شبااااب أبي أختار بس محتار (سوبارو ليجاسي4سلندر) أو (كامري4سلندر) 2007

قد جربت كامري وأكورد وليجاسي

الكامري: تسمع بالتنسيم والرساوة.
الأكورد: مراتب قاسية تكسر الظهر وخدمتهم زفتت للآسف (بعد تجربة للعيب المصنعي في الدركسون والله كأني أطرهم يصلحونها لي على حسابهم ويعجبك دخلت السيارة قلت عندي حذفه يسار خلوها يمين! شكله بدل كفرات بس)
الليجاسي: رساوة ماشفت مثلها, مواصفات ولا أحلى منها, السيارة مريحة المركب ومكيف ممتاز وأقتصادية.
لو بشتري سيارة سيدان جديدة ماراح أشتري غير الليجاسي|1|

أخوك أبـــــــوأســــــــد|3|

السلام عليكم
طيب يالحبيب اذا كنت معزم على السوبارو وهي يابانية ماطرى على بالك الهوندا سواء اكورد او سيفك اليابانية والمعروفة عند الناس والمتوفرة القطع على فكرة مرة رجال في احد صالات عرض اليجاسي والله نصحني بالهوندا والسبب توفر قطعها وهذا كلام واحد من الوكالة قالها لي باخلاص وراح توفر كثير وتاخذ سيارة حتى لو فكرت تبيع تلقى من ياخذها ولا يخاف منها وبسعر معقوووووول الليجاسي سيارة ليست واسعة الانتشار فابتعد عن اي سيارة غريبة والا ستتعب كثيرا من ناحية القطع والصيانه والله يختار لك مافيه خير.......

أصلا الكامري لا تقارن بالليجاسي

الليجاسي متفوقه كثيراً

وأنصحك شخصيا فيها ..

بصراحه رووعهـ

هلا بك أخي

مسألة القطع والله ما تهم الي يشوفك يقول كل شهر تخرب

بس الكامري ماااااهي راسية وتريش يعني بعد 160 تصير خفيفة

هل هذا صحيح

هذا عن جوالات بس هذي سيارة والواحد يبي يرتاح فيها :)

أحب أعطي صاحب الموضوع معلومة بسيطة

أعتقد انك قد شفت موضوعي عن المقارنة بين الليجاسي والأكورد 2007 وهي موجودة بتوقيعي

شوف بس كيف مواصفات الليجاسي على الفئة السياحية وقارنها بالكامري فل كامل SE وناظر من الأفضل في المواصفات

ثانيا موضوع الدفع الرباعي في السوبارو مو محطوط حق تطعيس |11| محطوط حق السلامة والأمان والثبات العالي في جميع ظروف الطريق

وأعتقد أنت لك دراية بمستوى رساوة الكامري مقرنتا بمنافسيها

واللي يقول القطع غالية أنا حطيت موضوع طويل عريض عن مقارنة اسعار قطع السوبارو بأسعار الهوندا علشان الناس تغير نظرتها عن ان السوبارو قطعها نار وبنسبة لتويوتا صح قطعها ارخص من سوبارو بس شوف من الي يدوم أطول منها ;)

أحب أعطيك ميزات أيضا الليجاسي والكامري وعيوبهما

ميزات الليجاسي:
1- سيارة مميزة جدا حتى تلقى قليل مثلا يعني متميز عن الناس.
2- مواصفات السيارة ممتازة جدا ومتكالمة رغم أنك تجد أكثر من 90% من مواصفاتها أساسية.
3- السيارة صناعتها يابانية 100% يعني كد ومد
4- الثبات عالي جدا بفضل الدفع الرباعي المستمر.
5- الأمان بها عالي وهي ماخذه 5 نجوم سلامة وجميع سيارات سوبارو كذلك يعني يدلك الشركة دارسة سياراتها صح قبل لا تنتجها.

عيوب:
1- قيمة السيارة تنخفض بكثرة أثناء أعادة البيع.
2- القطع الغيار أصلية ولا يوجد تجاري يعني مالك إلا الوكالة بس ميزتها أنك ما تاخذ إلا شيء يعمر معك ومخصص أصلا للسيارة يعني ما تلقى تجاري يحوس سيارتك.


ميزات الكامري:
1- شيك في الجيب عند أعادة البيع.
2- قطع غيارها متوفرة بكثرة صح تلقى الأصلي والتجاري ويصعب التفريق بينهما بس الميزة كثرتها.
3- حجم المقصورة واسعة.
4- قير تيبترونيك 5 سرعات.

عيوب:
1- مشبوهة السيارة عند نقاط التفتيش.
2- الرساوة لك عليها.
3- مواصفاتها عادية جدا حتى في أعلى فئة.
4- رغم أن محركها أكبر من الليجاسي إلا أنها أضعف منها (الكامري 2.4 لتر بقوة 158 حصان والليجاسي 2 لتر بقوة 165 حصان)

فيه ميزات كثيرة الليجاسي وميزاتها أنها سيارة متطورة جدا بصناعة يابانية |1| نصيحتي خذ ليجاسي

قيمتها تقريبا الفل كامل سابقا 85 ألف أعتقد حاليا أقل من 80 ألف مر الوكالة وشوف كم السعر بالضبط
الكامري SE بـ 85 ألف

بالتوفيق:cool:

الف شكر أخوي على توضيح نقطة السيفتي

لانها نقطة مهمة جداً والسوبارو متقدمة على الكامري في هذا الشئ

والله كلام يؤخذ في الحسبان الي قاعد تقوله

الف شكر على تعليقك المفيد صراحة

مشكور على رايك وفي الحسبان أخوي

تحياتي

هاااااااات رأيك نسمع منك أخوي

السلام عليكم
الاشياء اللي تقلق الشخص اثنا اختيار السيارة هي عادةا 3:-
1) الخرابات : السياران ياباني يعني نادرة العطلات والخرابات فريح بالك . "لحد الان النقاط1 لصالح كل من الليجاسي والكامري "
2) القطع الغيار : السيارتان قليلة العطلات فبأذن الله ماراح تظطر للتصليح وقطع غيار خصوصا اذا
راعيت السيارة واستخدمتها استخدام صح وسليم "النقاط 1 لصالح كل من الليجاسي والكامري".
3) الشكل والمواصفات والسيفتي : الشكل الخارجي والله السوبارو بكل موديلاتها أروع واحلا من التويوتا
وخصوصا الليجاسي واللاجسي توفرلك مواصفات ارقا بكثيييير اما بالنسبة للسيفتي
فأحسن سيارة يابانية في السيفتي والامان هي السوبارو . "الليجاسي تتقدم ب1 عن الكامري".

اخي يتظح مما سبق ان الليجاسي افضل واحلى وارقا بكثير وهي جيدة المواد (ياباني)
والخرابات انشالله مافي وقطع الغيار استهلاكية فقط وهي دائما تكون رخيصة لان الشركات
دائما تراعي انها قطع استهلاكية يعني يجب ان تبدل دائما
فبرأيي خذ الليجاسي وانت الكسبان بأذن الله والليجاسي شكلها احلى من الكامري ب7000 مرة

ولا تنسى تبشرنا أحوك *z06*

شف وانا اخوك تبي نصيحة اخو منصح لك
خذ لك كامري
بلا ليجاسي بلا خرابيط لي اربعة شهور اسمع عن الليجاسي في هذا المنتدي ولا مره شفتها في شوارع الرياض
ولو كانت الليجاسي افضل كان شفتها في كل مكان
انا بصراحة شفتها مرة في معارض النسيم شكلها بايخ وغبي
ماادري هاللي يمدحها على ايش يمدحها ولا احد يقولي عشانها دفع رباعي انت بتطعس فيها ولا بتسابق
لا شكل ولا وكيل زي الناس وقطع غالية حتى سمعتها مو مثل التويوتا
الكامري انا مااحبها بس افضل بكثير من الليجاسي لعدة اسباب

1- عملية وتتحمل والدليل شف موديل 98 صناعة استرالية وتمشي زي الحلاوه
واحد من اخوياي معه موديل 98 ولا عنده نية يغيرها

2- وكيلها افضل وكيل في المملكة ماعليها كلام

3-قطع غيار رخيصة جدا تصدق سعر الفحمات بـ 70 ريال.. لا تعلم احد

4-قطع الغيار متوفر في كل مكان في المملكة
تروح اي صناعية في المملكة في اي مدينة تلقى اكثر من خمس موزعين لقطع الغيار

5- سعرها عن البيع ماسك سعرها
ولو تروح للمعارض بتشوف موديل 98 ماتلقاها باقل من 25 الف ريال ماشية اكثر 300 الف كيلو ومصدومة بعد

6-شكلها الخارجي وهذا مهم جدا وخاصة 2007 حلو مرة كانها لكزس

7-تلقاها في كل مكان ومع اللموزين وعند ايجار السيارات لانها عملية وممتازة ا
م الليجاسي اول مرة اسمع عنها في هذا المنتدي
وليش ماهي منتشرة في الشوارع ؟(لو فيه خير ماتركه الطير)
ولوكانت افضل من الكامري كان تشوفها مليانة في الشوارع

انا بأضرب لك مثل

لو انك ناوي تشتري جوال وقالولك الناس ان جوال سوني اريكسون ممتاز ومواصفاته ممتازة
بس مافيه ولا واحد من اللي تعرفهم شاريه كلهم معهم نوكيا وش تشتري نوكيا ولا سوني اريكسون
طبعا نووووووووووكيا حتى لوقالو لك النوكيا فيها الف عيب وعيب طيب ليش شارينة؟؟؟؟
وليش اللي مدحو سوني اركسون ماشروه

الظاهر اني وصلت المعلومة