قناة السيارات
مرحبا شباب كيفكم
انا عندي استفسار بسيط وهو عن شحن السيارة من السعودية
للخارج لامريكا تحديداً
هل عذا الشي وارد لاننا متعودين على اننا نجيب معانا السيارات من امريكا
انا صراحة هل الفكرة تراودني ولا ادري عن امكانيتها ومعوقاتها وتكلفتها اتمنى احصل تفاصيل لو تكرمتم
شكراً
هلا اخوي,,
لأي دولة تبغى تشحن؟؟
هناك دول متشددة جدا في دخول السيارات من الخارج اذا ماتطابق مواصفاتها,,
مثلا امريكا حتى لو بتشحن لهم سيارات امريكية احيانا يرفضون دخولها اذا وصلت
اعرف واحد شحن كرايسلر نيويوركر ومع ذلك رفضو ادخالها لانها لاتطابق مواصفاتهم
يعني تكلف قيمة الشحن مرتين + مرمطة وصداع راس
نصيحة تبيع سيارتك هنا وتشتري شي مستعمل في الدولة اللي تبغى تروح لها
بالتوفيق
مشكوووووور اخوي
انا فعلاً بامريكا حالياً
وسيارتي الي بالسعودية تريل بليزر 2004 ال تي زد ولو بابيعة بالرياض خسران نص السعر
فما ادري والله
حتى ودي اعرف كم هي التكلفة تقريباً والمدة لو اني باتخذ قرار بالشحن
هلا اخوي,,
انت في اي ولاية؟؟
لازم تحط في بالك تكلفة الشحن البحري + البري داخل امريكا
التصدير بالعادة الى ميناء بالتيمور في ولاية ماريلاند
ممكن تسأل عندكم بكم تكلفة الشحن الى ولايتك
للمعلومية: في الولايات الشمالية الباردة تجهزالسيارة باداة تحمي (تحمي من التحمية وليس الحماية) لك الزيت , لأنه احيانا يتجمد مع شدة البرد وماتقدر تشغل السيارة
ونصيحة بما ان سيارتك بليزر لا تجيبها,,
لانها تصرف بنزين وبتكلفك بنزين وانت ادرى بكم وصل سعر البنزين عندكم
شوف اسعار السيارات المستعملة عندكم وحاول تشوف لك شي 4 سلندر علشان الصرفية
ماقصرت والله انا بيني وبينك حسيت اني اشري سيارة اوفر
و انا خاطري بسيارة دفع باعي عشان الانزلاقات والثلوج وفكرت باراف فور تويوتا وباشوف كم سعرة
وانا بولاية اوهايو مدينة دايتون <<< اذا تقدر تشوف كم التكلفة تقريباً او اذا كان في مكتب بالرياض
ماقصرت والله
شكراً
