السلام عليكم
كيف حالكم
أنا عندي كم استفسار ميكانيكي وارجوا اللي يجاوبني يكون متأكد من كلامه
1- أنا دائما وانا ماشي بالسيارة حتى لو اني ماشي 120 احط القير في الفاضي يعني مثلا شفت اشارة قدامي حمراء ما اخلي السيارة في النمرة وامسك فرامل , لا على طول احط في الفاضي واهدي من بعيد . فهل ارجاع النمرة الى الـ N مباشرة يضر بالسيارة ؟
2- انا داااائما استعمل النمر مع الفرامل . هل هذا يضر بالسيارة ؟
3- أنا سيارتي كامري 2006 اربعه سلندر ماهو الضغط المناسب اللي اغير النمره عليه يعني 2500 او 3000 او ؟
4- اللي اعرفه ان تشغيل المكيف والسيارة ماشية غلط . لكن انا احيانا اكون ماشي مثلا 100 أحطها في الفاضي واشغل المكيف . هل هذا غلط ؟
وأكون شاكر لمن يفيدني
-- JoKeR --
السلام عليكم ورحمة الله وبركاته اخي الفاضل
1- غلط تحط القير على الفاضي اولا تجعل السيارة تندفع ويصبح الضغط على الفرامل كثيرا وهذا يجعل الفحمات
عمرها يكون اقصر .... عندما تكون ماشي على سرعة 120 عداد الضغط يكون مرتفع وعندما تفضي السيارة مباشره
ينزل الضغط بسرعه ودائما التهدئه السريعة للمحرك ليست متسحبه ويوجد ضرر ولكن ليست بالضرر الذي تتوقعه
وصانع السيارة ينصح بعدم التوقف الفجائي وهو تماما عندما تفضي السيارة وينزل الضغط سريعا فالصحيح
ان ينزل الضغط بهدوء وغير كذا تكون السيارة مقيده بالقير بحيث لاتكون مندفعه اكثر من اللازم
وساتكلم بالعامية ::: امشي على سرعة 120 وفضي السيارة راح تندفع السيارة ولا راح يوقفها الا الفرامل
وراح تلاحظ ان كل الضغط على الفرامل وبعدين امشي مره ثانية 120 وهي بالخامس واترك دعسة البنزين
ستلاحظ ان السيارة تهدي معك افضل وبذلك يخف الضغط على الفرامل
2- استعمال النمر مع التهدئة جيد ولكن متى عندما تكون مسرع وفجائه تفاجات باشارة حمراء
او منعطف او شارع حرف تي يعني بالمعنى المفيد عند مفاجات الطريق
اما في الحالات العاديه والقيادة الطبيعيه اتركها بالنمره الطويله حتى تصل الى النمره التي تحتاج ان تغيره
يعني تمشي 80 وهي بالخامس وهديت عشان اشاره خلها بالخامس حتي تصل الى اقل سرعة وهي تقريبا 50 او اقل
وبعدها اضغط على الكلتش عشان تفضي السيارة
والملخص المفيد اعطي كل نمره حقها في التعشيق يعني لاتخلي القير على الخامس وانت تمشي 50 لانه يكون
اجهاد على الترس الخامس ومن المفترض ان تكون النمره الثالثه في هذه السرعة يعني لاتشد ولاترخي مره
3- كل نمره يجب ان تصل الى 3000 لفه دوره بالدقيقه وهذا هو المعدل الطبيعي واذا بغيت تتسارع عند اللزوم
لايرده الا 5400 (( عند اللزوم فقط ))
4- لايوجد مضره وانت تمشي بالسيارة وتشغل المكيف (( الكمبروسر وانت تمشي 160 او اي سرعة يشبك ويفصل
كانك تطفيه وتشغله ((( شوف ان ابتكلم من تجربه شخصيه ...معي فكتوريا 2005 اشغل المكيف وانا امشي 120
ولي سنتين ولا صار اي شي ومعي ددسن 2005 واشغل المكيف وانا امشي 140 او اكثر ولا صار اي شي
ومره من المرات كان معي زميل وقال شغل المكيف وانا امشي 160 وشغلته وانهبل وقال السير ينقطع
والكمبروسر يضرب عليك رديت عليه وقلت تشوف الحين ابطفيه مرتين واشغله وفعلا طفيته وشغلته ولاصار اي شي
هذا من واقع تجارب مع السيارات اللي استعملتها واذكر هذه المقوله لاتشغل المكيف وهدي حتى سرعه 40 ولا فضي القير
في السيارات القديمه من زمان اما الان فلا اعتقد يوجد ضرر واضح على المكيف لاني مثل ماقلتلك ان كمبروسر المكيف
يشبك ويفصل على اي سرعة
ملاحظه:: اذا كان السيارة اوتو فيجب عدم تغيير القير نهائيا من تشغل السيارة تحطها في دي وانسى تحرك القير
الا في حالة الوقوف التام ووضعه على P
وعندي سؤال لك ::: تقدر تشرب مويه مقطره ؟؟ ابغا اجابه واضحه لان عندي مغزى من هذا السؤال
وفي الختام ارجو اني افدتك بالمعلومات المطلوبه
والله الموفق
