغله تقريبـاً 70 % إتقـان بالنسبة للتخشيب ولرش الجلد بلون آخـر ، بفتحـات السقف مـا جربتـه ، ( اللي صلح فتحة سقف موتري الكدلك ورجعهـا لي وكالة واحد بالصناعية حضرمي فنان لو تبي وصفتلك عنوانه ) .. المهم معرض المميز هـذا ابيك تكـاسره وتكسر راسـه بالسعر مهب بخشبـه :D ، تراه أول مـا يبدأ بسعر مرتفـع أعلى من السعر اللي هو حاطه بباله .
2 - قبل لا تمر عليه فيه محل قبل المميز بتقريبـاً 150 او 200 متر إسمـه ( القدس ) على مـا أظن .. هذا شغله تمام وانا سبق ورهمت عنده تجميعة لمبات السقف حقت الحلوة اللي بتوقيعي ( لإن المصنـع وقف تلك القطعة عن الإنتـاج ) المهم إني تخارجت منهـا .. هالكلام قبل 6 سنوات مضت .. يعني مر على كذا خيـار علشان تقارن بينهم .. والله يوفقك .. أي سؤال انا حـاضر .. تحياتي :)
عندك بالغرابي .. فيه أكثر من محل يركبون ويفصلون ويصلحون لك فتحات السقف .. واحد منهم ينقاله ( المميز ) بجنب الحوشـاني لمسجلات السيـارات .. والله يوفقك ويكتبلك الله فيه خير
الف الف شكر على تجاوبك
إن شاء الله اروح لهم ويصلحون خلل وزنية القفلة لاني مرة في السليماني وزنها قدامي لكن ما عرفت اوزنها الان .... والسليماني اصبح في خبر كان
عندك بالغرابي .. فيه أكثر من محل يركبون ويفصلون ويصلحون لك فتحات السقف .. واحد منهم ينقاله ( المميز ) بجنب الحوشـاني لمسجلات السيـارات .. والله يوفقك ويكتبلك الله فيه خير
