مساكم الله بالخير جميعا
تطلع عندي رجه خفيفه بالسيارة إذا مشيت 90 وتستمر إلى 120 تقريبا وبعدها تروح
الموتر جديد وفاكه وكاله
كابرس 2006 8سرندل
أول ماطلعت السيارة كان فيها رجه قويه وقالولي الوكالة المشكلة من الكفرات لأنها قديمة ومخزنه تقريبا سنه وخلها عندنا أسبوع عشان المهندس يشوفها وإذا كانت تحتاج ترصيص رصصناها وإذا مانفع استبدلنا الكفرات طبعا الوكالة العيسى
قلت له ياحبيبي مسألة أسبوع اغسل ايدك عشان تتكرم علي بترصيص والله لو المهندس يبي يجي من أمريكا عشان يشوفها ماأخذت اسبوع لكن قلي من البداية ماعندنا لك شيء وفلوسك وأخذناها وأنت اشرب من البحر
سلمت عليه وقلت له بيض الله وجهك وماقصرت والصراحة أنكم حقانيين ولا تاكلون حق أحد ورحت أنا شربت من البحر لأن الدعوى غابة والقوي ياكل الضعيف
طلعت لمحل ترصيص ورصت السيارة ترصيص أرضي حتى الفلبيني جلس تقريبا ساعتين لين ضبط الوضع
الان السيارة قطعت تقريبا 10000 كيلو وتطلع رجه بالكفرات مثل ماذكرت من 90 -120 وبعدها تروح
هل المشكلة من الترصيص لأني الترصيص الاول مضى له أكثر من شهرين
ولا من الكفرات ولا وش الحل
آسف على الاطالة وجزى الله من ساعدني كل خير
