اكبر رقم على الداينو الى الان !!

[V-I-P]

السلام عليكم

اول شي مبروك لأهل الرياض على الداينو الجديد

ثاني شي المقارنه في هذا الموضوع ماأقصد فيه اكبر رقم في الداينو الي عندنا في الرياض
لأن السيارات الي عندنا ماتتعدا 1000 حصان

ودنا نسوي مقارنه بين السيارت الرياضيه
وشي السياره الي جابت اكبر رقم على الداينو في العالم
(( طبعا المحركات النفاثه برا الموضوع ))
وودنا تكون مقارنة قوة الحصان على الكفر مو على المكينه

[MITSUBISHI2005]

داينو شنوو ؟؟؟؟؟؟؟؟؟؟؟؟؟

[Initial D]

اووووووووووووووووووف ؟؟
داينو في الرياض .... ياحظكم والله


ياليت لو عندنا واحد هنا ؟؟

بس انت من وين جبت الخبر هذا ؟؟

[V-I-P]

اخوي MITSUBISHI2005

الداينو هذا طال عمرك جهاز تدخل فيه السياره وفيه زي الكفرات تحت
وظيفته يقيس لك قوة السياره والتورك ووو .......
--------------------------
Initial D

انا شفته بعيني والي جابه عبدالرحمن الجميح
وفيه لومينا معدله جابت 400 وشوي وفيه Z نيسان جابت اكثر من 500 حصان

ومكانه وانت في طريق الملك عبدالعزيز طالع على شارع الضباب اول وثاني اشاره تعداها بعد مسافه بسيطه بتلقا محطه على يدك اليسار ديور وادخل المحطه بتلقا الداينو في احد المحلات الي في المحطه

اخوي Initial D على فكره انت من وين اذا كنت في الامارات انا سمعت ان فيه واحد هناك

[blue chevy]

في الكويت اكثر من داينو

[دايـو بحري]

الصراحة مدري وشو الداينو

[m15]

اخوي:
V-I-P ( (وين موجود في الرياض))

[V-I-P]

وصفت مكانه بردي الثاني

ومكانه وانت في طريق الملك عبدالعزيز طالع على شارع الضباب اول وثاني اشاره تعداها بعد مسافه بسيطه بتلقا محطه على يدك اليسار ديور وادخل المحطه بتلقا الداينو في احد المحلات الي في المحطه