الأحد 19 أبريل 2026
عاجل

مساعدة من شباب الكويت

نادي سيارات ال SUV و العائلية والنقل مغلق
8 رد 4,544 مشاهدة 3 مشارك الأقدم أولاً
s
santafe @user_13310 · 13-04-2007
السلام عليكم

قبل حوالي شهرين تقريبا وبالتحديد يوم 28 فبراير كنت في زيارة سريعة لدولة الكويت الشقيقة وقد ذهبت في مساء ذلك اليوم إلى مارينا مول ووشاهدت سيارة شيفورلية تاهو 2007 معروضة داخل المجمع وعليها تعديلات رهيبة من جميع النواحي وكانت السيارة مجرد عرض لمحل لم أعرف أسمه

ولم أبدي للموضوع أي أهتمام لأنني لا أملك تاهو ، أما الآن فأنني أملك تاهو 2007 وأريد من شباب الكويت أن يدلوني على المحل أو رقم تلفونه لأنني من المتوقع أن أزور الكويت يوم الثلاثاء القادم لغرض تعديل التاهو بعد أن كنت البارحة في مدينة الرياض ولفيت جميع محلات الغرابي والعليان ولم أجد أي شئ يخص التاهو

رجاء خاص اللي يعرف أسم هذا المحل أو عنوانه أو رقن تلفونه لا يبخل علينا

وما ننحرم منكم
ف
فيق @user_23374 · 07-06-2007
فيق يا نسناس مو رفيق :D اشقالو لك بنغالي :D


اهي بس على الافنيوز ... تشوف شعور بعض الشباب الله يهداهم ناقزه تقول قاط جراغي ولا صار له سنة و نص مو متسبح |11|

و البنات بعد .. كل وحدة حاطة قوطي روب تحت شيلها صايرة جنها مخلوق فضائي و تحت استرتش بالله ليش متحجبة |10|

بس علشان لا نشط عن الموضوع :p

التاهو عليه ساوند سستم نفس بمب ماي رايد .. و فيه نافيقشن بعد و النياكل و الدعامية غير .. و في فيابر تركب على المداقر تعطيها تفخة نفس القديم ..
ن
نسناس @user_38381 · 07-06-2007
أخ رفيق
رحت مجمع افينيوز قبل كم يوم الجديد توه فاتح قبل شهر
في أشكال جديدة أول مره أشوفها
رجاجيل لهم قرون
و نساء أجانب نصف مفاسيخ
و ناس فاضيين و قاعدين بستار بوكس و قهاوي و خرابيط
و السكيوريتي نصهم بنات أجانب لابسين لبس عسكري و بساطير يشبه لبس الجيش
المجمع شكله حلو و نظيف و راقي
بس حسيت أني شاذ بينهم لأني كنت لابس غترة و عقال :D

ن
نسناس @user_38381 · 18-04-2007
أخ رفيق
الكويت كلها عالبحر الله يهداك :D

على طاري المارينا مول
في فرق بين المارينا مول بالدمام و بالكويت
الي بالدمام واضح ناس يتسوقون

الي بالكويت أكثر من نصهم سفها يغازلون و ناس فاضين ما عندهم شغل غير الخمبقة
مع أني ما دشيته و لكن أتوقع أعرف بالي يدور هناك
:D

ف
فيق @user_23374 · 17-04-2007
اخوي نسناس قصده التاهو الاسود اللي صورته لكم .. و اذا على المارينا بعد ما يبيله دلالة :D

عالبحر على طووول
ن
نسناس @user_38381 · 13-04-2007
على طاري المارينا مول
ممكن سؤال: وين مكان المارينا مول بالكويت ؟

تصدق اني ما دشيت المارينا مول ولا أدل وين المارينا مول بالكويت
ولكن أعرف جيدا مكان المارينا مول بالدمام و رحت له كثيرا
:D

بالنسبة للتعديل
يوجد مع التعديل بالتاهو بالصورة أعلاه ساوند سستم
نظام صوتي
سعره أكثر من 3,000 دينار
و هذا يرفع سعر السيارة كثيرا
ما أنصحك تركبه

s
santafe @user_13310 صاحب الموضوع · 13-04-2007
أخوي نسناس جزاك الله خير وما قصرت وهذا العشم في أخوانا أهل الكويت

والله من جد حمستني أزور هالمعرض وفي نفس الوقت جننتني لما شفت الصورة

لكنك ذبحتني لما قلت لما تزور المعرض شوف السيارة من الداخل ,,,,, أيش حاطين فيها من الداخل ؟؟

وأنا إن شاء الله يوم الثلاثاء القادم بأجي الكويت علشان هالمعرض وإن شاء الله أركب القطع اللي في بالي

وما قصرت للمرة الثانية
ن
نسناس @user_38381 · 13-04-2007


هذا أقل أنواع التاهو
تاهو LS
شوف بعد التعديل شلون شكله
موجود بالمعرض
لما تزور المعرض شوف السيارة من الداخل أيضا
ن
نسناس @user_38381 · 13-04-2007
شوف أخوي
في أكبر معرض شفرولية بمنطقة الري
بزاوية أسمها KROM ZONE
يسوون كل شيء بالسيارة
الأسعار غالية
لكن في شيء مميز و هو أنك لن تجد أدوات الزينة مثل الي عندهم
يعني شيء رسمي و قطع أصلية , لا تقل جودة عن مصنع السيارة أن لم تكن أجود من قطع السيارة من المصنع
ممكن ما راح تشوف سيارة مميزة مثل سيارتك إذا عدلت عندهم
لكن خل التعديل خفيف عن عيون الناس :D


و المعرض هو معرض شيفرولية ( معرض الغانم ) على الدائري الرابع بشارع وكالات السيارات المعروف
راح تشوف بالمعرض أيضا همر H2 معدل
راح يغريك الهمر جدا

و أذا تبي إحداثيات للموقع ممكن أجيبها لك