ليه الإحتقار للكوري مع انه هو الافضل ؟؟؟

نعم صحيح كلامك اخوي حتى ان شركة تاتا الهندية تعتبر افضل من الصناعة الكورية
وهي تنافس شركة فولفو في جودة منتجاتها والسلامة لراكبيها


معليش امزح:D :D :p


حرام عليك اخوي نابولي وش دعوه ياحافظ(مثل مايقولون بالمسلسلات:p )

ياشيخ روح الوكالة واركب السوناتا او الازيرا وشوف جودة الديكور (شوف ركز على الجودة بغض النظر عن المواصفات:rolleyes: )

وخل الانترا والاكسنت لانه يمكن البعض مايحبذهن

وقارنها بالكامري او الكورولا او حتى الاوريون بوكالة ابو جميل (اما الافالون فما اقول فيها شي|1| ) <--- ياويلك من متعصبين تويوتا|10|


وبالنهاية تبقى لكل واحد وجهة نظره ونتقبلها بصدر مفتوح

((وحياكم الله شباب)) على قوله اخوي الملهوف:D

حتى وان كانت الصناعه الكوريه كما قلت وشرحت لها من مميزات وانواع لاتصل او تقارن بالياباني او الاوروبي او حتى الامريكي
بل انني اعتقد ان الصناعه الماليزيه اجود وافضل من الكوريه وبمراحل
واقصد هنا بروتون الرهيبه .

تحياتي

صح عليك

مشكور على الزيارة والرد

على الرغم اني مني من الموؤيدين لهونداي وغيرها من الشركات الكوريه لاكن اقف له بكل تحيه وتقدير كشركه بداياتها فاشله والان كل ماله افضل واحسن هادولي الكوريين يتطور بسرعه وشكراا على موضوعك الجيد

صدقتوا

ومشكورين على الزياره و الرد

انا اشوف ان السيارت الكوريه وخصوصا هيونداي تطورت بشكل كبير

السوناتا كل من جربها يمدحها حلوه وفخمه وقويه

والازيرا حصلت على علامة الجوده من مجلة JD power

لكن المشكله عندنا في بعض السعوديين

عندهم حاجات مؤمنين فيها بقوه

احسن سياره

كامري

احسن جوال

نوكيا



وشكرا .....

مشكور أخوي أبو راشد على طرح الموضوع

أزديكم من الشعر بيت أخوي معه ألنترا 98 وكارفها كرف حمير وأنتم بكرامه
وماشاءالله إلى الأن ماشتكت من شي أبد تخيلوا 10 سنين كرفXكرف
هالكلام على موديل 98 عاد شلون 2007 :eek:

مشكور اخوي على مشاركتك

:rolleyes: إذا بتتكلم عن موديلات التسعينات فبقولك بصراحه انها سيارات ماتسوى حتى ريال واحد ....... لكن الحق ينقال , انه في خلال الـ 5 سنوات الاخيره تغيرت نظرة شريحة كبيره من الناس بخصوص الكوري (( والهونداي بشكل أخص )) :D وأنا واحد من الناس اللي يشوف الهونداي = تويوتا في الوقت الحالي .....



لكن إذا بتقولي كيا ولا دايو |4| اسف هذولي باقي عليهم مشاور طويل .....








:D وبقولك شيء ....... قريبا جدا جدا بتكون تويوتا الشركة رقم 1 عالميا ................ ولا تستغرب كثير إذا بعد 10 سنوات من الان هونداي تكون الشركه رقم 1 عاليما لانهم ماشين |1|

ههههههههههه من جد!!

مشكورين يا اخوان على التفاعل وعلى ابداء آرائكم


تحياتي

مابقى إلا أصحاب الكوري يقولون السوناتا عليها مكينة RB

ههههههههه بالنسبة لي ماأحتقر الكوري بتاتا بالعكس أشجعها وأتمنى تكبر وتدخل بمجالات أكبر

عشان نتخلص من إرتفاع أسعار التويوتا

ومعدات ثقيلة أيضا مثل البوكلين

وانا جربت سياره دايو مشيها زي الفل وممتازه ولا في اي صرف للبنزين واقتصاديه ومريحه شويه يعني ومميزاتها عاديه بس ما اقدر احتقر الكوري لأن أولا مجربنه وثانيا مافيه اي عيب كلهم سيارات بس لكل مجتهد نصيب مثل مايقال فيعني الافضل رح يظل أفضل

الله يعااااااافيك


اهم شي ان كل واحد معه سيارة كوريه اخرج ما في قلبه من الغل و الغضب

وكل واحد معه سيارة كوريه يفتخرررررررر











واجمل تحياتي

على فكرة ترى هيونداي تصنع باخرات بعد|1|


ويابو راشد يعطيك الف عافية عالموضوع الرائع

تسلم اخوي سوسو على الرد المميز و على الشرح الحلو



و مع اجمل تحياتي

وفــي الآآآخـــــر

تذكروا أن شركة هيونداي لا تصنع السيارات فحسب

وإنما تقوم بتصنيع المعدات الثقيلة وأيضاً الباصات والدينات وهذي صورة لأحد سيارات النقل الكبيرة



يعني الهونداي ما خلت شي من هالسيارات معقولة ما تقدر تسوي لها سيارات أصغر من كذا !!!

حاولوا تفكرون شوي .. وتنسون التفكير القديمـ .. تطوروا يا عـااااااااااااالمــ !!؟

وعن المقارنة بين الكورولا والالنترا من ناحية الماكينة

فنقول لأصحاب الكورولا خلوكم على اللي قدكم (الاكسنت)

ولعلمك الالنترا تقوم على السوناتا خاصة (2.0L) لكن في الخط ما تروح

:

أما المقارنة بين السوناتا والاكورد .. فالمكينة للاكورد لان قوتها الحصانية تبلغ 170

أما السوناتا 161 .. يعني تفرق بـ 9 أحصنة لمصلحة الأكورد

... لكن خلونا نقارنها من جوانب المظهر ...

الحساسات لا توجد في الاكورد .. ولكنها توجد في السوناتا

النسافات لا توجد في الاكورد .. ولكنها توجد في السوناتا

الكشافات للضباب بصعوبه تجدها في سيارات أكورد .. رغم وجودها في الفئة المتوسطة من السوناتا

قير الاكورد اتوماتيك .. قير السوناتا تبترونك ( ملخبط في الاسم شوي!!)

العدادات والطبلون لمصلحة الاكورد .. وهي تتفوق في ذلك على السوناتا

المقاعد غير مريحة في الاكورد .. اما السوناتا فمريحة أكثر

التخشيبة في الاكورد لونها مو عاجبني .. بعكس السوناتا ..

وهناك ممزيات أكثر ولكن المجال لا يسعني لذكرها

وآسفــ ع الاطالة

السلام عليكم

اول شي أحيي كاتب الموضوع على طرحهـ للمناقشة

وبالنسبة للكوري بصراحه أنا اشوفهـ وكأنهـ أي سيارة ثانية

سواء يابانية أو أمريكية .. إلخ .. كلها توقف عند الإشارة وكلها تمشي على الإزفلت

وما فيه فروق كبيرة

المهم نرجع لمحور حديثنا

اللي يقولون ان الكوري ما يدومـ أو ما يعيش فأتوقع أن كل شركة ما تتطور إلى بوجود الاخطاء

لتستفيد منها .. وهذه الأخطاء قد تعود عند بداية ظهور السيارات المنتجة من الشركات الكورية

وأتوقع هالفترة من موديلات 95 وتحت ...

أما الموديلات الجديدة فتراها مميزة لأبعد الحدود

يكفيك أن أغلب التكاسي ألنترا وسوناتا وقلة من الكيا والدايو وأكيد الكامري

وعندك الدورية السرية ماخذين السوناتا بكورنيش الخبر

:

وانا توي شريت سوناتا 2007 GLS ولله الحمد والمنهـ .. وفرحتي ما تتصورونها

ولكن الشخص ما يحكم على الشي إلى ان يجربهـ

:

وفيه مسألة الاستخدام .. كل ما كان استخدامك نظيف دامت معك السيارة حتى لو تصنيعها محلي

واحنا عندنا دايو ليجانزا موديل 99 والله انها ما شيه زي العسل اللهم غير زيت وعبي فريون

وبصراحه تعجبني فيها مميزات هذي وهي (دايو) مع انها ستاندر إالا إن فيها تخشيبه

مو مثل بعض السيارات اليابانية لا توجد بها تخشيبة مع انها من أعلى الفئات

..
.

يتبع