إلى الخبراء في القراند مركيز 99

[محمد27]

السلااااام عليكم وصباااحكم خييير

عندي كم سؤاااال حول الفورد اللي عندي..قراند مركيز 99...ونا متأكد اني بلاقي الاجااابة باذن الله

1- عندي عداد السيارة اذا وصل 170 تقريبا يفصل..أبي اشيله
فهل تنصحوون اني اشيل الفاااصل؟ يعني مو حلوة تجي كرولا من جنبي

2- وش هي فايدة O/D ?? انا لما اشغله احس بثقل بس ايش الفايدة ؟؟ ما ادري


3- السيارة عندي لها ارقااام ..طبعا رحت في يوم من الفضاوة ادقق فالارقام هذي وانفتحت الازرار!!!!!
ايش رايكم ؟؟؟ انا ابي افصلة مرررة .. بس صراحة مهم لان احيانا وقد صارت معااي نزلت من السيارة وهي في R
بعد ما اضغط البريك.. ونزلت من السيارة وانتبهت..وجيت اضغط في الريموت هههه ولا عندك أحد..فما فتحت إلا بالأرقاام
هل اذا سويت برمجة من جديد انسى المشكلة ؟؟


4- لكم كل الشكر والتقدير وفي انتظااااار ردودكم...

أخوكم: محمد

[S E N I O R]

مرحبا اخوي الغالي ويسعدني تواجدك معنا في شبكة السيارات


1 - بالنسبه للفاصل اتمنى انك ما تشيله بحكم تجربتي الشخصيه وتجربة باقي الاخوان الاعضاء

يعني لا تغتر بالفورد تتخيل انها راسيه وهي كانها تمشي على ديزل او زيت ( يعني تزحف على طووووول )

2 - اما بالنسبه للزر الموجود بالقير اوفر درايف فهذا يستخدم في الغالب عند جر المقطورات الصغيره

3 - واما الارقام موجوده في الشنطه الخلفيه عندما تفتحها بشرط ان تكون السياره غير معادة الصبغ ( يعني بوية وكالتها )
واذا بغيت تبرمجها مالك الا الوكاله


اتمنى اني قدرت افيدك قدر الامكان وانك تاخذ بنصيحتي وما تشيل الفاصل




تحياتي لك

[سيد الحب]

لي هذي الدرجة الفورد خفيف

طيب وش معنى باقي السيارات السرعة فوق ال 200 ماقلت شي

مسكت على الفورد

مع إني توني مأخذ الفورد بس الأخ متمكن في السواقه

وفي نفس الوقت شيطااان

وأبي أجرب السرعة فيها فوق ال 200 إذا حصل

تحياتي لك

سيد الحب

[سيد الحب]

وفايدة ال O/D

والله ماأدري يمكن نفس ماقال أخوي S E N I O R

يسمونه بعد حاشر مدري يأخر في التعشيقة أو يردها نمرة

المهم إني إذا بغيت أدعس ضغت عليها لين أمسك الخط وبعدين أفكها

وبالنسبة للأزرار نفس اللي عند ولد عمي فاكتوريا ،، ولد أخوه الصغير يعرف يفتحها ويحوسها حوس ------->> خربها له

والبرمجه طبعا في الوكالة بس ماأدري تزبط ولا بعد أي واحد يفتحها

تحياتي لك

سيد الحب

[عميد الطائف]

السلام عليكم ... كما تكرم الأخ سينير.....

ولكن ألا تعتقد أن سرعة 170 أكثر من كافية ؟؟ وكل ما يهم هو عدم تجاوز سيارة أخرى لك ؟؟
الكورولا سرعتها تتجاوز 220 أما الفورد فستقف لدى الـ200 في حال فتح العداد... فما الفائدة ؟؟ وكلتا السيارتين بصراحة غير مؤهلة لسرعة قصوى....

[سيد الحب]

ماأعتقد الكورلا تمشي أكثر من ال 200 إلا إذا كانت أفخم نوع يمكن بعد

بس زي مايقولون الفورد مو راسيه بالسرعة ،، تخدعك ،، مانشوف أكثر الحوادث إلا من السيارات الصغيرة أو الكبيرة في الطرق السريعة

أما السيارات المتوسطة تكون حوادث داخلية ، داخل المدينة يعني

أما عن الفورد بصراحة أحسه بيزحف إذا كان نازل يعني مطيح تحت ،، وفي هذا الوقت ماتقدر تثبته

وأنا لو سيارتي الفورد تمشي 190 على الأقل قلنا ماعليه مانبيها تمشي 200 أو فوقها

بس السرعة عندي 165 مو مثل ماتقولون 170 ،،،،،،،

[محمد27]

اخوي سينير يعطيك العافيه يا غالي على ردك... خلاص ابشيل الفاااصل >>>> من راسي

عميد الطايف..ما ودنا يسبق الفورد إلا سيارة تستاهل ونا خوك ومشكوور على هالطلة


اييييييييييييييييييييه انت يا سيد الحب ....اذا ولد خوك فالشرقية فالحمد الله انه بعيد لا يجي يحوس الارقام عندي
واذا سيارتك هي المنزلة فالتوقيع ما اتوقع تثبتها وانت مسرع لكن خل الكرلا تعداك


بخصوص الــ O/D انا اضغطه لما اشوف البوليس لانه يهدي من السيارة عشان ما يشوف نور الفرامل
واحيانا لما انزل من نزول احط القير فالثاني واضغطه وشغلك تماااام

عموما يعطيكم الف الف عافيه



بس توني تذكرت سؤال اخييييييييييير دوخني امس ما ذكرته

بخصوص الثلاجة ما ادري هي تحت المكينة او جنبها ... لكن على كلام واحد ان لازم افقدها كل فترة عشان ما تخرب
علي المكينة...
طبعا لما سألت عن الثلاجة هذي ناس تقول لازم تحط على حديد او من النوع هذا يحفظ لك الثلاجة و ... و ناس نفس كلام الأول
(شركة يقولون وأخواتها)

اعطوني رايكم....

[MGM LS]

غريبه 165 يفصل اللي اعرفه ومجربه 170 وزود شوي يعني 172 ويفصل

وحتى الموديلات الجديده يفصل


رحنا سفره بكراون فكتوريا 2003 فل كامل وصاحبها مطلعها بسنتها جديده على يده

المهم نفس الشئ يفصل عند 170 إلا 173 تقريباً


بس بصراحه كانت راسيه مشاء الله وتشق الأرض شق

وبعدين ياخوي ترى عداد الكرولا ولا الكامري يختلف عن الكراون والماركيز

يعني لو تثبت انت وخويك ولنفرص انت معاك فكتوريا وخويك كامري تثبتون بنفس الوقت على سرعه 120 تشوف الفكتوريا

قدامه وهذا الشئ انا مجربه مع كامري 2004

وهذا الشئ اعتقد من دوران الكفر بالكراون تاخذ مساحه كبيره

وبنظري 170 كافيه

مع كل الود والتقدير ,,,