حليت المشكلة
تصدقون المشكلة ماكانت أصلا من الحساس
كان المشكلة من واحد بقرة!
رحت عند ميزان المجد علشان أصلح عندهم فرامل السيارة
ثم قالي من متى ما غيرت زي القير, قلت من أخر مرة وضبته!
قالي يعني كم قلت يمكن له حول سنتين تقريبا!
قالي ما يصير لازم تغيره
قلت شيك عليه أول أن كان يحتاج تغيير أو لا
يوم شاف الزيت دلى يقولي يحتاج تغيير ومدري أيش مع أن السيارات القديمة مو شرط تغير الزيت القير بسرعة لأنه بكذا بيطلع فيه مشكلة
المهم قلت له غير فلتر القير معك طالما بتغير الزيت
يوم غيره وغير الزيت
وتوني طالع من الورشة المتخلفة وأشوف هذي النتعة الي ضيقت صدري حتى أني تندمت أني غيرت الزيت
قلت خير يبو شوف وش سويتو بالقير
قالو ماسوينا شيء غير تغيير فلتر القير وزيت القير
المهم صارو يصرفون عيال الكلب ومسوين في بعض المنتديات الثانية أكبر وأقدم فرع في صيانة السيارات يا أخي أنطمو بس أنتم وورشتكم الفاشلة
المهم رحت بعد ما فضيت نفسي لمحل تصليح وتوضيب قيور متعامل معه
شاف السيارة وساقها قال أتوقع من الحساس روح جيب حساس وقول لصاحب المحل أن ماصار المشكلة منه بترجع الحساس له ورحت وجبت الحساس وأتفق أنا وراعي المحل على كذا على شرط أنه ما يفكه من كيسته
المهم يوم فكت الكرتير حق الزيت القير تدرون وش صار!
واحدة من أسلاك الموجودة في وسط الكرتير أنسحبت شوي يعني شبه مفصولة
قام ورجعها مكانها وقالي الحين جربها
طبعا ما ضبطت
قالي شوف جربها يومين ثم تعالي أن صارت المشكلة موجودة وفك البطارية علشان يسوي أعادة برمجة
وفعلا سويت الي قالي عليه من أول يوم فكيت البطارية وركبتها بعد 3 ساعات وبعدها الحمد الله راحت المشكلة
يعني بعض الأحيان يكون المشكلة تافهه تطلع مشكلة كبيرة
ونصيحة لا تتعاملون مثل هذي الورش مثل ميزان المجد الي في الصناعية القديمة بالرياض لأن صدق ما عندنا سالفة حتى الفرامل يوم صلحوها لي طلعو فيها مشكلتين مو مشكلة وحدة! وصرفوني وقالي لي تعال بعيد بس منب راجع لسبايك ما يعرفون يصلحون السيارات
وشكرا
