فضائح عبداللطيف جميل في الأوريون أو فضائح الأوريون الأسترالية

up
up
up
up

في الأول والأخير الكامري والأوريون من نفس الفئة ..
وأصلاً مافي شيء اسمه أوريون هي في الأصل اسمها كامري في الصين ..
وبعدين الأوريون هذي لو تلف المواقع كلها ما راح تلقى لها أثر .. طيب ليش ؟؟!!!
بالطبع الوكيل ما راح يجيب كامري V6 مع أوريون V6 لأن كلها نفس المواصفات ونفس الفئة ونفس الداخلية ..
لكن الفرق بالشكل الخارجي فقط ..
واوكيل حاب يغير فوقف الكامري V6 مثل ما وقف الكراون وجاب بدل الكامري شيء اسمه أوريون ..
وبدل الكراون شيء اسمه أفالون ..
مع إنه لو عكس السالفة كان أحسن والسوق مشى زي الحلاوة لكن هو وده في مكاسب تدخل ذهب ..
وبعدين ما في مقارنة بين الكامري وألوريون لأنها هي نفسها أصلاُ ونفس المواصفات .. فمن الطبيعي الكامري أفضل ..

وبعدين الأبيكا تعتبر من الفئة الصغيرة مثل الكورولا والسيفيك .. وغيرهم ..
لكن الشكل الخارجي لها كبير وممكن يكون الداخلي كمان كبير ..
وبعدين كيف تقار سيارة سبورت أقل فئة مع عادية فل ..
يا ناس لا يضحكون عليكم هذولا الوكلاء ..

السوق الخليجي يعتبر من أغنى الأسواق ..
وبعدين من قالك إن الشعب طفران ..
الشعب عنده والحمدلله وبدليل انتشار السيارات الأوروبية والسيارات الاسبورت والعادية الفل ..
أنزل الشارع وشوف ..

وبعدين كلفة الشحن و مطابقة المواصفات و المقاييس مع اللوحات ما تكلف أكثر من 6000 ريال ..
أنا أعرف خويان لي لهم خبرة في مجال استيراد السيارات قالوا لي هالكلام ..


وبعدين تقدر تقول لي ليش يبيعنا الوكيل بنفس السعر اللي في الخارج بل أكثر ..
مع نقص كثير في المواصفات ..
لا تنسى انت قلت إنه ينقص في المواصفات عشان يمشي السوق ..

أتمنى تكون لك زيارة للموضوع ..
الفروق في الأسعار والمواصفات بين كامري عبداللطيف والخارجية

عشان تشوف الفرق وتفهم معنى كلامي أو اللي قصدته من هالمواضيع ..
وترا مناقشتي معكم في هذا الموضوع لا تعني اهانة للوكيل أو تعصب لشيء معين ..
وإنما حوار ومناقشة وتبادل معلومات ..

بالتوفيق للجميع في ما يحبه الله ويرضاه ..

up up up up up up up up

هذه مشاركتك السابقه
هذا سعر الكامري فل V6 في الموقع الياباني 28020 $ = 105075 ريال :eek:
يعني أرخص من الأوريون حقتنا بكثير فوق هذا مواصفات وشغل زين

وهذا جوابي عليه

الاوريون حقتنا فل كامل جراندي مع شاشة ملاحه ب بمئة وتسعة الاف وانت تقول كامري فل بمئة وخمسة بالموقع الياباني

يعني الفرق 4000 الاف فقط وهذي اسمها كامري وهذي اوريون وانا ابي اسألك نفس الكلام اللي قلته في المشاركه السابقه

اذا عندك كامري 6 سلندر فل كامل وبجنبها اوريون 6 سلندر وفل كامل والكامري ب 106 والاوريون ب 109 ايهما تاخذ

شي طبيعي تاخذا اوريون لان الفرق بسيط والشكل من صالح الاوريون

هذا اللي اقصده بان الوكيل عشان يمشي سيارة لازم يقلل من مواصفات السيارة اللي من نفس الفئة

يعني كوكيل مايقدر ياجيب كامري 6 سلندر فل كامل 105 ويجيب بنفس الوقت اوريون نفس الفئة وبسعر 109

لان الحاصل تنضرب واحده من السيارات ويخسر بعدين ويقعد يبيع باقي السيارات بالتقسيط وتقعد بحلقه

ودي تفهم سياسة التجاره وسياسة المبيعات انت كزبون يهمك شي واحد اللي في مزاجك تبيه يجي وبس

بس ماتفكر ان هذا الشي يضر بالمصالح الاخرى وللمعلومية فيه سيارات عندنا احسن من السيارات اللي برا

انا استغرب... انت ماتدري عن شي اسمه جمارك وقيمة النقل بالباخره والاجار في المواني والنقل بالقطار والنقل

من مدينه لمدينه ولاتنسى هامش الربح للوكيل علما ان الوكيل اكثر ربح له في قطع الغيار وليس البيع كسيارة جديده
وهذا رد اخر منك ::
لكن مو نجي نقارن سيفيك فل مع أكورد أقل فئة .. أبد ما تدخل العقل .. لازم نفكر بعقلانية شوي ..
انت لازم تقرر تبي سيارة صغير فل أو تبي سيارة كبيرة ستاندر والفرق كبير بينهم في المواصفات ..
والجواب ::
جبت لك مثل الابيكا واللومينا وكلهم متقاربات من حيث الحجم والسعة الداخليه وهم من شركه واحده يعني اذا جيت تشتري
لومينا وسعر الاستندر ب 75 الف وحصلت الابيكا فل كامل من مراتب جلد وفتحه وجنوط وحركات مالها اول ولا اخر
وسعرها ب 72 الف او 75 الف شي مؤكد تاخذ الابيكا وبكذا تنظرب اللومينا الاستندر يعني محد يشتريها

بالحاله هذا يجي الوكيل مايجيب الابيكا الفل كامل التوب اللي سعرها ب 75 ويروح يجيب فل شبه كامل باقل المواصفات

عشان يصير سعرها ب 62 الف ويصير فيه فرق بالسعر وتضطر يازبون انك تشتري يا ابيكا او لومينا

لكن اذا كان السعر متقارب فاكيد راح تشتري الشي الزين الفل الكامل الايبيكا وتترك اللومينا الاستندر ويخسر

الوكيل في هذه الحالة والمصنع واعطيك مثل اخر
لنفرض انت وتجيب سيارات من برا من شركة واحده وعندهم انواع كثيره من السيارات

اذا جيت تدرس الوضع المادي للزبائن عندك في البلد ولقيت كلهم طفارا يعني دخلهم ضعيف ولا عندك اغنياء الا عدد

قليل يشترون سيارات فخمة وش تسوي تقوم تروح تستورد افخم السيارات من المصنع عشان عدد بسيط

من الاغنياء يشترون كم حبه وبعدين تقعد بحلقك السيارات الثانية وقطع غيار ومشاكل صيانه

ولا تستورد سيارات صغيره رخيصه تتوافق مع دخل الناس وتستفيد من المبيعات العاليه لهذه السياراة
ولا تجيب سيارة صغيره فيه مواصفات لكزس وتقول سعرها ب 100 الف عشان كم واحد معجبته السيارة الصغيره

هذي ويبي مواصفات من الى ..ياغالي هذا وكيل يعني لازم يجيب كميات كبيره واذا جاب كميات كبيره من طلبات

الزبائن القليله يخسر خسراه كبيره


وابسالك يااخ سوبرا كم واحد يبي مواصفات عاليه والسؤال كم واحد يبي يشتري

اللي يبون مواصفات عاليه خلينا نقول الف واحد واللي يبون يدفعون 10 بس

الوكيل وش يسوي بالحاله هذي وش يسوي بالسيارات الباقيه الفل اللي محد اشتراها

عشان كذا ماراح يجيب لك المواصفات الكامله في كل سيارة واذا كان عنده سيارتين من نفس الفئة

وهي عاليه السعر من الطبيعي يجعل واحده من السيارتين اقل بالمواصفات عشان ماتخسر السيارة الثانيه


وياليتك تقرا مشاركتي السابقه ودقق في كلامي عشان تستوعب الفكره اللي شرحتها


والله الموفق

أشوف ردود الشباب توقفت ..

هل هذا يعني أنهم لم يجدوا جواباً لما طرحته في المشاركة السابقة ..

ليش تقولون إن الكامري إذا جاءت مواصفات فل كامل مثل الخارج بيرتفع سعرها ؟!

لأنكم ما تعرفون السوق الخارجي .. في الخارج سعر واحدة من كامري SE بكامل المواصفات بـ 79275 ريال ..

لاحظ كامل المواصفات لا تعني المواصفات التي لدينا ..
عندهم في الكامري مواصفات عجيبة وراح أنزل موضوع يوضح الفروق في الأسعار والمواصفات الأربعاء القادم
إن شاء الله ..

فما بالك لو اشتريت بالجملة عدد 10000 حبة كأقل حاجة كم تتوقع راح يكون سعرها ؟!
ولما الزبون يشوف كامري بالمواصفات هذي وبنفس السعر ليش ما يشتري .. ايش اللي يمنعه !!
ولما هو ما عنده فلوسها ليش يشوف حاجة أكبر منه يا أخي مد رجولك على قد لحافك ..

في توقعي المعقول السعر ما راح يزيد ..

وبعدين بالعقل هل فيه مقارنة بين سيارة فل من فئة متدنية وبين أقل نوع من فئة عالية .. !!
أبد ما تجي .. أصلاً المقارنة مو موزونة ..
لازم تكون من نفس الفئة والمواصفات ..
مثال لمقارنة صحيحة :
مقارنة بين كامري - أكورد - زووم6 - ليجاسي ... الخ و لازم تكون كلها فل أو كلها ستاندر ..

لكن مو نجي نقارن سيفيك فل مع أكورد أقل فئة .. أبد ما تدخل العقل .. لازم نفكر بعقلانية شوي ..
انت لازم تقرر تبي سيارة صغير فل أو تبي سيارة كبيرة ستاندر والفرق كبير بينهم في المواصفات ..
لكن السعر من الطبيعي يكون قريب من بعض ..
لكن تعال .. ليش ما تقول كورلا فل مع كامري فل .. ( لازم المقارنة تكون في نفس المواصفات )
ولو جيت للسعر حتقول لا تفرق كثييييير ..

الشغلة لا تحسبونها كلمتين تلف العقل ..


ودي في أحد الأعضاء ومنهم فيصل أن يبينوا كيف بترتغع الأسعار بعد ما يقرون الرد هذا والرد رقم 26 ...

تغيير السيارة كل سنه او كل سنتين او كل 3 سنوات هذا يجعل كل شخص يشتري سيارة لمده سنتين يقوم بتغيير

سيارته وهذه خسارة ماديه لكل شخص



موضوع ان الكامري اللي برا افضل مواصفات فهذا صحيح ولكن لماذا ؟؟ الجواب



لنفترض بان الكامري التي لدينا في السعوديه فيها جميع المواصفات التي تتكلمون عنها لاصبح سعر السيارة


مرتفع ووصل الى سعر اللكزس التي في فئتها فبذلك ستخسر واحده منها وبكذا تخسر احدى السياراتين


وسوف تخسر الكامري بالتحديد لان الذي سيصل الى سعر الكامري الكامله المواصفات سيشتري اللكزس دون تردد


فالموضوع ياتي من دراسة علمية ودراسة ماديه وتجاريه


واضرب لكم مثل ::: الابيكا موديل 2007 يوجد فيها اقل فئة ويوجد اعلى فئة ولكن لو نظرتم الى الفئة الاعلى


لوجدتم بانها لاتوجد بها المواصفات الكامله المذكوره بالسيارة لعدة اسباب ::::



اولا: السعر المطروح للفل كامل الان والذي هو اقل من الفل الحقيقي يصل الى 61 الف ولو افترضنا


بان الوكيل استورد الفل الكامل التوب الذي يطالب به البعض لااصبحت قيمة السيارة تصل الى 70 الف او اكثر


وبذلك تصل الى قيمة اللومينا الاقل فئة فبذلك تخسر اللومينا لانك يا عميل او يازبون عندما تذهب تشتري


لومينا بقيمة 75 الف اقل فئة وتجد بجانبها ابيكا فل كامل كاملة المواصفات بنفس السعر 75 الف فمن الطبيعي

تشتري الابيكا بغض النظر عن ان محرك اللومينا اقوى او شكلها افضل بقليل نحن نتكلم بشكل واقعي والواقع هو

الذي يفرض نفسه


فالموضوع بالاساس مرتكز على عدم التاثير على اي سيارة اخرى من نفس الشركه



واضرب لكم مثل اخر :: الكامري يوجد 6 سلندر ولكن الوكيل لايستورده لماذا ؟؟؟ من اجل الاريون فمن يرغب


بالفخامة اكثر ويرغب بمحرك اقوى يوجد لديه خيار وهو الاوريون



ولو قام باستيراد الكامري ال 6 سلندر لفشلت الكامري فشل ذريع في المبيعات لانه يوجد بديل لها وهي الاوريون



المكسيما الشكل الجديد لم ينزل لدينا لماذا؟ من اجل ان تنجح الالتيما وبما ان المكسيما القديمة لها مبيعات


جيده فلماذا المغامره بتغييرها وبذلك تخسر حصة الالتيما في المبيعات




وانا هنا لاادافع عن الوكيل فالوكيل افضل مني ومنك في دراسة جدوى السوق وعن متطلبات الزبائن


فالموضوع ليس خبط بلزق


هذه استثمارات بالمليارات ودراسات لايعلمها الا من يدخل عالم السيارات وعالم الصناعات



انت يازبون ماذا يهمك ؟؟ يهمك ان الوكيل يجيب لك اورويون كامله المواصفات من الى واذا عدينا الذين سيشترون الاوريون


الكاملة المواصفات لوجدناهم يعدون بالاصابع



الكامري هذه الاربعة سلندر... يستطيع الوكيل ان يطلب كامري بمواصفات لكزس لكن السعر الى اين ياشباب


الى فوق المئة الف ...هل ستشتري كامري فوق المئة الف وانا اتكلم عن الغالبية بالطبع لن تشتري كامري


بهذا المبلغ لانه لديك خيارات افضل من السيارات الاخريات



الوكيل الذي تتهمونه بانه نصاب وانه يغير ويستبدل غير صحيح جملة وتفصيل (( يضيف ربما )))


جميع السيارات التي تاتي هذه مواصفاتها طلبها الوكيل من اجل تقليل سعر السيارة ومن اجل انجاح السيارة



للمنافسات الاخريات




لذا اجد ان الموضوع طال الحديث فيها ويوجد به من الاخطاء والاعتقادات الخاطئه عن الوكلاء



الوكيل لربما في الصيانه او خدمة مابعد البيع سيئ



الوكيل الوكيل يحاول جاهدا ان يقلل من سعر السيارة بتقليل مواصفاتها لان الاغلبيه لايريد تلك المواصفات الفارهه


ويريد سيارة تنقله من مكان الى مكان


والوكيل دائما ينظر للغالبية وما يتطلبه السوق



ارجو ان الفكرة وصلت الى الاخوان الافاضل الذين فهمو موضوع المواصفات والوكيل فهما خاطئا



والله الموفق

واش تقصد أخوي ألتيما كامري من 2003 إلى 2006 ما تغيرت..
معروف الكامري تتغير كل 4 سنوات ..

يعني من زين المكسيما اللي تغيرت من 2000 إلى 2007 (ما تغيرت )...

صح كلامك اخوي سوبرا اصلن عبداللطيف جميل لاقي هالناس المسااكيــن اللي مصدقينه
يشتروون من وكاله تويوتاا اجل بالذمه كامري من 2003 الي 2006 مايتغيـــر معقوله شباب
اللي ماشفناه بالعقل عرفنا وهذا اخر كلامي

أخوي Yoda أقرأ الموضوع بالكامل وبتشوف الأدلة والبراهيين والأسباب ..

وبعدين كل بيتكلم على كل الوكلاء أدخل على قسم السيارات الأمريكية وبتشوف الحش اللي في الجميح وبالبيد ..

صدقت يا أخوي أبو الدواهي ..
أصلاً أنا ما دخلت مزاجي الهرجة هذي ..
لكن هنا عندك ناس عجيبة تشوف الغلط وتسكت وتقلك إنه صح ..

ياعزيزي عبدالطيف جميل من افضل وكلاء السيارات بل افضلهم على مستوى المملكة وكفانا تلفيق تهم

عبدالطيف جميل من انجح الوكلاء كـ ( فكر تجاري ) يعني ليش انا اجيب سياره فيها شاشه وفيها وفيها مواصفات لكزس وهذا شي طبيعي راح يرفع سعر السياره ... وبكذا ماراح احد يشتري السيارة بما ان سعرها قريب من الكزس .. وقريب من السيارات الفخمة ..

بخصوص المسجل والقطع الاخرى بالسياره مستحيل انه راح يحط لك مسجل اي كلام ... لان السياره عليها ضمان واي مشكله راح يخسر هو قبل ماتخسر انت ..!!

انا تعاملت من تويوتا كثير وتعاملت مع عبدالطيف جميل ... من ارقى الوكلاء وبلا منافس ...!

شف الجميح .. شف الحمراني .. شف عبده هاشم .. ليه ماحد تكلم عنهم مع انهم الااااسواء ... لكن الناس يتناقلون الكلام في مابينهم بدون اي ادلة واقعيه او تجارب ...

يااخوان بالنسبة اللي يقول ان عبداللطيف جميل يملك نسبة من المصنع
هذه اشاعة الغرض منها لكي لااحد يشتكيه للشركة الام وهذه طريقة لتثبيط الناس
الشكوىولو تلاحظون ان الاشاعة هذي خرجت مع نزول الانترنت عندنا لان في هذه الحالة يسهل
على الناس الشكوى والوصول للشركة الام
وانا تحققت من الموضوع فوجدته انه ليس اساس من الصحة
لان لوبناخذالموضوع من ناحية منطقية فان عبداللطيف جميل ثروة اقل بكثير من ثرة عائلة الراجحي للمثال فقط
فكيف به سوف يمتلك نسبة ثاني اكبر شركة سيارات بالعالم ان لم تكن الاولى
ولنفرض انه امتلك كم ستكون النسبة بالله عليكم 10 % او 20%
في هذه الحالة لن يكون لهو قرار مؤثر في سياسة الشركة

يااخوان قليل من الوعي حتى لاننخرط تحت اية اشاعة مغرضة

تقبلوا تحياتي

ههههههههه من اللي بيشتري في السودان بهذا السعر كامري ..


واش عرفك بالسعر يا صاحب المجانين ..
كنت من زوارها وأنا ما أدري ..

هذا سعر الكامري فل V6 في الموقع الياباني 28020 $ = 105075 ريال :eek:
يعني أرخص من الأوريون حقتنا بكثير فوق هذا مواصفات وشغل زين ..
وسعر الكامري SE i4 أربعة سلندر بـ 21140 $ = 79275 ريال |10|

أدخل وشوف بعينك .. وأقرأ المواصفات زين الزين ..
http://www.toyota.com/camry/models.html

وبعدين لا تخترع أسعار من عندك ..
عندك دليل هاته وتعال ..
الهدف من الموضوع .: النقاش الهادئ والتحاور وتبادل المعلومات ..
وليس التحدي كما يتوقع البعض فقط يبي يثبت إنه أحسن واحد فاهم بالمنتدى ..

الكامري اللي بالسودان مع شحنها للسودان وتأمينها يوصل لـ 110.000 ريال سعودي هنا
( اقضب مجنونك لا يجي اجن منه )

http://www.assayyarat.com/forums/showthread.php?t=91391

تفضلوا هذا الموضوع لواحد من الأخوان وجاب فيه الفروقات بين الكامري اللي عندنا واللي في السودان ..
وأتوقع إن السودان بلد متوسط من الناحية الاقتصادية .. يعني أقل من السعودية ..
يعني الأسعار اللي عندهم أكيد رخيصة ..
حتى مرة أنا واحد دكتور في الجامعة عندنا يحكيني يقول لي إن بـ 5 ريال تقدر تاخذ بها عندهم أحسن وجبة غدا ..
لازم تكون أسعارهم رخيصة عشان الناس تقدر تشتري ..
أتمنى زيارتكم للموضوع ..
أتمنى تفتحوا عيونكم زين لأن الكامري اللي في السودان مكتوب عليها Made in Japan

نشوف أرائكم ..

يعني عارف نفسك غلطان وكمان تتملقف وتقعد تقرقر علينا وتسوي فاهم ...

لكن مو مشكلة راح أتوقف في الرد على مشاركاتك وأشوف أراء الأعضاء والزوار الآخرين ..

هههههه بدت المشاكل ؟؟؟

خالص ريحو اعماركم الاوريون صناعه روسيه ارتحتوا ؟؟؟ هههه

تراكم اخوان وعيب اللي تسوون هوشه وزعل بسبب تافه

الله يهديكم ان شاء الله