ساعدوني تكفون سيارتي ماتطبق ال160كم؟

[الزين]

السلام عليكم
كيفيكم ياشباب

ياشباب أنا عندي مشكلة وياليت الخبراء يساعدوني

السيارة عندي أقصى سرعة لها حاليا 150 كم

مع العلم إني قبل سنة كنت أسفط 200كم بالراحة

مع إن السيارة قومتها جيدة

بس قبل فترة تطارحت مع مازاد موديل 84 وطرحتني

مع العلم إني أول طرحت 2ترسل والنترا وفي القومة تفوقت على هايلكس(دفع خلفي) وعلى كامري

ياليت تشفولي حل

صراحة السيارة فشلتني سيارات كثيرة طرحتني

مع العلم إن سيارتي مازدا 323 موديل 2003

والسيارة لها معي 3سنين وأنا اللي مطلعة من الوكالة يعني أخذتها جديدة

في انتظار ردودكم.............

[$المهندس$]

السلام عليكم


اخي الكريم تبدل الفلتر البانزين و الهواء و عمل التصفيه للبواجي و البخاخات سوف يفي بغرض .

[الزين]

حياك الله أخوي المهندس

بس أخوي أنا ماأفهم في الأشياء هذي

ياليت توضح أكثر

ومن ممكن يسويها لي

كم ممكن تكلف

ولك ألف شكر

[traveller]

سيارتك تحتاج تصفيه من بواجي وفلتر هواء وفلتر بنزين واذا القيراوتو تحتاج تغير زيته وسمعت فني في الصناعيه قالي اذا سيارتك تحتاج تصفية للكبريتر او للبخاخ ممكن تصب في التانكي علبة زيت بريك على نص تانكي بنزين بالنسبه للسيارات اللي تاخذ لها 55 لتر تقريبا وتمسك خط على سرعه ما تقل عن 100كم/بالساعه وهو كفيل بازالة الترسبات الموجوده بالبخاخ او الكربريتر لمده ما تقل عن ربع ساعه خط طبعا هذا كلام الميكانيكي ماهو كلامي وبالتوفيق من رب العالمين .

[الزين]

مشكور أخوي على ردك

والله بصراحة أخاف أخاطر وحط زيت في التانكي

[traveller]

عموما غير البواجي وفلتر الهواء واجل تنظيف البخاخات وصدقني راح تلاحظ فرق كبير اذا كنت ماغيرت البواجي من وكالتها اذا ما لاحظت فرق الله يعينك على تنظيف البخاخات

[نيسان للأبد]

اذا انت مالك في المكانيكا ودها للوكالة او فني تثق فيه وخله يبدل كل الاشياء المتعلقه بالعزم / البواجي الحبة الوحده سعرها مايتعدى 5 ريال وفلتر هواء مايتعدى 65 ريال هذا حق الممكسيما وهو كبير اتوقع حق سيارتك ارخص شووي وعندي صفاية البنزين مايتعدى سعرها 35 ريال وعندك تغير زيت المكينة وزيت القير اذا كان اتوماتيك اما اذا كان عادي تزيده اذا كان ناقص وتغير السيفون حق المكينة ....

[AEMA]

أحسن لك ودها عند ميكانيكي دام انك ما تعرف للسيارات

وخله يغير البواجي وينظف فلتر الهوا

وفيه سائل يبيعونه في محل قطع الغيار تصبه في التانكي ينظف الإنجكتر استخدمه انته

وإذا شفت ما في فايده غير فلتر البنزين ولا تنسى تغير زيت المكينة والقير إذا كان اوتوماتيك

وما تشوف شر

تحياتي