فرق المعرض عن الوكالة

[أبو ليان]

السلام عليكم ورحمة الله وبركاتة..

لدي استفسار ... هو نويت شراء سيارة من الوكالة .. وذهبت للوكالة ووجدت سعر مرتفع الأنها طبعا الوكالة ؟؟!!

واحد من الشباب نصحني بالذهاب للمعارض وقال هناك سيارات جديدة .. وبسعر اقل من الوكالة ..

المشكلة ان سيارات المعارض عليها لوحات ؟؟!!!

بديت اشك في الموضوع ... وش رايكم فيها وش سبب اللوحات ....مع ان السيارة جديدة ....

نصائحكم يا شباب ... الوكالة وسعرها المرتفع ... او المعارض وانا المشتري الثاني ...؟؟؟!!!!!!!

[Caprice]

هلا وغلا ابو ليان

اصلا راعي المعرض يشتري السيارة من الوكالة زيه زي اي عميل اخر يعني لازم بلوحات
وسبب انخفاض سعرها انه يشتري اكثر من حبة وبالتالي ينزل السعر

اهم شي شف عداد السيارة اذا كان ماشي 60 كيلو او اقل فتطمن انها جديدة ان شالله

وهذا اللي اعرفه والله اعلم

[لوميـSTOCــنا]

السلام عليكم ورحمة الله وبركاته

اعتقد مثل ما قال اخوي راعي المعرض يشتري السيارة من الوكالة بنفس الثمن

ولكن ينخفض قليلا للان قد يمشي اكثر من 60 كم .

وانظر الى العداد هل هو ماشي كثير اذا كان ماشي كثير فلا اعتقد انه جديد .

اذا كان اقل من 60فـــهــــــــو جديد .

وشكرا

[أبو ليان]

هلا و غلا بأخوي ( Caprice )

يعطيك العافية على مرورك وتعليقك .... وتراني سمعت نصيحتك و اتكلت على الله ...


اخي لوميـSTOCــنا

مشكور على مرورك وتعليقك ..... و تسلم ..

[صحراء الجليد]

اخوي وش هي السيارة إلي تبيها

انا يوم شريت سيارتي شريتها من معرض

وشفتهم وهم ينزلونها من الشاحنة وركبوا اللوحات قدامي


وفي عندهم سيارات كثير بدون لوحات

[نوفي]

انا متلك كنت أبي أشتر لومينا من المعرض تفرق عن الوكاله 6 اللاف وسائلت صاحب الامعرض ليه كدا الفرق عن الوكاله قالي أغلبها لناس محتاجي كاش ياخدونا تقصيد ويبيعوها كاش فلازم تكون أرخص من الوكاله علشان تنباع

[FARES__KSA]

الوكاله لان عدة السياه معها وريحة الوكاله موجوده
المعرض يطلعها ويجيبه مشي عليها وليس على السطحه

[TARIQ.M]

اخي الكريم انا افضل الوكاله على المعرض
سيارتي القديمه شريتها من المعارض وكان الفرق بينها وبين الوكاله الف ريال فقط ولكن
طلعت عندي الابواب ثقيله اذا جيت تفتحها وتسكرها وإيضاً فيه جزء من الديكور المسكه حقته
مو موجودة ومااعرف هل الاهمال من المعرض او الوكيل اثناء التخزين .
والسيارات الموجود عليها لوحة هذا البعض ياخذ من البنك سياره بالتقصيد ولكي تتم البيعه ويكون
كل شئ صحيح لابد ان يقوم الشخص بتحريك السياره من المعرض لو حتى يطلعه من المعرض ويدخلها
على طول ويعرضها للبيع عشان يحصل على الفلوس كاش وهذا ينزل من سعرها تقريباً 5 الف ريال

وبالتوفيق