ما أفضل سيارة كوبيه؟

[مصعب خياط]

بسم الله الرحمن الرحيم
السلام عليكم ورحمة الله وبركاته

يا شباب ما هي أفضل سيارة كوبيه coupe يمكن أن تشترى (يعني لا تقولولي فراري ولا لامبورجيني )
يعني سيارة تكون لا بأس بها

ويا حبذا لو تقولو سيارة كوبيه بس مافيها مقاعد خلفية + سيارة كوبيه فيها مقاعد خلفية

أرجو ما تطفشو مني
شكرا لكم

[الكيماوي]

انصحك بـ لومينا اس اس كوبيه ولا لومينا اس ...
اما بدون مقاعد ما عندي خلفيه عنها ..وان شاءالله الأعضاء راح يفيدونك..

[B R A B U S]

انا انصحك اخوي في SL 500 او CL 500 من افخم

السيارات السبورتيه وعندك الكاديلاك الجديدة بعد

من اجمل السيارات والكاديلاك وال SL مقعدين بس

اما CL فيوجد فيها كراسي بالخلف



CL 500



SL 500



XLR

[بو العابد]

بدون مقاعد خلفيه عندك الزد

بمقاعد خلفيه عندك هونداي كوبيه إذا معندك مشكله ويا الدفع الامامي
ولا عندك اللومينا كوبيه أس أو اس اس خصوصا إنه 2005 يجي قير عادي
وفي عندك الموستنغ

وفي مرسيدس بس ما اعرف إسمه وفي بي ام وفي بيجو كوبيه

[Honda- Civic]

هن ثنتين الافضل في نظري

الزد عندك
واللومينا اس اس كوبيه

[الكويتي17]

اذا تهمك القوة أخذ موستنج 2005 أقوى كوبيه بالنسبة لسعره ..10 آلاف دينار (12 ألف ريال)
وفيه مقاعد خلفية

[Initial D]

فيه كثير من السيارات الكوبيه اللي تنزل عندنا بس انا بقولك افضلهم


أول شيء عندك الزد الجديده .... يكفيك انها سياره معروفه عندنا من زمان وأغلب شيابنا كانوا يسوقونها ايام شبابهم (( الوالد كان واحد منهم كخخخخخخ ))
وطبعا الزد بس تكفي لشخصين وإذا بتاخذ خذ بجير عادي والسعر اعتقد 120 ريال


ثانيا عندك اللومينا اس اس أو حتى اس
تجي بمحركين .... 8 و 6 سلندر وتكفي لـ 4 اشخاص


ثالثا عندك الرينو الكليو.... (( ادري انها هاتش باك كخخخخخخ ))
صحيح انها صغيره بس يكفيك انها بـ 180 حصان وواحد من ربع اخوي الكبير عنده وحده موديل 2004 ...
كل اللي اقدر اقوله انه الموتر طياااااااااااااااااااااااااره ... جربنا مع التيما 6 سلنرد تماتيك وكانت النتيجه تعادل إلى سرعة 230 وبعدها راحت الالتيما بشيء بسيط جدا ...
شوف الفرق ... 2 لتر ضد 3.5 لتر ؟؟ 180 حصان ضد 250 حصان ..؟؟
واعتقد انه سعرها رخيص ومايتعدى الـ 60 الف ريال للباب واحد



بس انا أرشح الزد الجديده (( شوف توقيعي كخخخخخخخخخخ )) وانا ناوي على وحده بس مش هالسنه لانه عندي مشروووع زواج بنودع العزوبيه نهاية هالسنة

[مصعب خياط]

ألف شكر لكم يا أحبائي على هذه المعلومات السريعة والمتميزة
جزاكم الله كل خير

يا أخوان ما رأيكم في الإنفنيتي G35?
والله بصراحة أنا عجبتني

وبالسبة للزد أنا شايف أنها أصغر من أنها تكفيني

أكرر شكري لكم جميعا والله يبارك فيكم