يا اهل الفكتوريا القديم

[الحارث]

السلام عليكم ورحمة الله وبركاته
ياجماعه ابا استشيركم لقيت فورد فكتوريا موديل تسعين بس نظيف جدا جدا ماشي 120الف كلم
ب800دك
ومحتار هل يصلح ويتحمل الكرف وشرايكم بقطع غياره هل توجد بالمحلات والا انتهت؟
وابا ارائكم ياشباب

[bashar_255]

القطع متوفرة بس الموتر أحسه غالي بـ 800 دينار كويتي الا اذا كان ما يعيبه ولا عيب صغير

الموتر اعتمادى و مريح و فيه أعضاء يمتلكوه هنا و مرتاحين منه أتمنى يردو عليك

[بو العابد]

غااالي

ولو تشوف شي ثاني أحسن

[راعي الفكتوريا]

هلا بك اخوي
السيارة حلوة وصرفيتها احلى واحلى ماتصرف وسواقتها تووووب ومعروف ها الموديل الطارة خفيفه

السعر غالي شوي يعني 650 زينه وطبعا على النظافه

وبعد هم خلني اقول لك على شوي عيوب

السيارة الي عندي 88 تعبتني في الباور يعني كل 3 اسابيع علبة

شوي الراديتر يهرب ماي بس السيارة راح تحبها ووقفتها ومشيتها كلاها حلوات

وخبرنا الي يصير وياك



وبس

[M3-POWER]

واحد شاري فكتوريا موديل 96 قبل سنه ب 800 دك

[الحارث]

ادري تقولون غاليه
رحت لراعيها اليوم صاحب الفورد ونزل لي السعر قال 700دك
من ناحية النظافه والله ماتصدقون انا ماصدقت اول ماشفتها صافطه بالمكتب قال راعيها شغلها راح تعجبك قلت لا ما ابيها لمهم يوم رجعت البيت قلت ليش ما اشغلها واشوف المهم رجعت له وشغلتها ولا السياره فله انظف من الجديد وكشناتها مخمل احمر تتحرك مش خربانها وكل شي فيها نظيف
بس شغله وحده فيها بطة جبدي دقمة الانتينا الاريل لما اضغط عليها مايرتفع الاريل مدري وش بلاه
وباجر مواعد راعيها ابشريها احس انها لاباس اخي الباور اذا خربان بدل العلبه جديده وارتح

اشكركم علي الردود ياشباب وراح اوافيكم بكل جديد ياحلوين بس همات ابي منكم ردود

[الحارث]

راعي لفكتوريا ليش ماتبدل علبه الباور جديده وترتاح
وكم سعر العلبه؟الاصليه